Tre punëtorë të minierës së kromit kanë humbur kontaktet me familjarët gjatë ditës së sotme, ndërsa policia dyshon se ata kanë mbetur në brendësi të galerisë në fshatin Balgjaj, në Dibër.
Dyshimet e policisë janë shtuar edhe më tej pas gjetjes së sendeve personale dhe të telefonave të tre minatorëve në dhomën e zhveshjes.
LEXO edhe: Zbulohet emri i inxhinierit që dyshohet i bllokuar në galeri, miniera në territor të vështirë
Siç shihet në fotot e siguruara nga abcnews.al, shokët dhe familjarët e tre minatorëve janë mbledhur së bashku pikërisht në dhomën e zhveshjes ku u gjetën sendet, për të pritur tre minatorët për të cilët prej orësh nuk dihet asgjë.
Miniera e kromit në Balgjaj ndodhet në një territor të vështirë mes Dibrës dhe Matit, ku mund të shkohet vetëm me kamionët e druve, pasi për makinat e tjera është e pamundur.
Policia ka njoftuar se janë thirrur grupet e avari shpëtimit në miniera, për të bërë të mundur lokalizimin dhe gjetjen e tre personave.
n.d./abcnews.al
