Erbim Fagu, ish-lojtar i Tiranës, është i ftuar në Pressing, në ABC News. Fagu foli fillimisht për ndeshjen mes Kukësit dhe Tiranës: “Kukësi ka vetëm ato katër lojtarë në sulm. Nuk po them që nuk ka cilësi e gjithë skuadra, por ata janë katër lojtarët më të rrezikshëm. Kur heq një sulmues si Shkurtaj, që po bënte një ndeshje të mirë, ti prish ekuilibrat e skuadrës.
E dimë shumë mirë se kur një skuadër ka një mënyrë të luajturi, duhet të luash në atë mënyrë. Dalja e Shkurtaj prishi shumë gjëra. Tani flasim ndryshe, pasi Kukësi u mund, po nëse Duro do të fitonte, do të thoshim që ishte zëvendësim i goditur, duke u kthyer me pesë në mbrojtje. Megjithatë, Tirana fitoi dhe ky zëvendësim nuk i jep të drejtë Duros”, tha Fagu./abcnews.al
