Loading ...
Kolegji i Posaçëm i Apelimit (KPA) nuk e zhvilloi seancën e parashikuar për sot për prokurorin Besnik Cani, i cili është anëtar i Këshillit të Lartë të Prokurorisë (KLP). Në një raportin live për Abc News, Glidona Daci tha se “Besnik Cani ka njoftuar Kolegjin, mbrëmjen e djeshme se ka humbur xhaxhanë dhe sot duhet të jetë në varrimin e tij. Kolegji e ka marrë parasysh dhe ka shtyrë seancën për më datë 20 Janar”.
Në këtë proces, Besnik Cani do të mbrohet nga avokati Eduard Halimi.
Prokurori Besnik Cani kaloi hallkën e parë të vettingut në 2018, dhe u bë pjesë e KLP-së, por Komisioneri Publik kritikoi vendimin e Komisionit të Pavarur të Kualifikimit. Sipas komisionerit, Cani ka dështuar të arrijë nivel të besueshëm në kriterin e pasurisë dhe atë të aftësive profesionale si dhe i kërkon Kolegjit të Posaçëm të Apelimit shkarkimin e tij. /abcnews.al
