Evropa duket se ka rënë sërish në “kthetrat” e COVID-19, me shpërthime të rasteve të reja ditore dhe rritje të numrit të viktimave. Disa nga vendet më problematike që mund të përmendim janë Mbretërinë e Bashkuar, Spanja, Gjermania, Franca etj, të cilët gjatë 24 orëve të fundit kanë raportuar mijëra raste të reja me Covid.
Numri i infeksioneve aktualisht në shumë shtete është më i lartë se në mars dhe prill, duke bërë që shumë vende të rivendosin sërish nivele të ndryshme kufizimesh.
Këtë të enjte autoritetet në Francë dhe në Greqi kanë rikthyer një pjesë të masave kufizuese, në kuadër të parandalimit të përhapjes së koronavirusit, shkruan abcnews.al.
Gjermania , e cila ka shërbyer si model për menaxhim të mirë të valës së parë të pandemisë në pranverë, ka regjistruar rreth 11,300 raste brenda 24 orëve, një numër rekord.
Irlanda është një ndër vendet që tashmë ka rikthyer masat kufizuese ku qytetarët duhet që të qëndrojnë në shtëpi për gjashtë javë, dyqanet jo thelbësore të jenë të mbyllura, ndërsa shkollat mbeten të hapura.
Uells është një tjetër qytet që për shkak të numrit të lartë të rasteve të reja me Covid do të jetë në karantinë për dy javë nga nesër e premte.
Britania gjithashtu është një ndër vendet me numrin më të lartë të viktimave nga Covid në Evropë, me 44 158 jetë të humbura dhe që ka rikthyer masat kufizuese për 28 milion banore, shkruan abcnews.al.
Në Sllovaki , qeveria vendosi një karantinë të pjesshme për një javë, duke filluar të shtunën dhe do të mbyllë të gjitha shkollat (përveç klasave të para të shkollës fillore) nga e hëna e 27 nëntorit, ndërsa qytetarët do të lejohen të dalin nga shtëpia vetëm për të shkuar në punë, për të bërë pazar ose për një shëtitje në fshat, por në distancë në këmbë.
Franca ,është një tjetër vend me një numër rekord të rasteve ditore me Covid, ku janë raportuar vetëm në 24 orë, 41,622 raste të reja, duke bërë që qeveria të zgjasë për 6 javë shtetrrethimin natën (nga ora 9 e mëngjesit në 6 e mëngjesit) që do të prekë dy të tretat e francezëve duke filluar nga e shtuna.
Republika Çeke , e cila ka deri tani ka numrin më të madh të rasteve të reja dhe vdekjeve për 100,000 banorë, ka imponuar një karantinë të pjesshëm nga sot deri në nëntor 3: udhëtimet dhe kontaktet janë të kufizuara, të gjitha dyqanet e panevojshme dhe shërbimet janë të mbyllura.
Belgjika gjithashtu ka vendosur “shtetrrethim”, gjatë natës duke mbyllura kafete dhe restorantet për një muaj.
Italia vijon të jetë një ndër shtetet problematike përsa i përket numrit të rasteve të reja me Covid në Evropë, ku Lombardia është në fokus dhe si masë parandaluese ajo për tre javë do të jetë në shtetrrethimi gjatë natës.
Në vendin më të varfër të BE, Bullgari këtë të enjte për shkak të rritjes së numrit të rasteve të reja është vendosur mbajtja e maskës me detyrim.
Situata po përkeqësohet në Spanjë me 34,366 vdekje, e cila tejkaloi 1 milion raste. Autoritetet vendosën menjëherë kufizime të reja, duke bllokuar rreth dhjetë qytete dhe disa rajone.
Një numër rekord i rasteve u regjistruan sot nga shumë vende të tjera evropiane: Danimarke (760 raste), Kroaci (1,563), Bosnjë (999).
Një numër rekord i rasteve në Portugali, ku tre qytete veriore do të jenë në karantinë të plotë nga nesër. Udhëtimi midis komuniteteve midis 30 tetorit dhe 3 nëntorit, që përkon me Ditën e Të Gjithë Shenjtorëve, do të ndalohet në të gjithë vendin.
Ndërkohë në Shqipëri prej ditësh vijojnë të jenë të larta shifrat e rasteve të reja me Covid, gjatë 24 orëve të fundit janë konfirmuar pozitiv me Covid 302 raste të reja dhe 3 persona kanë humbur jetën.
Ndërkohë sipas statistikave të fundit deri më tani në botë janë konfirmuar të infektuar me Covid 41 304 000 persona mes të cilëve 1,133,136 persona kanë humbur jetën. e.su./abcnews.al
