Pas një ndërprerjeje prej tetë muajsh nga mediat sociale, djali i Tom Cruise dhe Nicole Kidman, Connor Cruise, emocionoi fansat e tij me një pamje të rrallë të jetës së tij.
28-vjeçari ndau një foto të tij dhe një shoku duke shijuar një raund golfi në Pelican Golf Club në Bellaire, Florida.
I veshur me një këmishë golfi me vija blu, pantallona të shkurtra dhe atlete, Connor Cruise ka pozuar para kamerës i qeshur dhe me humor të mirë, ndërsa e ka shoqëruar foton me mbishkrimin e postimit të tij me vetëm dy ‘emoji’ golfi.
Postimi i fundit i Connor ishte në gusht 2022, duke shfaqur pjesëmarrjen e tij në një turne peshkimi në Sarasota. Miqtë dhe familjarët e mirëpritën me entuziazëm rikthimin e tij në rrjetet sociale.
Kidman ka deklaruar më parë se preferon ta mbajë private marrëdhënien me fëmijët e saj, megjithatë, Tom dhe Connor janë kapur duke parë së bashku ngjarje sportive./abcnews.al
