shkumbini

eyoh.jpg
Vladimir Prenga11:45 | 07/12/2019

Micheal Effiong Eyoh, sulmuesi anësor i Shkumbinit, pretendon se është kërcënuar para ndeshjes me Burrelin dhe ka publikuar edhe një mesazh.  Të gjendur në këtë situatë, klubi matjan ka nxituar të reagojë dhe të garantojnë peqinasit dhe Federatën Shqiptarë të Futbollit, që në stadiumin “Liri Ballabani” nuk do të ketë kurrë probleme dhe se do t’i mirëpresin të gjitha ekipet rivale.

Drejtori sportiv, Klejvis Gjoka, ka reaguar përmes kësaj komunikate që i është shpërndarë mediave: “KF BURRELI, mirëpret çdo kundërshtar në mënyrën më mikpritëse. Klubi i Futbollit Burreli distancohet nga çdo akt apo paraakt për dhunë në stadiumin e qytetit të tij.

Në lidhje me një pretendim për kërcënim të sulmuesit të Shkumbinit Michael Effiong, të bërë në rrjetet sociale nga individë të panjohur, ju garantojmë se Klubi nuk ka e nuk do të ketë asnjë akt të tillë, jo vetëm në këtë ndeshje, por në asnjë përballje që do të luhet në stadiumin tonë.

Ne garantojmë çdo ekip e çdo lojtarë që zbret në fushën e Burrelit që do të ketë mikpritjen më të mirë të mundshme. Do të gjejë një atmosferë paqësore e qytetare. Ne kemi treguar dhe do të vazhdojmë të tregojmë se në Burrel luhet vetëm futboll dhe asgjë tjetër. Me këtë rast sigurojmë KF SHKUMBININ dhe FSHF se ndeshja do të jetë e qetë e pa asnjë lloj problemi. KF BURRELI”.

Mesazhi që ka marrë Eyoh, publikuar në “Panorama Sport”
eyoh.jpg
ad min09:50 | 07/12/2019

Jetojmë në epokën e internetit, në epokën ku çdo adoleshent apo i rritur mund të të dërgojë mesazhe kërcënuese. Pre e një mesazhi të tillë ka rënë edhe Micheal Effiong Eyoh, anësori nigerian i Shkumbinit.

Vetë lojtari e ka publikuar mesazhin në llogarinë e tij në “Instagram” dhe përgjigja është e qartë: “Kërcënime boshe. Për këtë do t’u shënoj dy gola”, shkruan Eyoh, i cili ka provuar të luajë edhe në Superiore me Laçin, sikurse edhe në të Parën me Dinamon dhe Turbinën. /abcnews.al

Mesazhi që ka marrë Eyoh, publikuar në “Panorama Sport”
Beselidhja-1280x671.png
Igli Nikolli14:50 | 27/10/2019

Besëlidhja ka arritur fitoren e dytë rresht në shtëpi pas asaj me Korabin. Ekipi lezhian mposhti Shkumbinin me rezultatin 2-0. Afrikani Camara dhe Edmond Hoxha i dhuruan fitoren ekipit të Elvis Plorit.

Të dy golat u shënuan në fillimin e pjesës së dytë. Camara zhbllokoi ndeshjen në minutën e 52-të dhe Hoxha dyfishoi katër minuta më vonë. Vendasit menaxhuan rezultatin në minutat e mbetura, ndërsa miqtë nga Peqini ishin të pafuqishëm për të reaguar.

Ky trepikësh e ngjit Besëlidhjen në vend të dytë me 12 pikë, një më pak se kryesuesit e Korabit në grupin A të Kategorisë së Parë. Shkumbini mbetet në vend të gjashtë me 8 pikë. /abcnews.al

Besëlidhja – Shkumbini 2-0
(Camara 52′, Hoxha 56′)

shkumbini-1280x720.jpg
Vladimir Prenga16:49 | 26/10/2019

Astrit Isaji është larguar nga Shkumbini, ku prej shumë vitesh mbante rol drejtues. Fillimisht si shef klubi, më pas administrator. Vendin e tij e ka marrë Lorenc Hasbajrami, i cili më parë ka qenë trajner tek ekipet e moshave të peqinasve.

