Barcelona ishte e jashtëzakonshme mbrëmjen e djeshme në transfertën ndaj Real Sociedad, skuadër në vendin e pestë në renditje, por që mbrëmë u mund me shifrat e thella 1-6 nga Messi me shokë. Pas ndeshjes foli trajneri Ronald Koeman, i cili përgëzoi skuadrën e tij.
Theksi u vu në efektivitetin e madh te Dest dhe Alba, dy mbrojtësve të krahut dhe në përmirësimin e skuadrës, që ka ardhur gradualisht në këtë sezon. Koeman shprehet se Barcelona do luftojë deri në fund për fitimin e La Ligas dhe Copa del Rey, në të cilën kanë pakur finalen.
“Real Sociedad u mundua të presojë lart , por kur e panë se nuk mund ta bëjnë u kthyen pas. Shpejtësia e lojtarëve tanë i bën të vuajnë kur luajnë lart. Është fitore shumë e rëndësishme për në. Jemi në rrugën e duhur, të fortë të sigurt dhe në përmirësim.
Jemi akoma prapa Atletico Madrid, por do të jetë një luftë e fortë deri në fund. Duhet të fitosh ndeshje pas ndeshje, është e vështirë për çdo skuadër. Nuk mund të them se do fitojmë çdo ndeshje, ka sfida shumë të vështira, por mund të them se tani presojmë mirë dhe kemi nivel.
Efektiviteti që kemi para portës do të na ndihmojë shumë. Goli i parë na dha qetësi. Imazhi që kemi dhënë është shumë i mirë për mua. Atletico ka treguar se është skuadër shumë e fortë dhe nuk është e lehtë të fitosh ndaj tyre, Real Madrid gjithashtu do luftojë deri në fund për LaLigan.
Jordi Alba dhe Sergino Dest janë shumë të mirë dhe ne mund t’i shfrytëzojmë cilësitë e tyre me skemën me 3 mbrojtës dhe avancimin e tyre pak më përpara. Por edhe me 4 mbrojtës, veçanërisht Alba, kanë treguar se janë shumë mirë.
Mënyra sesi luajmë është një sistem i rrezikshëm sepse ushtrojmë presion të gjithë, por ekipi është i sigurt, madje edhe në lëvizjet pa top jemi mirë. Dua të nxjerr në pah mentalitetin e ekipit. Ishte e vështirë për ne në fillim, por kur shënuam të parin, treguam një mentalitet të shkëlqyer.
Dhuratë për ditëlindje? Nuk ishte vetëm për mua. Ishte edhe për Alba dhe Griezmann, që kanë bërë ndeshje shumë të mirë. E kishim të vështirë në fillim, por çdo skuadër ka nevojë për kohë. Kemi pasur luhatje në kampionat dhe kjo na ka kushtuar”, u shpreh Koeman pas ndeshjes. /abcnews.al
