Presidentja më e re e Kosovës, Vjosa Osmani tërhoqi shumë vëmendje ditën e djeshme, teksa pranoi edhe zyrtarisht detyrën nga kryeparlamentari Glauk Konjufca.
Fustani blu që ajo kishte veshur u komentuar pafund për stilit mbretëror dhe ngjyra e përzgjedhur përcillte fuqinë dhe ambicien. Ndërsa detaji i pelerinës transmeton idenë e një heroine.
Mirëpo, përdoruesit e rrjeteve nuk janë mjaftuar me kaq dhe kanë zbuluar se të njëjtin fustan më parë e kishte veshur ish- deputetja e parlamentit të Kosovës, Donika Kadaj- Bujupi.
Kjo e fundit me një fustan identik ishte paraqitur përgjatë fushatës zgjedhore të vitit 2019.
Mesa duket të dyja politikanet kanë shije të ngjashme sa i përket veshjes./abcnews.al
