politikane

1-23-770x433.jpg
ad min12:45 | 05/08/2019

Kryetari i Partisë Demokratike nuk tërhiqet nga kërkesa e tij për largimin e kryeministrit Rama dhe krijimin një qeveri tranzitore për zhvillimin e zgjedhjeve të lira dhe të ndershme. Në një takim me strukturat në Krujë, Basha foli edhe për zgjedhjet e 13 tetorit, të drekretuara nga Presidenti Meta. “Zgjedhjet nuk janë çështje datash, por standardesh. Dhe beteja për zgjedhje të lira nuk është kauzë partiake, por është betejë e çdo shqiptari”, theksoi kreu i opozitës duke sqaruar se zgjidhja nuk është vetëm rotacioni i pushteti por një Shqipëri e standardeve evropiane. Kryedemokrati Basha tha para demokratëve të Krujës se zgjidhja e krizës në Shqipëri do të nis me dënimin e politikanëve të kapur në blerje votash dhe në bashkëpunim me krimin e organizuar për pushtetin dhe pasurinë e tyre./ABC News Albania 24/7

kremlini.jpg
ad min17:45 | 15/07/2019

Në një intevistë për Euronews, zv/presidentja e Këshillit Europian për Marrëdhëniet me Jashtë, Vesela Tkerneva, shprehet e bindur se po nënvlerësohet zakoni i Rusisë për të blerë politikanë në Europë.

Vijojnë polemikat rreth dyshimeve për marrëdhënie të rrezikshme mes Legës së zv/kryeministrit italian Salvini dhe Moskës. Në Rusi ekziston një ideologji politike e cila justifikon ndërhyrjet në politikën e kontinentit të vjetër.

Në një intervistë për Euronews, Vesela Tkerneva, zv/president e Këshillit Europian për Marrëdhëniet me Jashtë flet pikërisht për ndërhyrjet e Kremlinit. Sipas saj doktrina euroaziatike është një kombinim i gjeografisë me vlerat.

Sipas saj bëhet fjalë për vlera konservatore që tërheqin shumë persona. Janë vlera të cilat përpiqen të mohojnë iluminizmin europian dhe të gjithë atë që Europa ka fituar për të drejtat e njeriut, liritë individuale dhe lirisë së medias.

Ajo thekson se ka shumë persona në Kremlin, të cilët besojnë se me një axhendë anti-homoseksuale, nacionaliste, kundër rregullave europiane dhe që mohon të drejtat e njeriut do të ndajnë Europën. Dhe do ia dalin duke e ndarë atë nga brenda.

Pikërisht në këtë kuadër, ajo mendon se duhet krijuar një lloj kordoni shëndetësor rreth atyre politikanëve europianë që janë shumë miq me Moskën. Sidomos në Parlamentin Europian dhe në institucionet e tjera europiane. Ajo shprehet qartë se ata që janë miq të Rusisë e zgjedhin këtë për arsye financiare.

Ndër të tjera, ajo shprehet e bindur se po nënvlerësohet zakoni i Rusisë për të blerë politikanë në Europë, duke përhapur në këtë mënyrë sferën e saj të ndikimit. Kjo taktikë aktualisht po funksionon pasi ka shumë njerëz që besojnë se Europa duhet të jetë më sovrane./ABC News Albania 24/7

redi-shehu.jpg
ad min22:54 | 09/07/2019

Studiuesi Redi Shehu ishte i ftuar këtë të martë në emisionin “Provokacija”. Ai foli përballë gazetarit Mustafa Nano për një rithemelim të sistemit. Sipas tij kjo gjë është e arritshme nga populli shqiptar, pasi mund të dalin njerëz të cilët mund të fillojnë rithemelimin.

Mustafa Nano: Ti nuk do çuditeshe që nesër të merrje vesh që një grup njerëzish kanë krijuar atë bërthamën e parë.

