Derbi i kryeqytetit, i treti për këtë sezon, luhet sot prej orës 13:00 në stadiumin “Selman Stërmasi”, ndërsa në Korçë Skënderbeu pret Laçin. Trajnerët kanë zgjedhur edhe formacionet. Bardheblutë rreshtohen me tre në mbrojtje, sikurse u pa në seancën e djeshme stërvitore.
Ndryshojnë emra, pasi Vangjeli luan krah Behiratche dhe Hoxhallarit. Në portë Bekaj është i paprekshëm, kurse krahët mbulohen nga Toshevski e Ismajlgeci. Batha, Çelhaka e Toli ngrenë digën në mesfushë, kurse në sulm ka shumë lëvizshmëri e teknikë, me dyshen Seferi-Cale.
Në krahun tjetër edhe Partizani do të ketë një sulm identik, pa pika referimi. Çinari luan në majë, i mbështetur nga Asani dhe Cordeiro. Mesfusha nuk ndryshon, me Brojën, Muratajn dhe Bardhin, kurse në mbrojtje Idrizaj luan krah Bitrit, Belicës dhe Hakajt.
Në Korçë Skënderbeu nuk ka Berishën dhe Zguron dhe Memelli ka rreshtuar një skuadër me 5 në mbrojtje. Mara rikthehet titullar dhe do të luajë përkrah Mensah. Lëvizje edhe te Laçi, me Sherrin që i ka lënë vendin portierit Sali, ndërsa Shehu është rikthyer në mesfushë dhe në sulm aktivizohet Mazrekaj me Harmon. /abcnews.al
TIRANA-PARTIZANI
TIRANA (3-5-2): Bekaj – Vangjeli, Behiratche, Hoxhallari – Toshevksi, Toli, Batha, Çelhaka, Ismajgeci –Cale, Seferi. Trajner: Orges Shehi
PARTIZANI (4-3-3): Hoxha – Idrizaj, Bitri, Belica, Hakaj – Broja, Murataj, Bardhi – Asani, Cordeiro, Çinari. Trajner: Ilir Daja
GJYQTARË: Kreshnik Cjapi, Ridiger Çokaj, Denis Rexha, Rejdi Zajmi
SKËNDERBEU-LAÇI
SKËNDERBEU: Dajsinani, Meksi, Dëumfour, Vitija, Bajrami, Sadriu, Taipi, Jean Victor, Doëouna, Mara, Mensah. Trajner: Migen Memelli.
LAÇI: Sali, Selmani, Malota, Obanor, Marku, Deliu, Shehu, Lushkja, Musta, Mazrekaj, Harmon. Trajner: Shpëtim Duro.
GJYQTARË: Kreshnik Barjamaj, Rejdi Avdo, Jetmir Podgorica, Indrit Myrtja
