Bayern Munchen është me një këmbë në çerekfinalet e Champions League. Ekipi bavarez fitoi 0-3 ndeshjen e parë jashtë fushe dhe nesër në mbrëmje do e ketë formalitet sfidën e kthimit.
Hans-Dieter Flick ka konfirmuar mungesën e Kingsley Coman për duelin ndaj “Bluve të Londrës”. Francezi ndjen shqetësime muskulore dhe trajneri, i cili ka një koment edhe për dëshirën e Thiago Alcantarës për të vijuar karrierën te Liverpool, nuk dëshiron ta rrezikojë.
“Coman nuk është i gatshëm për duelin me Chelsea. Kemi Perisic dhe Coutinho gati për ta zëvendësuar, kështu që jemi në rregull dhe të mbuluar në krahun e majtë të sulmit.
Thiago? Ai ka luajtur në Spanjë për Barcelonën dhe në Gjermani me Bayernin. Nëse ka qëllim të provojë edhe një aventurë në Premier League, do e kuptoja plotësisht“, deklaron trajneri i Bayern Munchen.
Kampionët e Gjermanisë kanë marrë një vendim për merkaton. Javi Martinez është një prej disa lojtarëve që ju përfundon kontratë në fund të sezonit të ardhshëm.
Bayerni nuk mund ta humbasë me parametra zero dhe TZ raporton se është në pritje të ofertave. Rennes e kërkon në Ligue 1 31-vjeçarin spanjoll, për të cilin nuk përjashtohet një rikthim në vendlindje. /abcnews.al