Redi Shehu: Unë them që mund të ndodhë. Unë jam me tezën që shqiptarët nuk janë një popull i ndryshëm nga popujt e tjerë, nuk jemi një popull i dënuar që të mos e meritojmë demokracinë. Ne si popull kemi shumë cilësi të mira se popujt e tjerë, të cilët sot kanë një nivel më të lartë. Ne vetëm kemi pasur një fatkeqësi historike që na detyroi të jemi shumë hapa mbrapa. Duke qenë se ne gëzojmë të njëjtët veti, ne jemi një popull që nuk e duam padrejtësinë, nuk e duam në vetvete korrupsionin, pavarësisht se mund të korruptohemi lehtë. Por cili popull ka qenë i gatshëm për demokraci? Asnjë popull nuk ka qenë i gatshëm për demokraci. Popujt janë entitete të cilat edukohen përmes strukturave dhe përmes proceseve dhe unë them që nuk dallojmë shumë nga ata. Pra ne mund ta bëjmë. Tek ne mund të dalin njerëz të tillë që mund ta fillojnë rithemelimin.

Për sa i përket vendimit të opozitës për djegien e mandatit, Shehu tha se ata janë penduar. Sipas tij, opozita është e dënuar të shkojë në marrëveshje, çka bie në kundërshtim me tezën e rithemelimit. Kjo pasi nëse arrihet një marrëveshje nuk do të kemi rithemelim, por riciklim.

“Unë besoj se janë penduar. Edhe këto sinjale për diskutime edhe njëherë me Kryeministrin, unë besoj se janë të dënuar që të shkojnë në marrëveshje. Ajo që themi në në tezën e rithemelimit është që nuk duhet të kemi marrëveshje. Sepse nëse kemi marrëveshje, kemi edhe 30 vjet të tjera të njëjtët njerëz. Procesi duhet të rifillojë, dikush duhet të largohet, disa duhet të largohen, ndryshe nuk ka rithemelim, ka riciklim të këtyre njerëzve. Unë jam që nuk duhet t’i riqarkullojmë më këta njerëz. Kanë pasur kontributet e tyre në 30 vjet, kanë pasur të metat e tyre, tani është boll”, tha Shehu.

myslim-murrizi.jpg
ad min10:45 | 04/07/2019

Sipas deputetit të opozitës, Myslim Murrizi, duhet të ndryshojë sistemi zgjedhor që vjen si pasojë e Kushtetutës së vitit 2008. Gjatë fjalës së tij në seancën parlamentare të kësaj të enjteje, ai deklaroi se në 29 vjet demokraci janë bërë marrëveshje vetëm për pazare.

Ndër të tjera, deputeti tha “rruga e mbarë i qoftë” nëse ka ndonjë politikan që meriton të shkojë në burg nga drejtësia e re, pasi sipas tij haramin në këtë botë nuk e ka gëzuar dhe nuk do ta gëzojë askush.

“Për mua dhe të gjithë këta hajde t’i hapim që sot, por ju s’doni, ndaj do ta kushtëzojmë votën tonë edhe për ligjet e reformës në drejtësi, edhe për të shpall shokun Mehmet armik dhe për t’ia vënë prangat atje te komiteti qendror. Vetëm me ndryshimin sistemit zgjedhor. Ta ndryshojmë sistemin zgjedhor, ta ndryshojmë këtë Kushtetutë formale dhe super të pistë të Prillit të 2008-s që pastaj t’i drejtohemi sovranit kurdo që vijnë kushtet. I vetmi vend që bëjmë ligje dhe kërkojmë të ulemi në tavolinë për marrëveshje. Jo, jo, marrëveshjet bëhen para se të vish në këtë sallë.

Kur marrëveshjet kthehen në ligj, s’ke pse bën marrëveshje pastaj. 29 vjet që bëjmë ligje këtu dhe kërkojmë marrëveshje vetëm për pazare për të ndarë me njëri-tjetrin, apo për të mbrojtur me njëri-tjetrin nga pisllëku që kemi bërë me taksat e qytetarëve shqiptarë në këtë vend. Ndaj nga Presidenti, ish-Presidenti, Kryeministri, ish-Kryeministri, ministrat që janë këtu, ata që janë ulur atje, këta që janë ulur këtu, nëse meritojnë nga kjo drejtësi e atyre ustallarëve matanë oqeanit për të shkuar në burg të Reçit, rrugë e mbarë i qoftë, për ndonjë që mund të njohim individualisht mund të shkojmë ta shohim t’i çojmë ndonjë paketë duhani. Haramin në këtë botë nuk e ka gëzuar askush, nuk e besoj se do ta gëzojnë këta. As çunat që ishin, as çunat që keni ju këtu”, tha Murrizi.

