Një makinë tip BMW ka shpërthyer këtë të martë në Kamzë. Sipas policisë shpërthimi ka ndodhur në momentin që drejtuesi i automjetit ka shtypur pultin për të hapur derën, automjeti ka shpërthyer.
Nga fotot e siguruara nga abcnews.al vihet re se lënda shpërthyese ka qenë e vendosur në gomën e parë në krahun e shoferit.
Burime bëjnë me dije se pronari i makinës është Gjon Mena, një person me precedentë të mëparshëm penalë.
LEXO EDHE: Shpërtheu sapo shkeli pultin e hapjes, kush është pronari i makinës luksoze në Kamzë
Ndërkohë si pasojë e shpërthimin pronari është lënduar lehtë në këmbë, por jashtë rrezikut për jetën.
Tiranë/Informacion paraprak
Më datë 09.02.2021, rreth orës 10:00, në Kamzë, në rrethana ende të paqarta, në momentin që drejtuesi i automjetit është afruar dhe ka shkelur pultin ka shpërthyer, dyshohet si pasojë e lëndës plasëse mjeti i parkuar me drejtues shtetasin Gj. M., i cili është lënduar lehtë në këmbë pa problem për jetën.
Në vendin e ngjarjes ndodhet grupi hetimor dhe sherbimet e Policisë ku vijon puna për sqarimin e rrethanave të ngjarjes.
/abcnews.al/
