probleme
So Nila15:15 | 22/02/2020
Një lloj antibiotiku që është përdorur në vend të penicilinës thuhet se ka disa rreziqe që mund të shkaktojnë defekte në lindje, shkruan On Your Side.
Antibiotiku Macrolide është përdorur për trajtimin e disa baktereve infektuese, zakonisht për ata që kanë alergji penicilinën, por ekspertët kanë paralajmëruar urgjentisht që të mos përdoret gjatë shtatzënisë.
Një studim i 104, 605 fëmijëve nga University College London, i cili pa të dhënat nga 1990 deri në 2016, vlerësoi një lidhje të mundshme midis antibiotikëve makrolide dhe deformime gjatë lindjes.
Ata zbuluan se, nga 8,632 fëmijë të lindur nga gra që kishin marrë makrolide gjatë tre muajve të parë të shtatzënisë, 186 kishin deformime të mëdha, kryesisht në zemër.
Për gratë të cilave u ishte dhënë penicilina ishin 1.666 nga 95.973 raste kur fëmijët kishin lindur me defekte të mëdha.
Pas llogaritjes së faktorëve të tjerë, studimi zbuloi se kishte 28 raste në 1.000 fëmijë që lindnin me defekte tek nënat që merrnin makrolide, krahasuar me 18 raste në 1.000 për ata që kishin marrë penicilinë.
Një autor i studimit paralajmëroi gjithashtu në lidhje me rreziqet e mos marrjes së antibiotikëve, duke thënë se vetë infeksioni mund të jetë shumë i dëmshëm edhe për fëmijën e palindur akoma./abcnews.al
eri Ida11:26 | 19/02/2020
Naftëtarët e Uzinës së Ballshit, që prej tre ditësh janë futur në grevë urie kanë nisur të shfaqin probleme shëndetësore.
Gazetarja e Abc News, Valbona Davidhi theksoi se tashmë grevistët kanë vendosur që të mos pijnë as ujë si edhe të refuzojnë ndihmën shëndetësore.
“Një pjesë e mire janë dërguar në sptalin e Ballshit për të marrë ndihmë mjekësore. U janë bërë serume. Nga mëngjesi i sotëm, grevistët e Ballshit kanë vendosur që të mos konsumojnë më as ujë të pijshëm duke refuzuar edhe ndihmen mjekësore. Ata kanë probleme të ndryshme shëndetësore që vijnë nga sëmundje profesionale”, raporton gazetarja.
Ndërkohë, grevistët kërkojnë dhënien e pagave të prapambetura duke theksuar se nuk do të dalin prej saj dhe se do të bëhen shembull për Shqipërinë. /abcnews.al
nev ila18:29 | 12/01/2020
Në qarqet e malore të vendit janë rikthyer reshjet e dëborës. Në disa prej tyre kanë nisur dhe problemet me qarkullimin e mjeteve dhe bllokimin e tyre, pasi drejtuesit e tyre nuk kanë qënë të përgatitur. Në Dibër dhe Bulqizë pati një bllokim në kthesën e Melanit, pasi disa makina nuk ishin pajisur me zinxhirrë dhe ngecën në rrugë.
Për rreth dy orë rreth 200 makina dhe një auto-ambulancë me të sëmurë nuk lëviznin dot.
Në këtë zonë dhe mjetet borëpastruese mbërritën me vonesë, ndërsa policia rrugore dhe pse ishte e pranishme nuk e menaxhoi dot trafikun.
Ndërsa në rrugën që të çon në drejtim të Kukësit, ku edhe pse ka patur më shumë reshje dëbore ishin marrë masat në kohë. 3 mjete borë pastruese kanë nisur punën që në orët e para të mëngjesit dhe rruga është e kalueshme.
Ndërkaq në Qarkun Korçë në zonat e thella kanë nisur dhe problemet e para nga rreshjet e dëborës.
Edhe në Qafë Thanë janë marrë paraprakisht masat. Siç duket dhe nga pamjet e ABC News mjetet borëpastruese janë vendosur në këtë kryqëzim sapo nisi dëbora./abcnews.al
So Nila15:47 | 14/12/2019
A vishni shpesh taka të larta?
Sigurisht ato janë një aksesor i vlefshëm për çdo grua dhe që nuk mund të shmangen gjatë jetës. Por si çdo gjë, nëse abuzohet me sasinë dhe shpeshtësinë e tyre, atëherë rrezikojnë të prekemi nga disa probleme shëndetësore.