Parlamenti diskuton sot projektligjin për përmbarimin privat, i kthyer për rishqyrtim nga Presidenti Meta./abcnews.al

pe.jpg
ad min08:38 | 02/07/2019

Në Strasburg parlamenti i sapozgjedhur europian është duke filluar punën. Çfarë përbërje ka ai? Cili vend ka dërguar më shumë gra? Çfarë moshe kanë deputetët? Një analizë e të dhënave.

“Kur hap gazetën në mëngjes, shoh Europën e burrave të ditur dhe të moshuar, të veshur me kostume të zeza, që nënshkruajnë kontrata diku në një zyrë mbrapa,” tha më 2014 parlamentarja europiane e Të gjelbërve, Terry Reintke. Kjo nuk është Europa ime, shtoi ajo.

Gjithnjë e më shumë politikanë janë duke luftuar për ndarje të drejtë gjinore të posteve politike dhe mandateve të Bashkimit Europian. Presidenti francez Emmanuel Macron, këmbënguli për herë të parë që katër postet më të larta europiane, pra postet e Presidetit të Komisionit të BE, të Presidentit të Këshillit, të të ngarkuarit me politikën e jashtme dhe të Shefit të Bankës Qendrore Europiane (EZB) të zihen nga dy burra dhe dy gra.

Përqindja e grave shtohet nga 36 në 40 përqind

Parlamenti Europian është duke iu afruar ngadalë me përbërjen e tij ndarjes së barabartë gjinore. Në krahasim me 2014, përqindja e grave është rritur në 40 përqind. 446 burra dhe 302 gra do të marrin pjesë ditën e martë në takimin e parë konstitucional. Faktikisht do të duhet të ishin 751 deputetë, por tre vendet e eurodeputetëve të zgjedhur në Spanjë mbeten të pazëna sepse autoritetet spanjolle bllokojnë mandatet e separatistëve katalanë.

Të Gjelbërit tejkalojnë planin

Një shikim mbi fraksionet e veçanta në Parlamentin Europian tregon se pjesa e grave mbetet e pabarabartë.

Në krye me 39 gra dhe 37 burra është fraksioni i Të Gjelbërve/European Free Alliance (EFA). Ky fraksion përbëhet nga të gjelbërit dhe Aleanca e Europianëve të lirë, ku marrin pjesë deputetë të pavarur, Piratët, dhe përgaqësues nga kombet pa shtet dhe pakicat e pafavorizuara. Ky fraksion kishte në parlamentin e kaluar 51 anëtarë, mbas suksesit në zgjedhje të Të Gjelbërve ka tani 76 anëtarë nga gjithsej 16 vende të BE.

Në të gjitha fraksionet e tjera numri i grave është më pak se gjysma. Me 48 përqind gra, në vend të dytë është Renew Europë, një fraksion i sapokrijuar që pasohet nga Aleanca e Liberalëve dhe Demokratëve për Europën (ALDE). Në parlamentin e ri ky fraksion merr pjesë me 109 deputetë dhe është forca e tretë.

45 përqind pjesëmarrje të grave sjellin GUE/NGL, konfederata e fraksioneve të Të majtës së bashkuar europiane/ Të majtët e gjelbër nordik. Këta kanë vetëm 40 anëtarë dhe janë fraksioni më i vogël i parlamentit europian

Forca e dytë më e madhe politike është fraksioni i Socialdemokratëve Europianë S&D. Nga 152 deputetët 43 përqind janë gra.

