Rusia ka shpenzuar 82 miliardë dollarë, e barabartë me një të katërtën e buxhetit të saj vjetor, për luftën në Ukrainë që nga fillimi i pushtimit më 24 shkurt, sipas vlerësimit të Forbes.
Kostot e luftës në Ukrainë vazhdojnë të rriten ndërsa burimet e saj janë drejt fundit, duke përmendur marrëveshjen me Iranin për furnizimin e armëve dhe një marrëveshje të mundshme me Korenë e Veriut.
https://forbes.ua/war-in-ukraine/za-devyat-misyatsiv-rosiya-vitratila-na-viynu-82-mlrd-tse-chvert-ii-richnogo-byudzhetu-rozrakhunki-forbes-24112022-9997
Vitin e ardhshëm, “fatura e luftës” mund të rritet edhë më shumë, sipas ekspertëve të Forbes. Në vjeshtë, kostoja e shpenzimeve të luftës për Federatën Ruse u dyfishua. Tani Rusia ka nevojë për të paktën 10 miliardë dollarë në muaj.
Shpenzimet për ushtrinë
Ushtarët me kontratë u është premtuar se do të marrin 200,000 rubla në muaj për luftën në Ukrainë, plus pagesa shtesë. Mesatarisht, rreth 200 dollarë në ditë shpenzohen për një ushtar. Në tetor, Rusia rriti në mënyrë dramatike numrin e trupave të saj.
300,000 rusë janë mobilizuar dhe pritet t’i kushtojnë buxhetit të Federatës Ruse 1.8 miliardë dollarë shtesë në muaj. Kostot totale për pagat e personelit ushtarak është në rreth 2.7 miliardë dollarë pas mobilizimit, raporton abcnews.al.
Gjithashtu, në dy muajt e fundit, numri i viktimave në mesin e ushtararëve rusë është rritur ndjeshëm. Nëse në verë shuma e dëmshpërblimit që duhej paguar për të viktimat dhe të plagosurit vlerësohej në rreth 1 miliard dollarë në muaj, në muajin e fundit të luftës ajo i kaloi 3.5 miliardë dollarët.
Sipas Shtabit të Përgjithshëm të Forcave të Armatosura të Ukrainës, nga 24 tetori deri më 24 nëntor, një numër rekord i ushtarëve rusë vdiqën në Ukrainë – 17,470. Kjo është edhe më shumë se në muajin e parë të luftës.
Për secilën prej tyre, familja e ushtarit të vrarë duhet të marrë 7.4 milionë rubla, ose rreth 110 mijë dollarë.
Humbjet në pajisje ushtarake
Humbjet më të mëdha në mesin e pajisjeve janë tanket dhe avionët. Rusia humbi 278 avionë luftarakë me një kosto mesatare prej 18 milionë dollarë dhe 261 helikopterë me një kosto mesatare prej 10.4 milion dollarë.
Gjithashtu, Rusia humbi pothuajse aq tanke sa kishte në fillim të pushtimit (2,897 nga afërsisht 3,300 më 24/02).
Në total, të gjitha pajisjet e humbura gjatë nëntë muajve të luftës i kushtuan Rusisë 20.8 miliardë dollarë.
/abcnews.al
