Maurizio Sarri ka kërkuar një përforcim në merkaton e janarit. Juventusi ka një kontingjent të kompletuar lojtarësh, por nevojitet edhe dikush me cilësi për të nisur sulmin final drejt fitimit të Champions League.
Objektivi kryesor është Erling Haaland dhe dyshja Paratici-Nedved kanë nisur punën për të transferuar bomberin e Salzburgut në Torino. 19-vjeçari norvegjez po i surprizon të gjithë me golat e tij. Në kampionat ka shënuar 12 herë deri tani, teksa kryeson renditjen e golashënuesve të Champions League (7 gola të shënuar në katërt ndeshjet e para të fazës së grupeve).
Dëshira e tij është që të luajë në Premier League, por bardhezinjtë kanë një aleat të fortë. Corriere dello Sport raporton se drejtuesit e “Zonjës së Vjetër” janë takuar me Mino Raiolën. Marrëdhëniet me agjentin e sulmuesit janë shumë të mira dhe së shpejti mund të vijë marrëveshja përfundimtare që do t’i dhuronte Sarrit një sulmues fantastik. /abcnews.al
