Paraditen e së enjte në studion e “ABC së Mëngjesit”, tre vajza tifoze të Kombëtares folën për ndeshjen Shqipëri-Çeki. Njëra prej tyre ishte dhe arbitrja Kejsi Tafili, e cila bëri dhe një parashikim për rezultatin duke thënë se në përfundim del 3 me 0 për Shqipërinë.
Në fakt kështu ndodhi, ajo qëlloi në shenjë dhe këtë të premte në “ABC e Mëngjesit”, Kejsi tha se ndihet shumë e lumtur.
Ndër të tjera, ajo e konsideroi një mbrëmje të jashtëzakonshme dhe shumë të bukur.
“Të them të drejtën dje isha e fokusuar te ndeshja dhe ishte një emocion i paparë. Në momentin që u bë goli i tretë, ngela, u shtanga për një moment dhe thash okay, e kapa. Kur u bë i katërti, thash tani i kaloi pritshmëritë. Edhe u mërzita dhe u kënaqa.
Ishte një mbrëmje jashtëzakonisht e bukur. Unë isha në stadium, dje të gjithë tifozeritë janë sjellë shumë mirë, nuk është se kanë pasur probleme. Dje kanë qene shumë bukur”, u shpreh Kejsi./abcnews.al