Pjesëmarrjen mesatare të grave, pra 40 përqindshin, e sjell këtë vit edhe e sapokrijuara ID, një bashkim i partive populiste të djathta, partive nacionaliste dhe ekstremiste të djathta, mes të cilave Lega italiane, Rassemblement National francez dhe AfD gjermane. Synimi i ID ishte të kthehej në fraksionin më të madh në parlamentin e ri europian. Por, deputet e PiS polake dhe Fidesz-it hungarez nuk u bashkuan

Fraksioni më i madh është burrëror

Megjithë mosmarrëveshjet e mëdha, hungarezët qëndruan tek EVP. Partia popullore europiane, EVP mbetet me 182 deputetë fraksioni më i madh në Parlament. Ata vijnë që nga partitë kristian-demokrate dhe konservatoro-qytetare e deri tek partitë anëtare nacional-konservatore e populiste të djathta. Kundrejt 120 burrave ndodhen 62 gra, pra pjesëmarrja e grave është 34 përqind.

Frauenquote Parlament (picture-alliance/dpa/O. Berg)

Një vend të veçantë ze EFDD. Në statistikat e Parlamentit Europian është futur Fraksioni Europa e lirisë dhe demokracisë direkte me 43 anëtarë dhe pjesëmarrje të grave prej 37 përqind. Por meqenëse AfD gjermane do që të shkojë tek fraksioni ID, dhe Lëvizja italiane Pesë Yjet po ashtu ka bërë të ditur se do të dalë nga EFDD, nuk do të plotësoheshin kushtet zyrtare për krijimin e një fraksioni. Por luftëtari britanik i Brexitit, Nigel Farage ka bërë të ditur se do vazhdojë të mbajë fraksionin duke marrë anëtarë të tjerë.

Përqindja më e ulët e grave ndodhet tek EKR, fraksioni i konservatorëve dhe reformistëve europianë. Ata kanë 62 anëtarë në parlamentin e ri, një e treta janë gra. Ky fraksion nacional- konservator dhe kritik ndaj BE, ekziston prej 2009 dhe pjesa më e madhe e anëtarëve janë nga partia polake, e Ligjit dhe Drejtësisë (PiS).

Suedezët dërgojnë përqindjen më të madhe të grave

Parë në përgjithësi vendet anëtarë kanë dërguar në parlamentin e ri të BE më shumë burra se sa gra. Por në veçanta ka edhe dallime midis vendeve. Suedia dhe Finlanda ndodhen në krye për pjesëmarrjen e grave.

Numër të barabartë burrash dhe grash ka Franca (74 deputetë), Austria (18 deputetë), Sllovenia dhe Letonia me 8 deputetë, si dhe Malta dhe Luksemburgu me 6 deputetë.

Belgien Brüssel Europawahl 2019 | Wahlparty des Europäischen Parlaments (DW/B. Riegert)

Gjermania ka me 96 deputetë, numrin më të madh në Parlamentin Europian. Por me 36 përqind pjesëmarrje të grave, ndodhet në vend të 18 në rradhitjen sipas pjesëmarrjes së grave.

Më pak se 30 përqind grash kanë Bullgaria (17 deputetë), Lituania (11 deputetë), Greqia (21 deputetë), Rumania (32 deputetë) dhe Sllovakia (13 deputetë).

Vendin e fundit e zë Qipro, ku të gjashtë deputetët janë burra.

Parlamenti i ri ka moshë më të re

Mosha e 748 deputetëve jep mesataren prej 51 vjeç. Më 2014 mosha mesatare ka qenë 56 vjeç.

Zbërthyer mes partive, del se Të gjelbërit, Liberalët, Të majtët dhe deputetët pa fraksion kanë pjesën më të madhe të parlamentarëve me moshë të re. Tek të djathtët dhe konservatorët, por edhe tek socialdemokratët marrin pjesë më shumë parlamentarë të moshuar se sa të rinj. Deputeti më i ri është 21 vjeç dhe bën pjesë tek Të Gjelbërit/EFA. Më i moshuari është 83 vjeç dhe është anëtar i EVP./DW

baton-haxhiu.jpg
ad min22:41 | 28/06/2019

1 Korriku sipas analistit Baton Haxhiut është vija e kuqe ku do të vendoset mes të ardhmes dhe riciklimit të politikanëve në Shqipëri. Gjatë emisionit “Provokacija” ku ishte edhe i ftuar, ai theksoi se ajo çfarë do të vijë pas zgjedhjeve të 30 Qershorit është beteja të cilën Shqipëria nuk e ka kaluar akoma.

