Forcat kurde futen në kampin Al-Hawl në Siri për të eliminuar “qelizat” e ISIS

schedule23:09 - 28 Mars, 2021

schedule 23:09 - 28 Mars, 2021

Forcat kurde në veri-lindje të Sirisë kanë filluar një operacion të sigurisë brenda kampit al-Hawl. Ky operacion ka për qëllim eliminimin e qelizave të ISIS që janë bërë gjithnjë e më aktive gjatë muajve të fundit.

Rreth 5,000–6,000 trupa kurde dhe policia e sigurisë Asayish, të udhëhequr nga ushtria e Forcave Demokratike Siriane (SDF), hynë në kamp të dielën për të kryer kërkime dhe arrestime në atë që pritet të jetë një operacion 15-ditor.

Burimet lokale kurde për mediat e huaja thanë se qëllimi ishte të izolonte dhe arrestonte krerët e ISIS, njëri prej të cilëve tashmë ishte arrestuar dhe të përmirësonte aksesin për grupet e ndihmës në një vend ku kushtet e jetesës janë të dëshpëruara dhe kequshqyerja është e përhapur.

 

Kampi Hawl strehon rreth 70,000 njerëz, kryesisht gra dhe fëmijë, shumë prej të cilëve mbeten mbështetës të ISIS, pavarësisht humbjes territoriale të grupit terrorist nga një koalicion i forcave perëndimore dhe kurde në 2019. g.v/abcnews.al