Tirana është një nga ekipet më cinike të Abissnet Superiore dhe këtë e tregojnë edhe shifrat. Bardheblutë janë në vendin e gjashtë në renditjen e skuadrave që mbajnë topin në dy fazat e para të kampionatit.
Ekipi që spikat në këtë aspekt është Kukësi, me një mesatare të mbajtjes së topit 61.1 %, duke lënë pas Partizanin dhe Laçin që mbyll podiumin, në shifrat e publikuara nga Supersport në emisionin “Analizë Superiore”.
Më keq se Tirana janë vetëm tre ekipet e vendit të fundit, që luftojnë për mbijetesë. Skënderbeu, që shquhet për lojën me kundërsulme, është në vendin e fundit, pas Egnatias dhe Kastriotit. /abcnews.al
