Ronela Hajati është një ndër personazhet shumë të dashur për publikun shqiptar. Përveç suksesit në muzikë, Ronela ka tërhequr gjithmonë vëmendjen e ndjekësve edhe me paraqitjet.
Këngëtarja e hitit “Dilema” njihet edhe për fotot mjaft atraktive që ndan shpesh në rrjete sociale. Së fundmi, këngëtarja ka publikuar një imazh në Instagram, ku shfaqet e veshur me bikini të zeza, dhe ku duket më në formë se kurrë më parë.
Hajati ka qenë në qendër të vëmendjes pas ndarjes nga Young Zerka. Pak kohë më parë, ishte vetë Ronela që konfirmoi thashethemet që qarkullonin prej kohësh se i ka dhënë fund lidhjes disa vjeçare me artistin.
Përsa i përket projekteve muzikore, Ronela ka ardhur ndryshe këtë verë. Një muaj më parë, këngëtarja publikoi këngën më të re, një dedikim me rastin e 100-vjetorit të skuadrës së Tiranës. Së bashku me Dj Sardin, Ronela solli “himnin” e ri të ekipit të kryeqytetit, dhe që padyshim ka rezultuar mjaft e pëlqyer.
