Pas sulmit në Kapitol pak ditë më parë, autoritetet kanë vendosur masa të reja për të shmangur një episod të ngjashëm në të ardhmen.
Ushtarët e Gardës Kombëtare janë vendosur jashtë Kapitolit. Në hyrjen perëndimore të tij janë instaluar barriera mbrojtëse speciale.
Ndërkohë grupet e punës po veprojnë me shpejtësi për të riparuar dëmet që lanë pas mbështetësit e Donald Trump, përpara ceremonisë së inaugurimit të presidentit të zgjedhur të SHBA Joe Biden që do të mbahet në datë 20 Janar.
5 persona humbën jetën si pasojë e trazirave të 6 Janarit, ndërsa dhjetëra të tjerë u plagosën.
CNN e cilësoi si një sulm mbi demokracinë atë që po ndodhte, teksa sulmi kundër një institucioni nuk ishte parë në SHBA që kur britanikët dogjën Kapitolin pas betejës së Bladensburgut më 24 gusht 1814, pra mbi 200 vite më parë./mv.abcnews.al
