Shkrimtari i njohur i letrave shqipe dhe anëtari i Akademisë së Shkencave, Fatos Kongoli festoi 80-vjetorin e lindjes mes miqve te afërmve dhe lexuesve të së ardhmes.
Matematicienti i cili i dedikoi gjithë jetën shkrimit, letërsinë e krahason me një grua të bukur.
Humori është pjesë e pandashme e tij, romanin e gjithë mëkateve të jetës thotë se ia dedikoi bashkëshortes, Lilit, të cilës i është mirënjohëse për çdo gjë
I cilësuar nga kritika si shkrimtar i tranzicionit, pasi gjithë veprën ia dedikon Shqipërisë në mbi 3 dekada demokraci. Ai jep edhe përgjigjen se kur merr fund tranzicioni.
Politika dhe opozita e kanë zhgënjyer jo pak, por dëshira e tij edhe në këtë jubilee, mbetet hapja e dosjeve.
Në vitin 2022 Kryesia e Akademisë së Shkencave i shkroi Akademisë Suedeze të Shkencave letrën ku i propozoi për ta nominuar akad. Fatos Kongolin, shkrimtar me njohje kombëtare e ndërkombëtare, si kandidat për çmimin “Nobel”, bashkë me kandidatin tradicional prej më shumë se 30 vjetësh Ismail Kadarenë, dhe me herët për këtë çmim ka qenë nominuar edhe i ndjeri, Luan Starova.
/abcnews.al/
