Kukësi dhe Dinamo do të përballen mes tyre më 19 janar sfidë e cila do të luhet në stadiumin e ri të verilindorëve “Kukës Arena”, ora 16:45.
Gjatë seancës stërvitore të skuadrës së Kukësit, janë parë edhe drejtues të Dinamos që po ndiqnin nga afër kundërshtarët e tyre.
Një detaj që trajnerit të Kukësit, Diego Longo, që nuk i ka shpëtuar, teksa i ka fotografuar.
Nëpërmjet një postimi në rrjetet sociale, Longo shprehet se i vjen mirë që ai mund të jetë një shembull frymëzimi për kundërshtarët, teksa premton se do ua kthejë vizitën.
“Për mua është një kënaqësi e madhe që gjithë stafi teknik dhe drejtues i Dinamos ndjek seancat tona stërvitore. Natyrisht që fakti që do të jemi kundërshtarë pas disa ditësh është rastësi e pastër.
Shpresoj të vazhdoj të jem një burim frymëzimi për të tjerët. Në këtë pikë, do të ishte mungesë edukate të mos bëja të njëjtën gjë, kështu që do ua kthej vizitën dhe do i ndjek me vëmendje stërvitjet e tyre”, deklaroi trajneri italian i Kukësit.
/f.a/abcnews.al
