Luis Figo, legjenda e futbollit portugez, është një nga futbollistët e paktë që la Barcelonën për Real Madrid 20 vite më parë.
Pas një karriere të suksesshme si futbollist, Figo është gjithmonë në qendër të vëmendjes dhe sot, ka folur për Lionel Messin.
“Do të jetë e pamundur për çdo klub të paguajë klauzolën e lirimit të Messit këtë vit. Nuk ka shumë lëvizje në tregun e transferimeve për momentin. Unë mendoj se është shumë e vështirë apo edhe e pamundur që çdo klub të jetë në gjendje të paguajë klauzolën dhe kontratën e Messit.
Është e pamundur të shohim ndonjë gjë të ngjashme me atë që ndodhi me mua 20 vite më parë”, u shpreh Figo./abcnews.al
