“Nazizmi është tani pjesë e politikës së elitës perëndimore, por Rusia do të bëjë gjithçka për të parandaluar një konfrontim global”.
Kështu deklaroi presidenti rus Vladimir Putin në Sheshin e Kuq në Moskë, ku po zhvillohet parada e Fitores, për 79-vjetorin e fitores në Luftën e Madhe Patriotike (Lufta e Dytë Botërore).
“Fati i atdheut dhe e ardhmja varet nga secili prej nesh”, tha kreu i Kremlinit.
Putini hyri menjëherë në konflikt me Perëndimin dhe në fund të fjalimit filloi të fliste duke buzëqeshur me një veteran të Luftës së Dytë Botërore.
“Rusia do të bëjë gjithçka për të parandaluar një konfrontim global, por në të njëjtën kohë ne nuk do të lejojmë askënd të na kërcënojë”, tha Putin.
Vetë Putin pranoi se parada po mbahet ndërsa vendi i tij është i përfshirë në luftën në Ukrainë për më shumë se dy vjet.
“Ne po i drejtohemi brezit të fituesve, me guxim fisnik, me aftësinë e tij për të kultivuar miqësi dhe për të duruar me vendosmëri fatkeqësitë, të kemi gjithmonë besim në vetvete dhe ta duam sinqerisht dhe me vetëmohim atdheun: ne po festojmë Ditën e Fitores në kontekstin e një operacion special ushtarak”.
“Forcat tona strategjike janë gjithmonë të gatshme luftarake”, përfundoi presidenti rus.
/abcnews.al
