Kryeministri , Zoran Zaev, është shprehur njëjtë sikur edhe NATO-ja sa i përket vendimit të Kosovës për transformimin e Forcës së Sigurisë. Zaev ka thënë nuk është tani momenti për tensione në rajon, andaj edhe ka bërë thirrje për kujdes.
Kryeministri Zoran Zaev duke u shprehur rreth formimit të ushtrisë së Kosovës, ka ndarë mendimin e NATO-s, se nuk është koha e përshtatshme. Ai u ka bërë thirrje liderëve të rajonit që të kontribuojnë për paqën, sigurinë dhe bashkëpunimin ekonomik.
Zoran Zaev – Kryeministër: “Unë e di se edhe qëndrimi i NATO-s është kështu – nuk është koha. Nuk na duhen tensione të reja. Edhe një herë, të mos harrojmë se Ballkani nuk e ka ndërmend të bëhet përsëri barut. Ju bëj apel kolegëve, kryeministrave, kryetarëve të shteteve, të kenë kujdes në hapat e tyre”.
Konform të drejtës ndërkjombëtare, formimi i Ushtrisë së Kosovës është një çështje e brendshme, por duke i ndjekur ngjarjet e përgjithshme në Ballkan, kjo bëhet çështje diskutabile-vlerëson Kryetarja e Qendrës Marshal për siguri Lubica Pendarovska.
Lubica Pendarovska – “Qendra Marshal”: “Momentalisht marrëdhëniet mes Prishtinës dhe Beogradit shkojnë prapa, pas një periudhe të përmirësimit të marrëdhënieve tani kemi përkeqësim dhe ndërprerje formale të negociatave. Ndaj qëndrimin dhe shqetësimin e bashkësisë ndërkombëtare se ky nuk është një moment I përshtatshëm për formimin e ushtrisë së Kosovës”.
Pendarovska është prononcuar edhe rreth rrethanave nëse ekziston nonjë rrezik për sigurinë në Maqedoni.
“Nga ajo që mund të shihet, për momentin, nuk ka asnjë rrezik potencial nga këndvështrimi I sigurisë, Por mund të them se njëkohësisht se politika ynë zyrtare duhet të jetë, tashmë ka deklarata zyrtare, ne normalisht jemi afër NATO-s dhe I ndhekim ngjarjet dhe ndajmë qëndrimin se ajo që duhet të jetë qëndrim formal I Aleancës, është edhe qëndrimi ynë, porn ë planin e sigurisë vlerësoj se nuk do të ketë reperkuesione për rajonin dhe për Maqedoninë”.
Partitë politike shqiptare përmes komunikatave kanë uruar formimin e ushtrisë së Kosovës, kurse opozitarja Aleanca për Shqiptarët ka kërkuar nga Kryeministri Zaev që ta tërheq deklaratën e tij./abcnews.al
