Sulmuesi i Leicester Cityt, Jamie Vardy, u shpall golashënuesi më i mirë i Premier League në këtë sezon. Anglezi ishte në një super formë, sidomos në pjesën e parë të sezonit, kur golat e tij e ngjitën Leicester shumë lart në klasifikim. Megjithatë, 23 golat e Vardyt nuk mjaftuan që “Dhelprat” të kualifikoheshin në Champions League, pasi e mbyllën në vendin e pestë në renditje.
Vardy tërhoqi çmimin pas ndeshjes me United dhe nuk mungoi dhe një postim i tij në rrjetet sociale, ku shprehej i lumtur për arritjen e realizuar. “Asnjëherë në një milion vite nuk e kisha menduar se do të fitoja medaljen e Premier League dhe jo më “Këpucën e Artë”… thjesht ‘wow’. Kjo provon gjithçka. Kjo do të thotë se ti kurrë nuk duhet të dorëzohesh nga ëndrrat e tua, pavarësisht se sa të çmendura mund të jenë ato,” shkruan Vardy.
Sezonin e ardhshëm “Dhelprat” do të luajnë në Europa League, ku Jamie me shokë do të tentojnë trofeun. 33-vjeçari numëron 274 ndeshje me Leicester, që nga viti 2012 dhe e ka gjetur rrugën e rrjetës plot 123 herë. /abcnews.al
Never in a million years did I ever think I would win a Premier League winners medal let alone the Golden Boot…just wow!
If this proves anything, it shows you should never ever give up on your dreams, no matter how crazy they may seem! pic.twitter.com/YveNP8ydem
— Jamie Vardy (@vardy7) July 27, 2020
