ABC News ka siguruar foton e Gëzim Çelës, i njohur ndryshe si “Baroni i drogës”, i cili është shpallur në kërkim në kuadër të operacionit policor të koduar “Flakë në det”.
Në një aksion këtë të hënë, policia ka rrethuar banesë dhe lokalin e Gëzim Çelës në Fushë Kuqe.
Drejtori i Përgjithshëm i Policisë, Muhamet Rrumbullaku deklaroi në një konferencë për shtyp, se Çela dhe dy të tjerë Arben Dalipaj, dhe Roland Guza, ndodhen jashtë territorit të Republikës së Shqipërisë.
Çelaj është i njohur si “bosi i trafikut të drogës” që vinte nga Turqia, përmes Bullgarisë, Maqedonisë e Shqipërisë, drejt Kosovës dhe vendeve Perëndimore.
Në vitin 2015, Çela akuzohej për trafik ndërkombëtar kokaine. Në vilën e tij në Fushë Kuqe u gjet një sasi prej 18 kg kokainë./abcnews.al