“Nga kjo fundjavë drejtuesit e Klubi Shkumbini kanë vendosur që në postin e Administratorit të klubit të emërohet z. Lorenc Hasbajrami. Më parë Administratori i sapo emëruar ka drejtuar ekipet e moshave të Shkumbinit, ndërsa sfida e tij e pare do të jetë drejtimi në këtë pozicion me ekipin Shkumbini në transfertën e vështirë ndaj Besëlidhjes.

I urojmë suksese Administratorit të ekipit, Lorenc Hasbajramit, si dhe ekipit të Shkumbinit”, shkruhet në njoftimin e bërë nga klubi i Shkumbinit, që garon në grupin A të Kategorisë së Parë. /abcnews.al

Shkumbini-Bylis-1280x960.jpg
Igli Nikolli14:57 | 19/10/2019

Fitore në transfertë dhe kryesim për Kastriotin. Ekipi i Ramadan Ndreut ka triumfuar përballë Shkumbinit me rezultatin 1-2. Taulant Marku dhe Patrik Bardhi ishin autorët e golave në pjesën e parë, teksa Sherif Sadiku ishte autori i golit për ekipin peqinas.

Kastrioti ishte 5 minuta larg fitores në transfertë dhe kryesimit në Grupin A të Kategorisë së Parë. Ekipi i Ramadan Ndreut nuk shfrytëzoi avantazhin e dyfishtë dhe u largua me një pikë nga fusha e Peqinit.

Pikë e mirë për Shkumbinin e Artan Banos. Vendasit nuk u dorëzuan, treguan karakter dhe arritën të siguronin një barazim 2-2.

Emocionet e kësaj përballje ishin ruajtur për çerekorëshin e fundit të pjesës së parë, aty ku u shënuan tre gola brenda 7 minutash. Marku zhbllokoi shifrat dhe pas dy minutash erdhi edhe goli i Bardhit.

Avantazh i dyfishtë i ekipit krutan, por vëllai i Armando Sadikut, sulmuesit të kombëtares dhe Malagës, riktheu Shkumbinin në lojë me golin e shënuar në minutën e fundit të pjesës së parë.

E dyta ishte plot duele të forta dhe vendasit u hodhën në sulm për të gjetur golin e radhës. Një nigerian shmangu humbjen e ekipit peqinas. Eyoh barazoi shifrat në minutën e 85-të dhe ndeshja u mbyll pa fitues.

Kastrioti renditet në kuotën e 10 pikëve pas javës së pestë, teksa Shkumbini numëron dy pikë më pak. /abcnews.al

Shkumbini – Kastrioti 2-2
(Sadiku 45′, Eyoh 85′ / Marku 38′, Bardhi 40′)

vlcsnap-error650-1-1280x720.jpg
ent ela09:42 | 18/01/2018

Reshjet e dendura të shiut të një dite më parë shtuan prurjet e lumit Shkumbin, i cili tek Ura e Rrogozhinës ka dalë nga shtrati. Uji ka mbuluar sipërfaqe të tëra toka bujqësore në zonën e Çermës në Lushnjë, por nuk ka bërë dëme në banesa.

Shkumbini doli nga shtrati pas një dite me reshje të dendura. Në urën e Rrogozhinës dhe në fshatin Çerm Proshk lumi ka shkaktuar përmbytje në rreth 70 ha tokë bujqësore.

Banorët e Çermës janë të frikesuar nga rritja e nivelit të ujit. Ata thonë se askush nuk ka ardhur të shohë situatën sidomos tashmë që kjo është përmbyjta e radhës pas asaj të dhjetorit 2017.