Ja cilat janë ato:
1.Kur veshim taka të larta, fundshpina shtrihet përpara dhe në këtë rast drejtimi i vitheve dhe shpinës ndryshon. Dhe nëse vishni taka për një kohë të gjatë do t’ju shkurtohen dhe tkurren muskujt. Si rezultat do t’ju dhëmbë edhe legeni.
2.Kur vishni taka, gjithë pesha juaj zhvendoset tek gjunjët. Kur ecni ato shtyhen para për të ruajtur ekuilibrin, duke i dhënë më shumë presion. Kjo mund të shkaktojë osteoartritin.
3.Kur vishni taka, nën presion të madh është edhe shpina. Shtylla kurrizore pëson zmadhim dhe kjo mund të shkaktojë mbingarkesë dhe dhimbje.
4.Kur vishni taka, këmbët dëmtohen më shumë se çdo gjë tjetër. Ngushtohen gishtërinjtë. Kjo bën që gishti i madh të përkulet drejt gishtit të dytë, duke krijuar një gungë te gishti i madh. E nëse mendoni se gungat në gishtërinj janë gjenetike, prapëseprapë enjtja mund të përkeqësohet nëse vishni taka./abcnews.al
So Nila11:08 | 04/12/2019
Pagjumësia nuk është një dukuri e rrallë, përkundrazi, si dhe problemet që ajo sjell nuk janë të panjohura.
Nëse kjo dukuri është e rrallë, nuk është një arsye për tu shqetësuar, dhe pothuajse çdo person përballet me këtë lloj pagjumësie.
Megjithatë, nëse pagjumësia ndodh rregullisht, mund të jetë një alarm për shëndetin e dëmtuar. Pagjumësia mund të tregojë problemet e mëposhtme shëndetësore.
1.Diabeti
Nëse keni probleme për të fjetur, mund të jetë një shenjë që keni diabet të tipit 2. Kjo do të thotë, shumë sheqer në gjak mund të ndikojë në cilësinë tuaj të gjumit. Në veçanti, sheqeri i lartë në gjak mund t’ju bëjë të ndjeheni të nxehtë, të irrituar ose të shqetësuar.
Po ashtu, ekspertët besojnë se njerëzit që kanë diabet shpesh kanë problem me pagjumësinë, pasi gjatë natës shpesh shkojnë në tualet.
2.Ankthi dhe depresioni
Ata që vuajnë nga ankthi dhe depresioni shpesh kanë probleme me gjumin. Problemet e pagjumësisë janë në vetvete një nga faktorët e rrezikut për zhvillimin e depresionit.
Ekspertët rekomandojnë meditim për njerëzit që kanë probleme me gjumin.
“Të mësuarit për të qetësuar mendjen mund të jetë një aftësi e dobishme, si për të kaluar një periudhë stresuese, ashtu edhe për ruajtjen e cilësisë së gjumit gjatë natës,” shpjeguan ekspertët, duke shtuar se ushtrimi i rregullt do të ishte gjithashtu shumë i dobishëm.
Kjo gjendje është një nga arsyet më të zakonshme për t’u zgjuar natën.
Ekzistojnë shumë lloje të ndryshme të apnea, por apnea obstruktive është një nga më të zakonshmet. Ndodh kur muskujt e fytit herë pas here relaksohen dhe bllokojnë rrugët e frymëmarrjes gjatë gjumit.
Ka shumë simptoma të ndryshme të shoqëruara me apnea, por disa nga më të dukshmet janë gërhitja me zë të lartë dhe zgjimi i papritur i ndjekur nga gazrat dhe mbytja. Djersitjet e natës, dhimbja e kokës në mëngjes, tensioni i lartë i gjakut janë gjithashtu disa nga simptomat e mundshme.
“Të shkosh në shtrat dhe të zgjohesh në të njëjtën kohë është një mënyrë për të zgjidhur këtë problem. Mbajeni dhomën e gjumit të errët dhe të qetë dhe nëse mundeni, flini shtatë deri në tetë orë gjatë natës. Nëse flini me shpinë, provoni të flini në anën tuaj për të lehtësuar simptomat tuaja, ”rekomandon Fondacioni britanik i mushkërive.
3.Pirja e duhanit
Studiuesit në Universitetin Atlantik në Florida kryen studimin dhe zbuluan se ekzistonte një lidhje e qartë midis pagjumësisë dhe përdorimit të nikotinës. Duhanpirësit gjithashtu janë treguar që flenë mesatarisht 45 minuta më pak se jo duhanpirësit.
4.Probleme me urinimin
Një nga shkaqet më të zakonshme të problemeve me gjumin është të shkosh shpesh në tualet.
Megjithëse nevoja e shpeshtë për të urinuar gjatë natës zakonisht është për shkak të lëngjeve të tepërta para se të shkoni në shtrat, në disa raste mund të jetë një shenjë e problemeve shëndetësore si fshikëza shumë aktive, prostata, madje edhe diabeti./abcnews.al
ent ela14:33 | 13/11/2019
Rikthimi i reshjeve të shiut ka rishfaqur probleme të mbartura prej vitesh në qytetin e Gjirokastrës. Banorët në një prej lagjeve në qendër të qytetit i bëjnë apel bashkisë të ndërhyjë në mënyrë të menjëhershme pasi prej 20 vitesh i është dashur që të bashkëjetojnë me baltën dhe mungesën e kanalizimeve.
E lenë në harresë prej 20 vitesh rruga “Zeman Haska” në lagjen “18 shtatori” në Gjirokastër vuan mungesën e investimeve. Mungesa e infrastrukturës rrugore, ndriçimit dhe kanalizimeve detyron rreth 100 familje në këtë zonë të përballen çdo ditë me baltën, por edhe erën e pakëndshme të ujërave të zeza. Banorët thonë se rruga është e pakalueshme, ndërsa mungon ndriçimi si dhe kanalizimet për ujërat e zeza dhe të bardha. Edhe pse janë drejtuar disa herë bashkisë ky problem nuk ka marrë zgjidhje.
Rikthimi I motit të keq e bën më evidente mungesën e infrastrukturës në rrugën “Zeman Haska”, e vetmja në lagjen “18 shtatori” e parehabilituar. Në situata të tilla banorët detyrohen të ndërhyjnë vetë me për të pastruar rrugët por kjo nuk është zgjidhje përfundimtare. Sipas banorëve është e nevojshme të kryhet një investim i mirëfilltë që do t’i jepte fund problematikës së mbartur prej vitesh. Pushteti vendor ka premtuar se vitin e ardhshëm ndërtimi i rrugës do të jetë në fokus. /abcnews.al
ent ela18:05 | 04/11/2019
Reshjet e mëngjesit sollën problemet e para në Durrës, Vlorë dhe Gjirokastër. Në Lazarat përroi i Sopotit doli nga shtrati, ndërsa në Delvineë u shemb ura duke izoluar mbi 200 banorë. Në Durrës dhe Vlorë tragetet do ankorohen me vonesë.
Në disa rrugë të Durrësit pati prani uji, ndërsa në zonat periferike situate u paraqit me problematike nga reshjet.
Vështirësi në lundrim patën edhe dy tragete e linjës Bari-Durrës të cilat pritet të ankorohen me disa orë vonesë për shkak të detit të dallgëzuar, ku forca arrin deti në 7 ballë.
Nga stuhitë përroi i Spototit në Lazarat doli nga shtrati.
Emergjencat civile dhe punonjës të bashkisë së Gjirokastrës u gjendën në terren për të normalizuar qarkullimin e automjeteve dhe këmbësorëve.
Ndërkohë liqeni i Viroit në Gjirokastër rrezikon të dalë në rrugën nacionale. Një situatë problematike u paraqit edhe në fshatin Vanë të Delvinës ku është shembur ura duke izoluar rreth 200 banorë.
Kjo urë prej vitesh ka qenë një problem për banorët e zonës.
Edhe në Vlorë është pezulluar udhëtimi i tragetit të linjës Vlorë -Brindisi për ditën e hënë. Trageti e ka të pamundur lundrimin për shkak të erës së fortë dhe fuqisë së madhe të detit, e cila shkon deri në 7 ballë.
Ai po qendron i ankoruar në portin e Brindisit deri në përmirësimin e kushteve atmosferike. Në zonën e Kurbinit u raportua për një problem vetëm në zonën e nënkalimit të autostradës në Fushë Mamurras.
Disa nga mjetet kanë ndryshuar drejtim ndërsa pjesa tjetër kanë kaluar me vështirësi. /abcnews.al
ad min12:52 | 14/10/2019
Dr. Andrea Palmieri, mjek ORL në Spitalin Amerikan 3, Tiranë, jep më shumë detaje për këtë patologji kaq të përhapur.
Simptomat
Jo gjithmonë devijimi krijon shqetësime, prandaj jo të gjithë e dinë që i kanë.
Në raste të tjera, pacientët i drejtohen mjekut për shkak të vështirësive në frymëmarrje, për shkak të skuqjes ose “Apnea e gjumit”.
Epitaksi (gjak nga hundët) dhe sinozit me ose pa sekrecione ose me ose pa dhimbje koke janë simptomat e tjera që e çojnë pacientin tek mjeku specialist.
Kini kujdes që të mos e teproni me ilaçet ose spray lirues. Përdorimi i këtyre medikamenteve mund të rrisë intensitetin e simptomave, të krijojë varësi dhe efekte anësore të rëndësishme.
Diagnostikimi
Vizita duhet të realizohet me endoskopi, e cila lejon të kuptojmë nëse ka sekrecione patologjike. Nëse është e nevojshme, për më shumë informacion duhet të kërkohet një torografi e kompjuterizuar mbi septumin, por edhe për sinuset paranazale.
Septoplastika kryhet me anestezi të përgjithshme, në mënyrë endoskopike pa ndryshime estetike të hundës, pa hematoma në fytyrë dhe zgjat më pak se një orë. Normalisht, për 2 ditë problemi zgjidhet dhe mund të riktheheni aktivitetit tuaj normal.
Pasi të jetë bërë diagnoza, mënyra e vetme për të zgjidhur problemin është drejtimi i septumit me ndërhyrje kirurgjikale.
Operacioni zgjat më pak se një orë, bëhet në endoskopi dhe me kirurgji mininvazive. 1 natë qëndrimi në spital, 1 ose 2 netë me tampon ose fasho nazale shumë të rehatshme dhe pa dhimbje. Nëse është e nevojshme gjatë operacionit, mund të hiqen polipet e hundës dhe sinoziti.
Shkalla e dhimbjes për një septoplastikë nga 0 në 10 është 2-3.
Kur këshillohet ndërhyrja?
Ndërhyrja këshillohet kur simptomat janë të përsëritura dhe shqetësuese, si psh;
- Vështirësinëfrymëmarrje
- Gërhitje –
- “APNEA e gjumit”
- Sinozit dhe Rinosinozit
Hunda, është vendimtare për funskionimin e duhur e të gjithë sistemit të frymëmarrjes. Ky organ, jo vetëm filtron, pastron, lagështon dhe ngroh ajrin në hyrje, ftoh dhe bën tharjen e ajrit që del.
Nëse nuk funksionon mirë për shkak të devijimit të septiumit nazal, shkaktohet një gjendje acarimi, e cila vazhdon dhe në një afat të shkurtër mund të krijojë probleme me frymëmarrjen dhe të ketë gjakrrjedhje nga hundët, ndërsa për një kohë të gjatë mund të çojë në hipertrofi të turbullt, sinozit, zhvillimin e polipinaleve dhe dhimbje koke. Për ti dhënë fund devijimit të septumit mund të çojë në gërhitje dhe Apnea të gjumit.
Septumi nazal mund të jetë i devijuar që në lindje ose gjatë zhvillimit të fytyrës,por mund të shkaktohet edhe pas një traume, shpjegon Dr. Andrea Palmieri.
Edhe plakja luan një rol të rëndësishëm, me kalimin e viteve çrregullimet e frymëmarrjes bëhen serioze. Problemi konsiston në një devijim të shtresës së hollë (e përbërë nga kocka dhe kërce) midis 2 zgavrave të hundës, kjo zhvendosje kufizon kanalin në njërën anë dhe zvogëlon rrjedhën e ajrit dhe kompromenton funksionimin e të gjithë hundës.
Të mos ngatërrohet me Rinoplastikë për qëllime estetike.
Shumë pacientë përfitojnë nga korrigjimi i septumit nazal për të rimodeluar pamjen e jashtme të hundës.Septoplastika (funksionale) duhet të dallohet nga Rinoplastika (estetike).
