siguria rrugore

bal.jpg
in a16:14 | 27/01/2020

Ministri i Brendshëm Sandër Lleshaj, së bashku me Drejtorin e Përgjithshëm të Policisë së Shtetit, Ardi Veliu inspektuan një patrullë shërbimi me radar për kontrollin e shpejtësisë së mjeteve, në aksin Elbasan – Tiranë. Lleshaj bëri të ditur se viti 2020 është shpallur viti i sigurisë rrugore.

“Viti 2020 është shpallur viti i sigurisë rrugore me qëllim që të gjitha strukturat e Ministrisë së Brendshme, të Policisë së Shtetit, Ministrisë së Infrastrukturës dhe Energjisë, të gjitha strukturat e tjera shtetërore, dhe jo, të angazhohen në një fushatë të madhe për forcimin e parametrave të sigurisë rrugore. Kemi ardhur sot këtu bashku me Drejtorin e Përgjithshëm për të parë konkretisht se si funksionon një pikë kontrolli këtu në këtë zonë, e cila përfaqëson një zonë me risk të lartë. Fatkeqësisht konstatojmë se ende numri i shkeljeve të rregullave të qarkullimit rrugor është shumë i lartë. Vetëm për këtë muaj, që ende nuk është mbyllur, janë rreth 1.500 leje drejtimi të pezulluara, që është një shifër jashtëzakonisht e lartë, e cila na shqetëson për faktin se konstatojmë nivel papërgjegjshmërie të madh në rrugët e vendit nga një pjesë e konsiderueshme drejtuesish”, deklaroi Lleshaj.

Më tej Lleshaj u shpreh se synohet që në vitin 2020 të arrihet një rritje e ndjeshme e sigurisë në rrugë, ndërsa u bëri thirrje shoferëve  të tregohen të përgjegjshëm dhe të kujdesshëm.

“Shpresojmë dhe besojmë fort që në vitin 2020 do ta rrisim ndjeshëm nivelin e sigurisë në rrugë. Këtu kërkohet bashkëpunim i madh i qytetarëve, të cilët duhet të shtojnë komunikimin me Policinë e Shtetit, të komunikojnë dhe të raportojnë rastet e shkeljeve në qarkullimin rrugor, për arsye se çdo telefonatë dhe çdo bashkëpunim me Policinë e Shtetit, përkthehet në jetë të shpëtuara të qytetarëve shqiptarë”, tha Lleshaj./abcnews.al

lleshaj.jpg
nev ila11:15 | 17/01/2020

Duke marrë shkas edhe nga aksidentet e rritura gjatë kohëve të fundit në vend, ministri i brendshëm Sander Lleshaj, gjatë një fjale të mbajtur për prezantimin e një paketë masash në një takim për sigurinë rrugore, tha se deri në fund të muajit shkurt, do të ketë një listë të masave që do të merren, për të gjithë përdoruesit e automjeteve që ecin me shpejtësi.

Lleshaj tha se aksidentet janë burimi më i madh i  humbjes së jetëve. Ai deklaroi se më shumë jetë njerëzish, kanë humbur për shkak të aksidenteve, se sa nga krimi.

Sipas grafikut shihet që gjatë vitit 2019, numrin më të madh të aksidenteve e ka Tirana, pasuar nga Durrësi e më pas Fieri.

“Do të bëjmë shtim të masave të akteve ligjore për kufizimin e celularit gjatë përdorimit të mjetit, alkooli po ashtu. Ende ka një sjellje të lartë të papranueshme, gara e shpejtësi. Kur udhëtohet me fëmijë, duhet e njëjta mbrojtje si në BE, me karrige të posaçme.

Sjelljet agresive që bien në sy në rrugë, presioni ndaj atyre që ecin normalisht, ky presion që i shkon tjetrin ngjitur, që e detyron tjetrin të largohet, ose të eci shpejtë, kjo do të rregullohet.

Kërkohet një program i gjerë masash. Teste të vazhdueshme psikologjike, në raste e drejtuesve që nuk sillen normal. Do bëjmë “testin e idioteve” që quhet në vendet e tjera, si dhe trajnimin e vlerës së lejes së drejtimit.

Përdorimi i teknologjisë moderne në përmirësim, sensor dhe pajisje të tjera. Do të kursej burimet e policisë. Targat inteligjente do të vijojmë me to”, deklaroi Ministri i Brendshëm.

Më tej ministri Lleshaj u shpreh se në shumë raste autoshkollat janë të papërgjegjshme pasi ato duhet të nxjerrin nxënës të aftë për drejtimin e mjetit, për këtë Lleshaj tha se do të kërkonte akreditimin e autoshkollave që certifikojnë drejtuesit e mjeteve.