“Mendoj që 1 Korriku do e gjejë Shqipërinë kurrë si më herët për arsye se do vendoset vija e kuqe mes të ardhmes dhe riciklimit. Kjo është beteja që Shqipëria nuk e ka kaluar për gati 30 vite dhe 1 Korriku e gjen ose do ta gjejë Shqipërinë me një të ardhme të re dhe me liderë të deritashëm të cilët do të pensionohen lehtësisht”, tha Haxhiu.

Tek këta liderë, Haxhiu fut Ilir Metën dhe Sali Berishën. Sipas tij, i vetmi që mund të përballet me ta është Edi Rama. Ky i fundit sipas analistit di të bëjë dallimin e shprehej “enough is enough”.

“Fus Berishën, Metën, Mona nuk e ka peshën e këtyre dyve. E Muçi kam ndierë një gjë, i vetmi njeri ai e di që ka dilema kësaj dhe e ka vendos dhe mund ta vendosë të ardhmen e Shqipërisë duke mos e ricikluar me të kaluarën është Edi Rama. Për faktin se kushdo tjetër nuk do mund të bënte betejë me dy liderë politikë të cilët e kanë ricikluar njëri-tjetrin për një kohë të gjatë dhe ai është Berisha dhe Meta. Natyrshëm e mira dhe e keqja e kësaj periudhe 30-vjeçare u takon atyre dyve, natyrisht kështu është edhe Rama, por edhe njëri edhe tjetri nuk kanë kuptuar se ‘enough is enough’, boll është boll. Për faktin se nuk kanë kuptuar që ‘enough is enough’ dhe një personalitet që ka mundur të bëjë një përballje të tillë me të kaluarën ka qenë vetëm kryeministri tashëm.

Do e shohësh se Rama do të jetë një prej atyre njerëzve që politikën do ua lerë gjeneratës së re. Besomëni apo jo, nuk do të jetë në politikë aq gjatë sa njerëzit e mendojnë, por do të jetë mjaftueshëm që Shqipëria t’i takojë gjeneratës së re”, tha Haxhiu./abcnews.al

flutura-acka-provokacija.jpg
nev ila22:47 | 28/05/2019

E ftuara e sotme në studion e “Provokacija” me Mustafa Nanon, ka qenë shkrimtarja Flutura Açka. Shkrimtarja dha opinionin e saj në lidhje me femrat në politikën shqiptare që sipas saj janë keqtrajtuar dhe keqpërdorur nga politikanët, ajo gjithashtu tha se Arba Kokalari që u zgjodh në parlamentin europian, ishte një nga femrat shqiptare për të cilën duhet të krenohen të gjithë. Shkrimtarja përmendi edhe politikanen më të re në parlamentin shqiptar, Rudina Hajdarin, që sipas Açkes nuk ka arsye për ta sulmuar.

Mustafa Nano: Pashë te ju një lloj entuziazmi, ishit bërë pjesë e një hareje kombëtare. Kishit shkruar dhe një frazë:

Shqiptarët e thjeshtë kanë gjithë të drejtën të krenohen për bijën e tyre, Arba Kokalari, sikur Arba të qe politikane, aq e hijshme që është, sic janë gratë shqiptare në përgjithësi, qeniet më të emancipuara të kësaj shoqërie…”

Mustafa Nano: Pyetja ime është kjo, nuk mendoni që po e teprojmë pak me këtë?

Flutura Açka: Sigurisht, kishte një dozë por nuk ka asgjë të keqe. Shyqyr që ka një dozë pozitive për tu krenuar, kështu që edhe unë ju bashkëngjita kësaj feste. Të mos harrojmë që në entuziazëm ka edhe një faktor shtesë që është se nga kush familje vjen kjo vazjë? dhe kjo ka shumë rëndësi.

