FOTO/ U vra në atentat, ky është 29-vjeçari Ermir Dedja

Personi që shihni në foto është Ermir Dedja, 29-vjeçari i cili u vra në një atentat në Durrës mëngjesin e së martës.

Policia e Durrësit ka ngritur dy pista hetimi në lidhje me atentatin ndaj 29-vjecarit Ermir Dedja, atë të konfliktit për prishje pazaresh në fushen e narkotikëve dhe atë të larjes së hesapeve.

Burime nga grupi i hetimit thonë per ABC news se viktima, me orgjinë nga Shijaku dhe banor i lagjes nr 11 Durrës, është person me precedent penal, ku është arrestuar më herët për dy ngjarje, fillimisht në vitin 2015 për trafikim të lëndëve narkotike dhe në vitin 2017 për përkrahje të autorit në një plagosje në qytetin e Shijakut.

Kohët e fundit, Dedja dyshohet se ishte përfshirë në një grup kriminal në Durrës. Sipas policisë, dyshohet se ai ka rënë në pritë në lagjen 18 të Durresit teksa po shkonte të takonte disa shokë të tij.

Grupi i hetimit nuk ka gjetur gëzhoja në vendin e ngjarjes duke bërë që ekspertët e kriminalistikës të mendojnë se kemi të bëjmë me vrasës profesionistë të cilët dyshohet ta kenë qëlluar 29-vjeçarin nga automjeti teksa ky i fundit ishte duke levizur në këmbë.

Sipas policisë, Dedja ka një CV të pasur ku rezulton i përfshirë në një mori ngjarjesh kriminale. Burime nga mjekësia ligjore thonë për ABC News se viktima ka marrë plumb në pjesën e bustit.

Ai është transportuar në spitalin e Durrësit në pak minuta, pasi ndodhet vetëm 40 metra larg, por plumbi i kishte prekur organet jetësore duke bërë qe mos t’i mbijetonte plagës.

Autoret kanë qelluar disa herë, por plumbat kanë përfunduar në vetratën e një qendre shëndetësore.

Policia ka sekuestruar disa kamera sigurie në zonën në të cilën ndodhi ngjarja dhe ka ngritur postblloqe në zona të ndryshme të qytetit./abcnews.al