“Një aspekt tjetër është kërkimi i masave për të rritur përgjegjësinë e autoshkollave. Nuk është vetëm thashethem por në shumë raste autoshkollat nuk plotësojnë detyrat për shofer të aftë. Kanë një armë të madhe që e merr me vete kur përdoret keq. Do gjejmë mënyra për këto autoshkolla për nxënësit që nxjerrin. Do të kërkojmë akreditim. Bashkëpunim me agjencitë shtetërore, psh mes dy ministrive.

Duhet të ndërtojmë instrumente të përshtashme për trafikun rrugor ti monitorojmë të koordinojmë. Pushteti vendor të futet më mirë në këtë punë. Semafori është vetëm në Tiranë, në Shqipëri nuk ka semafore përveç në Tiranë. Ka ardhur koha të investojmë në këtë fushë. Të shtohen në kryqëzime semaforët.

Në fund të muajit shkurt do të kemi një tryezë tjetër në vijimësi të kësaj”, tha Lleshaj.

Po ashtu Lleshaj u shpreh edhe për vrasjet mafioze, që sipas tij në shumicën e tyre, kanë ndodhur si rezultat të përdorimit të makinave të vjedhura, kur janë kryr krimet.

“Kufizimi i elementeve të krimit në rrugë. Vrasjet mafioze ndodhin me mjete të vjedhura më së shumti. Do ta kufizojmë këtë, me targat e reja që të mos bëhet në dy mjete. Ta kufizojmë hapsirën për të përdorur makinat si armë.

Mjetet e blinduara. Janë në përdorim masiv të krimineleve. Anëtarë grupesh kriminale dhe kjo nuk do të tolerohet.  Nuk e lemë policinë në këtë situatë, policiaka shumë  pak automjete të tilla“, tha ministri./abcnews.al

MITAT-TOLA1-1280x720.jpg
ent ela16:09 | 17/08/2018

Duke marrë shkas nga tragjedia e Xhenovas, Policia Rrugore ka nisur verifikimin e të gjitha urave në vend, nëse janë të pajisura me tabela që tregojnë peshën e lejuar. Kreu i Policisë Rrugore, Mitat Tola, paralajmëroi monitorim të rreptë të zbatimit të këtyre tabelave për të shmangur dëmtimet e urave.

Tragjedia e ndodhur në Genova, Itali, pas shembjes së urës “Morandi” ka vënë në lëvizje autoritetet e Policisë Rrugore në Shqipëri. Kjo strukturë po verifikon të gjitha urat e vendit për pajisjen ose jo të tyre me tabelat sinjalizuese që tregojnë peshën e lejuar.

“Javën në mbyllje dhe javët në vijim, shërbimi i Policisë Rrugore në bashkëpunim me “Autoritetin Rrugor Shqiptar”, ka filluar inspektimin e sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura si dhe në përbërje të grupeve teknike të inspektimit edhe për të verifikuar gjendjen e këtyre strukturave dhe të elementeve të sigurisë”.

Tola foli për monitorim të rreptë kundër ngarkesave që tejkalojnë peshën e lejuar në urë.

“Shërbimi i Policisë Rrugore do të monitorojë në mënyrë të rreptë tejkalimet e peshave të ngarkesave të mjeteve, për të shmangur dëmtimet dhe respektimin e ligjit duke ‘prodhurar’ me shumë siguri rrugore”.

Duke evidentuar disa raste të bllokimit dhe ngadalësime të trafikut në disa akse të vendit për shkak të fluksit të shtuar nga pushuesit kreu i Rrugores nënvizoi angazhimin maksimal të Policisë Rrugore në datat 19-24 gusht për “Pelegrinazhin në Malin e Tomorit”.

 “Nisur nga kushtet e segmenteve rrugore që të çojnë në atë destinacion malor, veçanërisht segmentet rrugore që lidhin aksin rrugor Berat – Skrapar me vendin e kultit – malin Tomor, Drejtoria e Policisë Rrugore në mbështetje të Drejtorisë Vendore të Policisë Berat, kërkon vëmëndjen e drejtuesve të mjeteve për një drejtim më të kujdesshëm të mjetit, mospërdorimin e pijeve alkoolike, duke treguar kujdes maksimal, për shkak edhe të kushteve të rrugës”. /abcnews.al

 

 

 

vlcsnap-error035-1280x720.jpg
ad min12:39 | 03/03/2018

Siguria rrugore ishte tema e diskutimit në Byro Politike. Të ftuar: Gëzim Hoxha, ekspert për sigurinë rrugore; Ervin Dervishi, specialist pranë Drejtorisë së Policisë Rrugore; Rezarta Delisula zv/kryeredaktore e gazetës Shqiptare dhe Mentor Kikia, Kryeredaktor i Klan Plus.

Duke marrë shkas nga aksidentet rrugore të muajit Shkurt, ku mbetën të vdekur disa persona, në Byro Politike mes të ftuarve u diskutua dhe shkaqeve që çojnë në ngjarje të tilla.

Gjithashtu në studio u fol edhe se çfarë duhet përmirësuar në mënyrë që të mos ketë më ngjarje të tilla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono