Janë mbyllur katër sfidat e para të raundit të tretë të FA Cup për ditën e sotme. Tottenham është surpriza më e madhe, pasi të besuarit e Jose Mourinhos nuk arritën të merrnin më shumë se një barazim 1-1 në fushën e Middlesborough, duke bërë që kjo sfidë të riluhet sërish, kësaj radhe në stadiumin e Tottenham.
Me kalendarin e ngjeshur, gjëja e fundit që Mourinho do të donte, ishte një barazim, por të besuarit e tij nuk ia dolën të fitonin.
Chelsea ka bërë detyrën përballë Nottingham Forest, duke fituar pastër 2-0 në “Stamford Bridge”. Për të besuarit e Frank Lampard, shënuan Hudson-Odoi dhe Ross Barkley, në pjesën e parë.
Crystal Palace është turpëruar në shtëpi, duke u mposhtur 0-1 dhe duke u eliminuar nga ekipi i kategorisë së dytë, Derby Country. Ndërsa QPR, ka shkatërruar me rezultatin 5-1 ekipin e Bersant Celinës, Swansea City./abcnews.al