Mustafa Nano: Duket sikur suksesi i Arba Kokalarit të shkrimi juaj shihej edhe si sukses i grave shqiptare..

Flutura Açka: Ndoshta kjo shprehje ka shqetësuar një kolegun tonë, një djalë shumë i mirë për të cilin unë do të vazhdoj ta respektoj, i cili më kujtonte që unë duhet të merresha me shkrimet, me përqarjet për tim bir në raport me tim bir dhe të mos merresha me çështje që kanë të bëjnë me politikën, a thua se politika është domen vetëm i burrave, njëlloj sikur të më thoshte që ti je grua dhe duhet të rrish te kuzhina dhe mos u merr me këto gjëra, domeni i kujt është politika? Kjo gjë më vrau më shumë se çdo gjë tjetër në atë shkrim. Unë nuk merrem me politikë por të drejtën si njeri i lirë, si publiciste e kam, për të thënë mendimin tim, qoftë edhe të gabuar. Disa kolegë tuaj më kanë sulmuar, të cilët merren vetëm me këtë gjë, merren vetëm si të hedhin baltë mbi njerëzit që nuk u pëlqejnë qeverive.

Mustafa Nano: I veconi gratë shqiptare, mos i mbani pak me hatër?

Flutura Açka: Ndoshta doja të provokoja, e pashë që 2 apo 3 djem të medias u shqetësuan shumë pse e kisha thënë këtë gjë, unë ju provokova dhe ju ratë në grackën time. Dua të them edhe diçka tjetër, gratë politikane shqiptare janë keqtrajtuar, shikoni çfarë i bëjnë Rudina Hajdarit? E majta e përdor për arsyet e veta dhe e djathta e godet për arsyet e veta. Ajo mund të ketë probleme me artikulimin për shkak se është shumë e re, por nuk duhet marrë si një dobësi apo arsye për ta sulmuar. Rudina Hajdari për mendimin tim ka bërë një gjest që Partia Demokratike duhet ta vlerësoje. Ajo, as nuk duhet të përdoret nga e majta dhe as të sulmohet nga e djathta, sepse ajo vajzë e re ka nevojë për mbështetje./abcnews.al

leyla-moses-ones.jpg
ad min12:23 | 16/04/2019

Nuk i ka shmangur dot lotët teksa rikthehet pas në kohë.

“Do të doja të ndaja me ju sot diçka thellësisht personale. 12 vjet më parë në këtë muaj unë humba mamanë time për shkak të kancerit. E di personalisht që kanceri i gjirit na prek të gjithëve, pavarësisht se kush jemi apo nga vijmë. Partitë politike? Të parëndësishme! Pasuria? Të parëndësishme! Ne e dimë se diagnoza e kancerit është tragjike dhe zemërthyese për familjen”, tha Leyla Moses-Ones.

Mesazhet ia drejton politikës që të bëhen bashkë për situatën e grave në Shqipëri. E duke mos e shmangur dot edhe situatën politike në vend e Ngarkuara me Punë në Ambasadën e Shteteve të Bashkuara të Amerikës në Tiranë Leyla Moses-Ones kërkon që bashkëpunimi të mos vonojë as në realizimin e reformës zgjedhore.

“Koha është tani dhe mundësia është këtu. Udhëheqësit shqiptarë duhet të bashkëpunojnë së bashku për të dhënë një shembull për qytetarët tuaj. Zhvillim ekonomik, paqe dhe siguri, ndoshta dhe reformë zgjedhore. Të gjitha këto janë të mundshme me drejtues të mirë në krye dhe një bashkim përpjekjesh”, tha ajo.

Apeli për sensibilizim u bë edhe nga Ambasadori i Bashkimit Europian në Shqipëri Luigi Soreca sipas të cilit në Shqipëri janë rreth 7700 raste të reja në vit, shifra këto të konfirmuara nga OBSH-ja.

“Kjo e rendit Shqipërinë në vendin e 88-të. Këto siç e thashë janë shifra të OBSH dhe këto shifrat janë shumë të rëndësishme për të kuptuar fenomenin.  Ne ju bëjmë thirrje palëve të lexojnë këto rekomandime dhe t’i bëjnë pjesë të punës së tyre”, tha ambasadori.

