Në më pak se 1 orë në mitikun “Old Trafford” vendasit e Manchester United do të presin spanjollët e Sevilla, në sfidën e parë të fazës çerek-finale të UEFA Europa League, në një sfidë që pritet të dhurojë vetëm emocione e spektakël.
Përsa i përket formacioneve, tekniku hollandez i “djajve”, Erik ten Hag ka vendosur të përdorë formulën 4-2-3-1, ku në portë si zakonisht është vendosur spanjolli De Gea. Në krahët e mbrojtjes janë vendosur Wan-Bissaka e Malacia, me qendrën që plotësohet nga Varane e Lisandro Martinez. Më të tërhequr në mesfushë janë Casemiro e Sabitzer, ndërsa “organizimin” e lojës tekniku ia ka besuar treshes Antony-Bruno Fernandes-Sancho, me francezin Antony Martial që gjendet i vetëm në “majën” e sulmit.
Në krahun tjetër tekniku i spanjollëve, Jose Mendilibar ka vendosur të përdorë po të njëjtin rreshtim si kundërshtari, pra formulën 4-2-3-1. Në portë është vendosur marokeni Bono e para tij Acuna, Marcao, Nianzou e Montiel. Më të tërhequr janë Guelj e Fernando, ndërsa Oliver Torres, Rakitic e Lucas Ocampos janë vendosur pas argjentinasit Erik Lamela, i cili ndodhet i vetëm në “majën” e sulmit. /i.m /abcnews.al
Formacionet zyrtare:
