Kombëtarja shqiptare e basketbollit për meshkuj e nisi me humbje fazën para eliminatore të Kupës së Botës.
Ekipi kuqezi u mund në fushën e Armenisë, në një ndeshje të fortë që u vendos vetëm në fund. Vendasit fituan me rezultatin 84-79. Shënusi më i mirë për Shqipërinë ishte Daniel Lekndreaj me 19 pikë, ndërsa Julian Hamati pati 16 pikë, 8 topa në tabela dhe 3 asiste.
Armenia ishte e përforcuar me dy amerikanë, të cilët ishin edhe më të mirët duke shënuar të bashkë 53 pikë. Kombëtarja jonë është në grup edhe me Austrinë, ndaj të cilës do të luajë ndeshjen e radhës në nëntor të këtij viti./ h.ll/abcnews.al