Bashkimi Evropian po përgatit një program të ri që ka në fokus zgjidhjen e shumë problematikave për gratë e prekura nga sëmundja e kancerit.

kuvendii.jpg
ad min15:14 | 19/11/2018

Propozimet e Partisë Demokratike për ndryshime në Kushtetutë, të cilat sipas saj pastrojnë politikën nga zrtarët e korruptuar, u bënë në fillim të muajit shtator. Nëpërmjet amendamenteve kushtetuese, opozita kërkoi përjashtimin nga e drejta për t’u zgjedhur të shtetasve, që janë dënuar me burgim, me vendim përfundimtar të formës së prerë, për kryerjen e një krimi, ose shtetasit që kanë kontakte me persona të përfshirë në krimin e organizuar.

Sipas propozimeve të opozitës sitës së vettingut duhet ti nënshtrohen deputetët, kryetarët e bashkive, kryeministri dhe ministrat, si dhe gjithë drejtuesit e institucioneve kushtetuese, që emërohen me detyrë nga parlamenti. Propozimi për të bërë Vetting për politikanët nuk ka nevojë për zgjatje dore, thirrje për ulje në tryezë deklaroi kryetari i Partisë Demokratike në shtator pasi e vetmja rrugë sipas tij është ajo e votimit në parlament nga të gjithë deputetët.

“I njëjti definicion vetëm zëvendësoni fjalën gjyqtar dhe politikan me fjalën politikan.Vettingu i politikanëve nuk ka asnjë lidhje me vettingun në drejtësi, as me hetimet që do të bëhen nga Byroja e Hetimit dhe SPAK. SPAK-u dhe Byroja e Hetimit kanë mandat hetimin e politikanëve të korruptuar, hetimin e krimit të organizuar. Vettingu i nxjerr nga institucionet. SPAK dhe BKH i cojnë në burg”, ka thënë Basha.

Nga krahu tjetër politik mori një po me kushte.

“Unë, Presidenti i Republikës, kryetari i opozitës, kunati i kryetarit të opozitës, gruaja e tij, rrethi familjar, vjehrri, , kryeministrat e mëparshëm, fëmijët e tyre. Patjetër! Ku udhëtojnë? Çfarë shpenzojnë? Sa rrinë jashtë shtetit? Jam gati. Shyqyr që u katandis Luli ta bëjë këtë punë”, tha Rama.

Ai që qartësoi qëndrimin e shumicës ishte kryetari i grupit parlamentar socialist Taulant Balla,

“Vetëm SPAK dhe BKH mund të vetojnë politikanët Lulëzim. Për mua ti Lulzim në veting, nuk kalon kurrë me sa ke mbi supe, ti dhe Saliu. S’mund ta bëj unë vetingun tim, tëndin, të Metës e Ramës, mund ta bëjë vetëm SPAK E BKH”.

Debatet se cili dhe si duhet bërë Vettingu i politikanëve vazhduan gjatë deri sa në Tetor kryetari i Kuvendit vendos t’i drejtohet Komisionit të Venecias me 8 pyetje lidhur me propozimin e demokratëve për ndryshimet kushtetuese.

Në letrën e zbardhur nga ABC News kreu i Kuvendit mes të tjerash kërkon të dijë nga Venecia nëse këto ndryshime ndërhyjnë apo mbivendosnin punën e Byrosë Kombëtare të Hetimit dhe Njësisë Speciale Antikorrupsion, organe këto të parashikuara nga reforma në drejtësi e vitit 2016, që ende nuk janë ngritur, apo edhe vetë ligjin e dekriminalizimit. Njëkohësisht kreu i Kuvendit i ka kërkuar Komisionit të Venecias informacion mbi standardet dhe praktikat ndërkombëtare të procesit të rivlerësimit të politikanëve.