Sidoqoftë, rreth 70% e ndërhyrjeve të Rinoplastikës estetike ka nevojë të korrigjojë septumin nazal. Rinoplastika estetike është një operacion i rëndësishëm, i cili nëse mund të kryhet nga kirurgë pa përvojë, mund të çojë në probleme serioze estetike të fytyrës dhe funksionale për frymëmarrjen. Ndërhyrja zgjat rreth 2 orë, dhe duhen pak muaj për të stabilizuar hundën.
nev ila22:12 | 02/10/2019
Qeveria britanike ka zbardhur detajet e planit për Breksit, që përfshin edhe zgjidhjen e çështjes së kufirit irlandez.
Pasi është njohur me të, presidenti i Komisionit Europian, Zhan Klod Junker ka deklaruar se dokumenti përmban ende problematika që duhen zgjidhur.
Qeveria britanike i dorëzoi të mërkurën Bashkimit Europian propozimet për Breksit, mes të cilave edhe plani për zëvendësimin e kufirit irlandez.
Plani, i parashtruar në një dokument me 7 faqe, parashikon që Irlanda e Veriut të vijojë qëndrimin në tregun e përbashkët europian, por jo në unionin doganor.
Gjithashtu, në dokument saktësohet se kontrollet doganore duhet të jenë të decentralizuara në të dyja anët e kufirit irlandez, përmes një numri të vogël zyrash të vendosura pranë depozitave të mallrave ose pikave të ngarkim-shkarkimit, por pa barriera fizike.
Në reagimin e tij ndaj propozimeve, presidenti i Komisionit Europian, Zhan Klod Junker deklaroi se plani ka ende pika të kontestuara sa i takon çështjes së kufirit irlandez.
Megjithatë, gjatë një bisede të zhvilluar me kryeministrin britanik, Junker vlerësoi gatishmërinë e Boris Xhonson për të vijuar bisedimet me qëllim progresin drejt një marrëveshjeje përfundimtare.
Ndërkohë, që të jetë aktiv plani duhet të miratohet edhe nga Parlamenti i Irlandës së Veriut, fillimisht për një aprovim paraprak dhe më pas çdo 4 vjet që ai të mbetet në fuqi.
Kryeministri Leo Varadkar tha se propozimi i ri nuk i përmbush tërësisht objektivat që kanë të bëjnë me: vijimin e qëndrimit në tregun e përbashkët europian; ruajtjen e paqes në Irlandën e Veriut; dhe bashkëpunimin ekonomik me Republikën e Irlandës./ABC News Albania 24/7
nev ila18:02 | 30/09/2019
Ka nisur në Gjermani procesi më i madh gjyqësor ndaj kompanisë prestigjoze të automjeteve “WOLKSVAGEN”, pas padisë që qindra mijëra pronarë makinash i bënë grupit, për shkak të mashtrimit me emetimet.
Në Gjermani ka nisur të hënën procedimi më i madh ndaj grupit ikonë të automjeteve “Wolkswagen”, pas padisë që 450 mijë posedues makinash të kësaj marke i bënë kompanisë.
Ata pretendojnë se meritojnë dëmshpërblim pasi u janë shitur makina të bazuara në të dhëna të manipuluara mbi emetimet e gazit.
Skandali i ka kushtuar tashmë kompanisë 30 miliardë dollarë.
Ajo përballet me akuza të tilla edhe në Shtetet e Bashkuara dhe Australi, por kjo është hera e parë që vetë gjermanët po përndjekin grupin në bazë të një ligji që u ndryshua posaçërisht vitin e kaluar.
Ky proces gjyqësor pritet të hedhë dritë mbi pikat e reja të ligjit dhe mbi pretendimet e paditësve, të cilët nëse do të kenë sukses do të mund të marrin dëmshpërblimin.
Sidoqoftë, gjyqi ka gjasa të zgjasë disa vjet.
Për të lehtësuar pozitat, “Volkswagen” ka rënë dakord deri tani të pranojë kthimin e 500 mijë automjeteve në Shtetet e Bashkuara, ku ka pranuar të paguajë më shumë se 25 miliardë dollarë.
Ndërsa në Australi, grupi do të paguajë 127 milionë dollarë australianë për të kompensuar pronarët, duke paguar 1 mij e 400 dollarë për makinë.
Javën e kaluar tre drejtues dhe ish-drejtues ekzekutivë të “Volkswagen” u akuzuan pëpr manipulim të tregut në lidhje me skandalin e emetimeve të karburanteve disel.
Ndërsa në 2015-n, firma pranoi se kishte përdorur një softuer ilegal për të manipuluar testet e çlirimit të gazrave./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
