Bayern Munchen siguroi një fitore tepër të rëndësishme përballë Dortmund. Kampionët në fuqi të Gjermanisë, u kthyen në shtëpi me tre pike pas suksesit 2-3 në “Signal Iduna Park”.
Përballja dhuroi emocione dhe gola të bukur, Hans-Dieter Flick e pranon diçka të tillë, teksa ka një mesazh për skuadrën e tij në prononcimin e dhënë pas ndeshjes.
“Pamë një ndeshje pozitive, të dy skuadrat shfaqën shumë cilësi në fushën e blertë, por ne u treguam më të vendosur se ta në disa fragmente të lojës.
Dortmundi u bë i rrezikshëm vetëm falë gabimeve tona. Lojtarët duhet të jenë më të qetë dhe të durueshëm në momente të caktuara, por e merituam fitoren“, deklaroi Flick. /abcnews.al