Një ditë para vizitës së delegacionit të komisionit të venecias në Tiranë, kryetari i Partisë Demokratike shprehet se më kot janë munduar pasi Vettingu në politikë nuk është as më shumë e as më pak si ai për gjyqtarët e prokurorët. Pavarësisht se kreu demokrat i ka idetë e qarta për vetingun e politikanëve, mazhoranca do të presë vendimin e Komisionit të Venecias për të ngritur kartonin jeshil apo të kuq për propozimin e opozitës./abcnews.al

kuvend.jpg
ad min11:10 | 19/11/2018

Gjashtë anëtarë të Komisionit të Venecias kanë mbërritur sot në Tiranë, për t’u njohur me propozimet e opozitës për Vettingun në Politikë. Në vizitën dy ditore, delegacioni ka planifikuar të takohet me përfaqësuesit e mazhorancës dhe opozitës.

Ndihmën ia kërkoi kryetari i kuvendit për ti dhënë zgjidhje asaj që opozita e konsideron vijë e kuqe, zbatimit të Vettingut për politikanët. E para që i hapi derën për ti dhënë përgjigje pyetjeve të reporterëve të Komisionit të Venecias ishte Zëvendëskryetarja e Kuvendit të Shqipërisë, Vasilika Hysi,

Reporterët e Komisionit të Venecias kërkuan të dinë nëse ka një qëndrim nga ana e mazhorancës lidhur me nismën ligjore të Opozitës. Në këtë pikë,  Hysi i bëri me dije delegacionit se mazhoranca ishte në pritje të opinionit të Komisionit të Venecias dhe se marrja e opinionit nga Komisioni i Venecias është vendim i mbledhjes së përbashkët të Këshillit të Legjislacionit dhe komisionit parlamentar për Çështjet Ligjore, Administratën Publike dhe të Drejtat e Njeriut.

Sipas agjendës paraprake, delegacioni i Komisionit të Venecias u takua me përfaqësues të grupit parlamentar të Partisë Socialiste, anëtarë të Komisionit për Çështjet Ligjore, Administratën Publike dhe të Drejtat e Njeriut; me z.Edmond Spaho, kryetar i grupit parlamentar të Partisë Demokratike dhe me z.Petrit Vasili, kryetar i grupit parlamentar të Lëvizjes Socialiste për Integrim.  Por në fund të takimeve mazhoranca dhe opozita treguan se edhe këtë vizitë të delegacionit të Komisionit të Venecias e shohin në dy këndvështrime të kundërta.

Edmond Spaho: “Ne parashtruam qëndrimin e Partisë Demokratike, i cili në thelb është që nuk duhet të ketë dy standarte, por ai standarti që aplikohet për prokurorët dhe gjyqtarët duhet të zbatohet dhe për politikanët, kur flasim në lidhje me botën e krimit të organizuar. Në këtë kuptim shpjeguam me fakte që asnjë reformë në Shqipëri nuk do të ketë sukses nëse nuk do të shkëputen lidhjet e politikës me krimin e organizuar.”

Ulsi Manja: “Në fakt ajo që më bëri çudi është se nuk di kujt ti besojmë, asaj që tha zoti Spaho sot, apo asaj që tha kryetari i opozitës në Berat. Sepse mu duk sikur dje nga Berati tha, unë nuk e di se pse vjen Komisioni i Venecias sepse ne nuk i kemi ftuar . ndërkohë që sot zoti Spaho dhe delegacioni i opozitës e konsideruan takimin me Komisionin e Venecias shumë frytdhënës dhe bespjmë shumë në ndihmën e tyre. Në fakt opozita vazhdon të jetë inkoherente në qëndrimet e saj, sa herë që bëhet fjalë për Komisionin e Venecias.”

Reporterët gjenden në Shqipëri për një qëndrim 2-ditor, në kuadër të vizitave për mbledhjen e të dhënave të nevojshme për përpunimin e opinionit zyrtar të Komisionit të Venecias lidhur me projektligjin “Për disa shtesa dhe ndryshime në ligjin nr. 84/2017, datë 21.10.1998 “Kushtetuta e Republikës së Shqipërisë”, të ndryshuar”, nismë e deputetëve të grupit parlamentar të Partisë Demokratike dhe grupit parlamentar të Partisë Lëvizja Socialiste për Integrim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono