Më shumë se 100 të vdekur, shumë të humbur, më tepër se 4 mijë të plagosur dhe dëme kolosale materiale. Ky është bilanci i shpërthimit të frikshëm në Bejrut pasditen e djeshme.
Shpërthimi ndodhi në zonën e portit dhe lënda plasëse që shkaktoi dëmin kolosal është 2 700 ton nitrat amoni.
Por çfarë është nitrati i amonit dhe çfarë e bën atë kaq të rrezikshëm?
Nitrati i amonit konsiderohet si një nga elementët bazë për ekstremistët në të gjithë botën në realizimin e atentateve vdekjeprurëse, shkruan abcnews.al.
Lexo edhe: Nga Izraeli tek Hezbullahu dhe incidenti fatkeq: Dyshimet pas shpërthimit të frikshëm në Beirut
Një element i domosdoshëm për të krijuar atë që njihet si “arma e varfër”.
View this post on Instagram
Momentet e tmerrit nga shperthimi gjate predikimt ne nje kishe ne Beirut
Nitrati i amonit është i mirë dhe i domosdoshëm për të ushqyer tokën me qëllim rritjen e bimëve në të. Por bëhet i rrezikshëm kur përzihet me substanca të tjera.
Është akoma më vdekjeprurës – sipas ekspertëve – nëse hyn në kontakt me karburantet.
Lexo edhe: FOTO/ Tmerri në Liban, kjo është gropa gjigante e shkaktuar nga shpërthimi
Për momentin hipoteza zyrtare flet se ka qenë pikërisht ngarkesa e madhe e sekuestruar ngë një anije disa vitë më parë që shkaktoi shpërthimet në zemër të Bejrutit.
Më vonë do të mësohet pse dhe për faj të kujt.
Gjithnjë nëse e vërteta nuk do të jetë shumë e sikletshme. Pas pamjeve të publikuara, në kujtesë vijnë dhe shpërthime të tjera të frikshme.
Për shembull ato të konfliktit sirian: fraksionet në luftë gërmojnë tunele poshtë vendqendrimeve armike, i mbushnin me përzierje të tilla dhe i hidhnin në erë shumë lehtë.
Vala shokuese e shpërthimit që zhduk gjithcka brenda pak sekondash, të kujton autobombat, të drejtuara nga atentatorë vetëvrasës, nga Iraku në Afganistan.
Në pjesën më të madhe të këtyre episodeve ishte dhe është ende nitrati i amonit, i bashkuar me lëndë shpërthyese, naftë dhe përbërës të tjerë.
Ekspertët e grupeve ekstremiste kanë mësuar t’i përdorin, kanë shkëmbyer informacione me njëri tjetrin, duke i përditësuar dhe perfeksionuar.
Është një armë e varfër, e cila mund të krijohet thjesht duke marrë përbërësit në tregjet normale.
Terroristët kur nuk mund të kenë eksploziv tjetër përdorin këtë formulë, jo vetëm në Lindjen e Mesme.
Për masakrën e Oklahomës në 1995-ën, supremacistët përdorën këtë zgjidhje kriminale duke mbushur një kamiont, të cilin më pas e hodhën në erë poshtë zyrave federale.
Dhe separatistët baskë te ETA e kishin në arsenalin e tyre.
Në Europë, pikërisht për të reduktuar rreziqet, përdoren fertilizues më të lehtë, një kundërmasë që ka shtyrë atentatorët të kërkojnë alternativa të tjera, me përbërës që mund të gjenden lirisht në treg.
