Flori Mumajesi iu rikthye muzikës pas një viti mungesë. Pas një pauze të gjatë, këngëtari i mirënjohur zbuloi ekskluzivisht për ABC projektin më të ri që mban titullin “Dhemb”. Një baladë me një tekst që të rrënqeth mishin, ashtu siç di vetëm Flori Mumajesi dhe që vjen në këto kohë të vështira.
Kënga, e cila u transmetua premierë në “Radarin Informativ” nis me një mesazh domethënës: “Nuk promovoj rrugën e dhimbjes dhe as të trishtimit. Nuk dorëzohem edhe kur të dyja ulen këmbëkryq përpara meje. ABC e jetës? Dashuri pa kushte…“.
Ndërkaq, në një reagim në rrjete sociale Flori shprehet: “Jetojmë në kohë të vështira, më falni që shpirti s’më krijoi një këngë festive! Thjesht nuk munda dot!”
/abcnews.al