Sipërfaqjet e tokave të përmbytura janë të mbjella në grurë dhe perime dimërore, por që aktualisht gjenden nën ujë. Nuk raportohet të ketë përmbytje në banesa, por prurjet e lumit janë duke u shtuar. Nuk janë bërë përllogaritje të sakta se sa janë sipërfaqjet nën ujë, sepse grupet e emergjencave civile nuk janë nëpër zonat e përmbytura./abcnews.al

Gazetare e ABC News, Lushnje: Anila Sefa

vlcsnap-error150-1280x720.jpg
ad min14:49 | 04/12/2017

Në zonën e Lushnjës situata ka nisur të përmirësohet. Lumenjtë Seman dhe Shkumbin janë tërhequr dhe sipërfaqja e tokave nën ujë është me pak se 100 ha dhe pjesa më e madhe e tokave ka nisur të kullojë. Argjinaturat ishin mbrojtësit kryesorë që nuk lejuan vërshimin e ujit në banesa.  Ngritja e tyre dhe pastrimi i kanaleve kullues është puna e vetme që kryhet aktualisht nga 7 ekskavatorët. Pas reshjeve të ditëve më parë, banorët e fshatrave buzë lumit Seman i gëzohen faktin që shpëtuan banesat nga përmbytja. Tokën do ta mbjellin përsëri, sezonin e ardhshëm./abcnews.al

vlcsnap-error436-1280x720.jpg
ad min14:03 | 02/12/2017

Reshjet e matura nga IGJEUM në basenet e lumenjve Vjosa, Seman dhe Shkumbin, përgjatë 24 orëve të kaluara, kanë qenë shumë intensive.

Gjatë ditës së sotme deri nesër reshjet maksimale 24 orare, priten të jenë mesatare.

Shenjat e Alarmit për përmbytje urbane ose nga përrenjtë dhe lumenjtë e vegjël janë hequr nga tabela e qarqeve, sepse këto përmbytje e kanë kaluar pikën kritike përgjatë natës së kaluar.

Mbeten aktive paralajmërimet për vazhdimin e përmbytjes nga Lumi Vjosa në qarqet Fier dhe Vlorë. Nga llogaritjet e fundit hidrologjike rezulton se, në pjesët fushore të këtyre lumenjve do të vazhdojë përmbytja me prurje shumë të larta nga ky lum.

Ndërkohë që Lumi Vjosa do të fillojë të tërhiqet në shtratin e tij natyral përgjatë fundit të ditës së Hënë.

E përmirësuar duket situate në pjesët e sipërme të baseneve në qarqet Elbasan, Gjirokastër dhe Berat, ku do të ulet rreziku nga përmbytja./abcnews.al

vlcsnap-error833-1280x720.jpg
ad min22:45 | 01/12/2017

Lumi Shkumbin doli nga shtrati në disa vende përgjatë rrjedhjes së tij duke shkaktuar përmbytje. Në disa banesa dhe biznese uji ka depërtuar në bodrume apo katet e para. Përmbytje ka pasur në Polis Valë, në Shushicë, në Gjergjan, në Papër, në Bishqem. Sipas informacioneve të marra ka pasur përmbytje edhe në disa fshatra në Gramsh, Librazhd, Përrenjas, Cërrik, Peqin dhe Belsh si pasojë e daljes së përrenjve nga shtrati. Në Cërrik situatë emergjente është krijuar për 20 familje në lagjen nr. 3. Përgjatë akseve Elbasan-Librazhd-Qafthanë, Elbasan-Tiranë, Elbasan-Peqin, Elbasan-Gramsh ka pasur rrëshqitje të dherave, gurëve dhe inerteve, por që janë pastruar nga fadromat dhe qarkullimi ka vijuar normalisht. Problem mbetet furnizimi me energji për më shumë se 30 fshatra në Gramsh, Librazhd, Cërrik, Përrenjas dhe Elbasan./abcnews.al

 

vlcsnap-error059-1280x720.jpg
ad min12:15 | 01/12/2017

Reshjet e shiut kanë ndikuar shumë tek prurjet e lumit Shkumbin. Ai po vërshon me shpejtësi dhe nëse reshjet do të vazhdojnë me këtë ritëm rrezikon të dalë nga shtrati. Në zonën e Librazhdit disa rrugë janë shembur dhe gjithashtu janë përmbytur toka bujqësore. Fshatrat më problematikë janë Funares, Zdrajsh, Stravaj, Mirake, Qukes, Karkavec, Berzeshte, Fusha e Domosdovës, Rrajcë. Duhet theksuar se rrugët kryesore janë të hapura dhe qarkullimi bëhet pa probleme./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono