punaIvan Cordoba dhe Adrian Mutu, dy nga blerjet e Interit në vitin 1999
ad min10:34 | 05/07/2019
Ka një zgjidhje edhe për të gjithë ata që duan të jenë pjesë e festivale muzikore, por nuk mund t’i përballojnë për shkak të biletave të shtrenjta. Një milioner ka ofruar një vend pune ëndrrash për ata që duan festat pasi po kërkon dikë që ta ndihmojë të ketë një eksperiencë normale me festivale këtë verë.
Sipas The Mirror, milioneri, i cili ka preferuar të qëndrojë anonim, kërkon të punësojë dikë që do ta ndihmojë në gjërat bazike si të blejë ushqime për kamping, paketimet dhe ngritjen e tendës.
Përveç faktit që do të hyni falas në eventet muzikore më të mira evropiane për vitin 2019, do të merrni edhe 5000 Paund për çdo festival ku shkoni. Milioneri pretendon se nuk ka qenë asnjëherë në ndonjë festival muzikor.
Kërkesën e pazakontë e bëri nga një website të quajtur Hush Hush. Natyrisht për të qenë pretendent për këtë punë duhet të plotësoni disa kërkesa. Duhet të jeni të paktën 18 vjeç, të keni eksperienca të mëparshme pjesëmarrjeje në festivale dhe të keni një pasaportë të vlefshme./abcnews.al
ad min20:37 | 25/06/2019
Kryetarja e Komisionit të Jashtëm, Mimi Kodheli, deklaroi këtë të martë se gjatë kohës që ka qenë në drejtim të Ministrisë së Mbrojtjes ka kthyer besimin tek detyra ndaj atdheut dhe forcave të armatosura.
Gjatë emisionit, “Provokacija”, teksa u pyet se cila ka qenë gjëja më e mirë që ka bërë në drejtimin e dikasterit të mbrojtjes, Kodheli nënvizoi se angazhimet e reja të forcave tokësore dhe detare në misione të rëndësishme mbarëbotërore kanë për të ngelur në sedrën e çdo ushtaraku dhe të saj si ministre.
“Shumëçka, por besoj që kam kthyer besimin tek detyra ndaj atdheut dhe punët e mira që një forcë e armatosur aq më shumë kur i përket një vendi anëtar të NATO-s duhet të bëjë dhe bën.
Kam bërë shumëçka, misionet e reja, angazhimet e reja, jo vetëm të forcës tokësore, por edhe asaj detare dhe jo vetëm, të cilët me krenari kanë marrë pjesë në misionet më të rëndësishme mbarëbotërore dhe kjo ka për të ngelur në sedrën e çdo ushtaraku, por ka për të ngelur edhe në sedrën time si ministre që u kam mundësuar atyre këtë rol aktiv si një vend anëtar në NATO, pa harruar asnjë detyrim brenda vendit”, tha Kodheli./abcnews.al
nev ila12:16 | 22/06/2019
Kapi me forcë, prej fyti dhe e nxori me dhunë nga salla një aktiviste të “Grinpis” për këtë arsye Mark Fild zv/sekretar për cështjet e jashtme në Britaninë e Madhe u pushua nga puna nga kryeministrja në detyrë Tereza Mej. Ajo që shkaktoi reagime ishte shpërndarja e videos në rrjetet sociale, ku tregohet reagimi i dhunshëm i deputetit konservator gjatë një mbrëmjeje gala në Londër. Ndërkohë zyra e tij ka nisur hetimet.
Në video shihet gruaja e veshur me të kuqe dhe me një parullë “emergjencë klimatike” e cila proteston në mënyrë paqësore kundër ngrohjes globale. Kur i kalon pranë Fild e bllokon duke e nxjerrë me dhunë nga salla./ABC News Albania 24/7
ad min09:15 | 30/05/2019
Komisioni i Jashtëm i Vlerësimit ka përzgjedhur 45 emrat e parë që do t’i nënshtrohen procesit të Vettingut në radhët e policisë. Dosjet e vetëdeklarimit janë tërhequr dhe ka nisur puna në fazën e parë. Sipas parashikimeve ligjore do të mbahet për çdo subjekt seancë e hapur dëgjimore.
Dosjet e vetëdeklarimit të drejtuesve të policise janë tërhequr nga Komisioni i Jashtëm i Vlerësimit dhe ka nisur puna për shqyrtimin e deklaratave, dhe verifikimet përkatëse.
Si Vettingu në sistemin të Drejtësisë edhe ai i Policisë mbështet në tri kritere; pastërtia e figurës, pasuria dhe tek aftësitë profesionale. Në fillim do të bëhet vlerësimi për 31 drejtues të lartë në Policinë e Shtetit. Nga Shërbimi për Çështjet e Brendshme dhe Ankesat, të parët do të kalojnë në sitë 12 punonjës dhe në Gardën e Republikës 2 drejtues.
Në tatal do të kalojnë në filtrate e Vetting-ut 13 mijë punonjës të Policisë së Shtetit. Godina është përcaktuar në ambientet e Gardës së Republikës dhe sipas ligjit, për çdo subjekt do të mbahet seancë e hapur dëgjimore. Për vlerësimin e 250 gradave të larta, u caktua një komision me anëtarë nga jashtë sistemit të Policisë së Shtetit. 5 vijnë nga ILDKPI, 5 anëtarë nga radhët e pedagogëve, dhe 5 anëtarë u përzgjodhën me konkurim. Ndërkohë dy fazat e tjera të shqyrtimi të Vettingut, do të bëhen nga drejtuesit e SHCBA-së dhe ato të policisë së Shtetit, të cilët kanë kaluar me sukeses fazën e parë të Vettingut. Përfshirja e ShÇBA u bë pas ndryshimeve që kërkoi ministri i Brëndëshem Sandër Lleshaj, pasi sipas tij kjo i kursente Buxhetit të Shtetit mbi 2.6 milione Euro.
Në mbështetje të ministrisë së Brendshme, janë edhe partnerët ndërkombëtarë me misionet e tyre si Pameca e Europol të cilët kanë asistuar më herët në hartimin e kuadrit ligjor. Procesi i Vettingut në Polici u shty afërisht me 1 vit nga afati përbyllës që ishte caktuar data 8 maj i 2018.
Gazetar: Andi Qosja
/ABC News Albania 24/7
ad min12:17 | 21/05/2019
Komisioneri për migracionin në Bashkimin Europian, Dimitris Avramopolus, gjatë një konference për mediat bashkë me kryeministrin Edi Rama dhe drejtorin e Frontex Fabrice Leggere theksoi se falë bashkëpunimit kjo agjenci ofron mbështetje edhe për vendet fqinje.
Ai e konsideroi nisjen e punës së Frontex në Shqipëri si një hap historik. Komisioneri deklaroi se Shqipëria do të mbetet përgjegjëse për mbrojtjen e kufijve të saj.
“Sot jemi duke parë një shembull konkret të mënyrës se si kemi një bashkëpunim të përkryer mes Frontex dhe sesi kjo agjenci mund të ofrojë mbështetje në rritje, për vende fqinje. Nesër do kemi skuadrat e para të Kufirit dhe Rojeve Bregdetare evropiane që do të vendosen në Shqipëri. Ato do të mbështesin Rojen Bregdetare me pajisje dhe staf në pikat kyçe të kufirit me Greqinë. Ky është një hap historik. Është hera e parë që Frontex vendoset në një vend joevropian. Kur flitet për menaxhimin e mbrojtjen e kufijve tanë, sfidat janë të përbashkëta. Përgjigja duhet të jetë e përbashkët. Kjo është arsyeja pse po punojmë bashkë.
Shqipëria mbetet përgjegjëse për mbrojtjen e kufijve të saj, dhe të gjitha aktivitetet që regjistrohen nga Agjencia e Kufirit dhe Rojes Bregdetare evropiane do realizohen në bashkëpunim me autoritet shqiptare, por edhe në bashkëpunim me shtetin anëtar të BE. Ajo që do ofrojë agjencia është ndihma dhe mbështetja e plotë në frymën e besimit dhe bashkëpunimit të ndërsjelljtë. Kjo është në interesin tuaj, por njëkohësisht edhe për rajonin. Hap pas hapi rajonin e Ballkanit Perëndimor po e çojmë më pranë BE-së aty ku ky rajone ka vendin. Po hapim rrugën për një mjedis stabël gjeopolitik”, tha Avramopulos.
Ndërsa kryeministri Rama e cilësoi bashkëpunimin me Frontex si mundësi të artë kundër luftës së krimit të organizuar.
“Na jep një mundësi të artë për të forcuar bashkëpunimit me Frontexin edhe në funksion të luftës kundër krimit të organizuar, duke qenë të vetëdijshëm për domosdoshmërinë e suksesit në këtë nismë që në vijim do të pasohet nga të tjera në të tjera vende të rajonit tonë. Është një moment i thellimit të sigurisë mes BE dhe Ballkanit Perëndimor dhe përbën një nga gjashtë vektorët e strategjisë së BE-së për Ballkanin Perëndimor. Dua ta falënderoj komisionerin për angazhimin e tij të posaçëm në këtë projekt strategjik për Ballkanin Perëndimor”, tha Kryeministri./abcnews.al
ad min08:18 | 03/05/2019
Dita Botërore e Shtypit shënohet çdo vit më 3 maj. Këtë vit vëmendja është tek gazetarët në skaje të ndryshme të botës, të cilët po ndeshin në rrethana gjithnjë e më armiqësore. Raporti i fundit i organizatës Gazetarët Pa Kufi thotë se liria e shtypit në botë ra gjatë në 12 muajt e fundit, pjesërisht si rezultat i politikave agresive ndaj gazetarëve. Bashkëpunëtorja e Zërit të Amerikës Greta Van Susteren bisedoi me gazetarë e aktivistë mbi rëndësinë e lirisë së shtypit:
Gazetarë nga e gjithë bota janë vënë në shenjestër nga qeveri autoritare që përpiqen të forcojnë kontrollin mbi median. Organizata Gazetarët Pa Kufi nxori në prill raportin e saj të fundit ku vëren se cikli i frikës po tkurr liritë e shtypit në botë dhe në Shtetet e Bashkuara:
Disa e quajnë këtë fenomen një sulm ndaj shtyllave të demokracisë:
“Gazetarët janë ata që ndodhen në vijën e frontit, ata që u kërkojnë llogari qeveritarëve dhe i shërbejnë transparencës: çfarë ndodh me të drejtat e qytetarit; si përdoren fondet publike. Pa punën e gazetarëve, qeveria mund të ndjekë politika që kufizojnë të drejtat e qytetarit dhe korrupsioni do të lulëzonte,” thotë Robert Mahoney i Komitetit për Mbrojtjen e Gazetarëve.
Sulmet kibernetike, arrestimet dhe rrëmbimet janë disa nga taktikat që përdoren për të frikësuar punonjësit e shtypit. Ka pasur edhe vrasje në disa raste.
Kina dhe Koreja e Veriut mbeten ndër abuzuesit më të rëndë, në bazë të raportit. Shtetet e Bashkuara renditen tre vende më poshtë, duke reflektuar një klimë problematike, siç vëren raporti, ku raportimi kritik ndaj zyrtarëve të lartë etiketohet si “lajme të rreme”.
Megjithatë, thonë gazetarët, Kushtetuta amerikane ofron mbrojtje dhe i inkurajon gazetarët të vazhdojnë misionin:
“Këtu dallojmë ne (Shteteve të Bashkuara) nga shumë vende të tjera – tek sundimi i ligjit. Shteti ligjor ekziston dhe respektohet në masë të madh; pikërisht këtu qëndron dallimi mes nesh dhe pjesës tjetër të botës. Për shembull, megjithëse Zëri i Amerikës financohet nga qeveria amerikane, ka ligje që na mbrojnë ne si organizatë. Prandaj ne jemi realisht të pavarur,” thotë drejtoresha e Zërit të Amerikës, Amanda Bennett.
Në Filipine, kërcënimet e përsëritura nga Presidenti Rodrigo Duterte kundër medias kanë rezultuar në qëndrime keqdashëse ndaj gazetarëve në një vend që më parë konsiderohej një ndër mbrojtësit më të mëdhenj të lirisë së shtypit në Azi. Organizatat vëzhguese thonë se sulmet e tij më të forta kanë qenë kundër portalit mediatik, Rappler:
“Nëse shohim çfarë ka ndodhur në 14 muajt e fundit, qeveria filipinase na ka hedhur në gjyq 11 herë. Vetëm brenda dy muajsh jam detyruar të paguaj për lirim me kusht nga burgu. Brenda pesë javësh më kanë arrestuar dy herë dhe një herë më mbajtën në paraburgim. Kemi të bëjmë me dobësim ekstrem të lirive të shtypit,” thotë redaktorja e portalit, Maria Ressa.
Në prill, gjykata më e lartë e Mianmarit mbajti në fuqi vendimin për shtatë vjet burgim kundër dy gazetarëve të agjencisë së lajmeve Reuters, të cilët u arrestuan gjatë punës investigative mbi vrasjen e myslimanëve rohinga në 2017.
“Është e qartë se u kishin ngritur kurth. Një nga policët që doli dëshmitar tha se kishte mbajtur shënime gjatë arrestimit, por i kishte djegur shënimet. Një tjetër erdhi me shënime të shkruara në dorë që të mbante mend çfarë do të thoshte. Një i tretë erdhi dhe tha se i kishin udhëzuar si t’i zinin në grackë gazetarët. Nuk ka diskutim që u arrestuan, pasi po raportonin mbi masakrën,” thotë kryeredaktori i agjencisë së lajmeve Reuters.
Në vend të parë në raportin e lirisë së shtypit renditet Norvegjia, ndërkohë që ka rënë numri i vendeve që konsiderohen të sigurta për punën e gazetarëve./VOA
ad min15:43 | 26/04/2019
Nis puna për nënstacionin e ri elektrik në zonën e Kombinatit ne Tirane. Ministrja e Infrastrukturës dhe Energjisë Belinda Balluku gjate inspektimit të punimeve bëri të ditur se përmes tij do të përmirësohet furnizimi me energji për 120 mije abonentë.
120 mijë banorë të Kombinatit shumë shpejt do të furnizohen pa probleme me energji elektrike.
Operatori i Shpërndarjes së Energjisë Elektrike dhe Bankës Botërore kane investuar 10 milionë euro për të mundësuar ndërtimin e një nënstacioni të ri.
Punimet kane nisur. Ministrja e Infrastrukturës dhe Energjie Belinda Balluku shkoi për t’i inspektuar.
“Është një financim i cili do të ndihmojë në rritjen e sigurisë përsa i përket rrjetit të tensionit të mesëm duke qenë se ky rrjet kabllor ka ndikim minimal nga kushtet atmosferike dhe si rrjedhojë numri i aksidenteve zvogëlohet minimalisht. Nga ana tjetër, ky projekt synon rritjen e standardeve të shpërndarjes së energjisë, të furnizimit me energji elektrike, sipas kodit të shpërndarjes, duke minimizuar humbjet në rrjet, humbjet teknike por edhe ndërprerjet apo defektet”.
Punimet për këtë projekt pritet të përfundojnë në muajin dhjetor të këtij vit.
“Ky projekt, siç na u premtua edhe nga drejtori i OSHEE-së, do të dorëzohet gjashtë muaj para afatit, pra do të dorëzohet në dhjetor të këtij vitit megjithëse afati i dorëzimit është parashikuar për pas 12 muajsh, pra për prillin e vitit tjetër. Kështu që do jetë edhe një projekt i suksesshëm edhe përsa i përket dorëzimit jo në kohë por dhe para kohe.”
Nënstacioni aktual është një nënstacion i ndërtuar në vitin 1948. Ndërsa projekti i nënstacionit të ri përfshinë ndërtimin e fiderave dhe rikonstruksion te kabinave./abcnews.al
ent ela21:30 | 10/02/2019
Në rubrikën “Njerëz të Padukshëm”, Anjeza Maja na ka njohur me punën e veçantë që bën Marinela Ndrian. Marinela është restauratore në “Arkivin e Shtetit”, dhe flet për dashurinë dhe përkushtimin që ka ndaj kësaj pune.
“Është një mëngjes i cili nis me atë tensionin e punës, është një moment kur unë nuk jam e qetë, nëse puna e kaluar ka vazhduar ashtu si unë e kam menduar apo jo. Momneti i parë që unë prek një dosje sinqerisht ndjej dhimbje, ndjej kohën, ndjej të kaluarën. Unë jam personi i cili i jap durimin dokumentit, dhe duroj ato torturat e vogla mekanike apo kirurgjikele që unë ushtroj mbi të. Askush nuk arrin dot ta kuptojë vibracionin e zemrës time, momentin që jam duke e prekur. Ky pasioni im për restaurimin ka lindur shumë shumë çuditshëm. Unë studioja për arte dhe më lindi dëshira e panjohur të njihja mbi bojërat mbi koleksione të ndryshme dhe mendova se restaurimi do ta realizonte këtë”.
Më tej ajo flet për disa dokmentet që u përkasin personave që kanë lënë gjurmë në historinë e shtetit shqiptar.
“Ahhh këtu merret frymë! Këtu kemi Abdyl Frashërin, Aleksandër Xhuvanin, kemi Ahmet Zogun, të cilët unë nuk do e kisha pasur ndonjëherë fatin ti takoja kaq shpesh sa i takoj veprat e tyre, marrëveshjte e tyre apo letërkëmbimet e tyre për letërsinë apo për shtetin shqiptar. Vetëm ky profesion të ndihmon që të shkosh në të shkuarën”.
Ajo gjithashtu flet për dokumetet që ka restauruar si dhe vështirësinë që has gjatë rregullimit.
“Certifikata e lindjes së Lashgush Poradecit, ishte pothuajse e ndarë pjesë-pjesë nga mënyra e palosjes së saj. Unë shkruaj ashtu sikundër autori ka shkruar. Unë fiksoj të gjithë shkronjat e tekstit. Dua vetëm qetësi dhe përqëndrim dhe asgjë tjetër dhe unë jam futur në një botë komplet tjetër, sepse ky dokument trashëgohet përjetësisht. Këtu kemi letra të vjetra të hershme. Këtu janë disa zarfe të cilët mbajnë letra brenda tyre. Shpresoj të jetë ndonjë histori dashurie shumë e bukur”.
Këtë punë ajo tashmë e quan profesion dhe nuk i pëlqen aspak kur miqtë e saj e kundërshtojnë.
“Profesioni im mund të jetë një në 2 milion e gjysmë shqiptarë. Kur unë flas për restaurimin jemi kështu grup kolegësh dhe unë filloj më atë dëshirën e madhe dhe nxehem nga kundërshtimet që thontë se nuk e konsiderojnë profesion le të themi. Vazhdojnë të mendojnë se është
diçka artizanale. Dhe një kolegia ime që flas me të për këtë gjë tha: “Marinele shpërthe”.
E teksa ajo po restauronte një poster tha: “Unë kam ndjekur studimet e larta dega pikturë. Do mundohemi të përshtatim gjithë këtë ngjyrën origjinale që posteri ka pasur. Ndryshe nga dokumenti posteri trajtohet si një pikturë. Unë jam e padukshme dhe dokumeti përpiqet të më sfidojë mua, ndërsa unë përpiqem të kujdesem të kujdesem për të”./abcnews.al
ent ela15:08 | 02/02/2019
Një gjykatë italiane në Breshano, i ka dhënë të drejtë punëdhënësit i cili pushoi nga puna sekretarene e tij pasi kishte hyrë shumë herë në profiling e saj në Facebook gjatë orarit të punës
E pushuar nga puna pasi kishte hyrë shumë shpesh në Facebook gjatë orarit të punës. I ka ndodhur një gruaje më Breshano të Italisë, e cila punonte sis ekretare në një studio mjekësore. Gjykata i ka dhënë të drejtë punëdhënësit të saj duke e cilësuar të ligjshëm arsyetimin për pushimin nga puna. Punëdhënësi e kishte dërguar cështjen në gjykatë duke dërguar si provë kronologjinë e kompjuterit, ku tregohej se në 18 muaj ajo kishte hyrë 6 mijë herë në internet, nga të cilat 4500 herë në facebook.
Gjykatësit pranuan provën, pavarësisht se avokatët e gruas u përpoqën të vinin në dyshim faktin se kishte qënë pikërisht klientja e tyre që kishte hyrë në Facebook.
ad min13:34 | 17/01/2019
Një hotel në Tokio do të pushojë nga puna 200 robotë dhe në vend të tyre do të punësohen njerëz. Drejtuesit e hotelit u shprehën se pas tre vitesh kuptuan se robotët nuk janë në lartësinë e duhur.
Jo efikas, të ngadaltë dhe të paaftë për t’iu përgjigjur kërkesave të klientëve. Të paktën gjysma e nëpunësve të hotelin Henn-na të Tokios do të pushohen nga puna. Por lajmi është se ata janë të gjithë robotë. Hoteli u bë i famshëm sepse ishte nga të parët në botë që punësoi 200 robotë në vend të njerëzve. Pas tre vitesh, eksperimenti konsiderohet i dështuar. Drejtuesit e hotelit në periudhën e fundit kanë marrë shumë ankesa nga klientët dhe kështu kanë vendosur t’i pushojnë nga puna.
Wall Street Journal shkruan se i pari që u çaktivizua ishte asistenti vokal i dhomës, i cili nuk arrinte t’u përgjigjej pyetjeve më të thjeshta, ose aktivizohej në mes të natës sapo dëgjonte zhurmën më të vogël. Robotët që merreshin me bagazhet, fikeshin në rast se binte shi apo borë dhe kritikoheshin pasi ishin shumë të ngadaltë. Ndërsa recepsionistët, nuk dinin të jepnin informacione për vendet që mund të vizitoheshin apo për oraret e fluturimit.
Robotët pas pak vitesh konsiderohen të vjetëruar, por drejtuesit vendosën që të mos i rinovojnë më. Por gjithsesi, ata paralajmërojnë se koha e robotëve nuk ka përfunduar./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
