përgatitet

tajfuni-tokio.png
nev ila16:06 | 11/10/2019

Banorët e Tokios në Japoni janë në pritje të super tajfunit Hagibis, i cili konsiderohet si më i fuqishmi për këtë vit. Turistët janë lajmëruar të shkarkojnë aplikacionin që jep informacione në kohë reale si dhe planet e emergjencës.

Janë orë ankthi në Japoni për mbërritjen e tajfunit Hagibis, më i fuqishmi i vitit sipas të dhënave të agjencisë kombëtare oër motin. Parashikimet më alarmuese flasin për uraganin më të fuqishëm të viteve të fundit.

I klasifikuar në nivelin 5, që është i larti, ai do të vijë duke u dobësuar para se të prekë tokën. Priten erëra me një shpejtësi më të lartë se 180 kilometra katrorë dhe reshje të dendura, ndërkohë që autoritetet anuluan dy ndeshje të kupës së botës për Regbin. Më shumë se qindra fluturime janë anuluar

Sipas ekspertëve vendas Hagibis është zhvilluar me një shpejtësi anormale dhe është i fortë pasi lëviz në ujëra oqeanike me tmepratura mbi mesataren. Dhe provat e Formula 1 në Suzuka janë pezulluar.

Në muajin shtator tajfuni Faksai gjunjëzoi Tokion duke shkaktuar tre viktima dhe dhjetëra mijë të pastrehë. Ndërsa një vit më parë stuhia Jebi shkaktoi viktima dhe dëme materiale me një vlerë prej 30 miliard dollarësh./ABC News Albania 24/7

VLLAZNIA-PERGATITET-PER-TIRANEN.mpg_snapshot_00.03-1280x720.jpg
nev ila19:10 | 30/08/2019

Vllaznia vlerëson lart derbin e përjetshëm ndaj Tiranës, por shpreson t’ia dalë me sukses. Trajneri Jonuz dhe kapiteni Lika flasin për ndeshjen e Superligës

Katër pikë në dy ndeshje janë një fillim i mirë.

Aq më tepër kur skuadra vjen nga një kategori më poshtë, ndonëse kur kjo e ka emrin Vllazni, diçka e tillë bëhet detyrim.

Detyrim apo jo, tashmë vjen derbi më i vjetër i futbollit shqiptar, dueli me Tiranën që do të luhet këtë të shtunë në “Loro Boriçi”.

Trajneri me origjinë shqiptare nga Maqedonia, Mirsad Jonuz, gjithsesi, ndihet i qetë.

“Jam mësuar me ndeshje të tilla, pasi kam luajtur shumë derbi si lojtar dhe si trajner. Gjithsesi, kjo është e veçantë, pasi është derbi i përjetshëm. Ka kaq shumë histori në këtë duel dhe gjithnjë ka pasur emocion për rezultatin. E shoh që ka shumë vëmendje nga tifozët dhe mediat, e kjo gjë është e mirë për futbollin në Shqipëri dhe në Shkodër. Ky do të jetë motiv më i madh për ne, që të japim maksimumin në këtë ndeshje”.

Pas vlerësimit të lartë për derbin, Jonuz flet edhe për synimin e tij.

Dua të theksoj se lojtarët e mi janë gati, dhe disa prej tyre kanë luajtur më parë derbi të tillë, pra kanë përvojë. Edhe situata ku jemi, me 4 pikë, na jep të drejtë të jemi optimistë. Kush nuk do të donte që në fund të gëzoheshim së bashku. Kjo do të ishte shkëlqyeshëm. Me 7 pikë në 3 ndeshje do të ishte fillimi më i mirë i kampionatit”.

Kapiteni Gilman Lika ka luajtur më parë për Tiranën, ndërsa tani do ta ketë kundërshtar.

Vllaznisë i mungon vetëm Gligorovi i dëmtuar për derbin e madh, nuk ka asnjë dëmtim tjetër apo pezullim./ABC News Albania 24/7

 

flamurtari-kastrikoti-1280x715.jpg
ad min13:15 | 07/08/2019

Flamurtari ka hedhur hapa konkrete drejt ndërtimit të skuadrës për sezonin e ardhshëm. Pas emërimeve në bordin drejtues ka filluar puna për blerjen e lojtarëve.

Situata tek skuadra e Flamurtarit paraqitet ndryshe nga një muaj më parë. Kuqezinjtë ishin një ndër të paktat skuadra që nuk kishin zyrtarizuar ende asnjë blerje. Administrator i klubit Sinan Idrizi zyrtarizoi pak ditë më parë trajnerin e ri Gerd Haxhiu por ndryshime pati edhe ne bordin drejtues të klubit.

Drejtori i përgjitshëm i skuadrës u emërua Ardi Ciruna do të mbajë postin e drejtorit të përgjithshëm duke zëvendësuar Ardi Beharin.

Ish futbollisti i Flamurtarit, Pollozhani ka detyrën e zbulimit të talenteve por njëkohësisht është emëruar edhe drejtor sportiv. Bordi i ri drejtues do të hartojë strategjinë për merkaton verore. Blerja e parë në merkato është mesfushori me origjine nga Bosnja, Semir Bajraktareviç.

31-vjeçari vjen nga kampionati izraelit ku është aktivizuar në tre sezonet e fundit ndërkohe që më parë ka luajtur edhe në kampionatin boshnjak. Flamurtari parashikohet të bëjë jo pak blerje pasi largimet kanë qenë masive dhe mungon boshti i skuadrës./ABC News Albania 24/7

CI0D-LBWEAAwdU4.png
nev ila23:55 | 24/06/2019

Franca pritet të përfshihet në ditët e ardhshme nga një i nxehtë agresiv, me temperaturat që do të kalojnë 40 gradë Celsius. Shërbimi meteorologjik vendas e krahason qershorin me gushtin e vitit 2003, kur thuajse 15 mijë persona humbën jetën për shkak të motit të nxehtë.

Franca po bëhet gati të mbërthehet nga një mot i nxehtë me temperaturat që pritet të shkojnë mbi 40 gradë Celsius më vonë gjatë javës dhe të thyejnë rekordin për muajin qershor.

Temperaturat arritën mbi 35 gradë këtë të hënë dhe pritet që të arrijnë pikun të enjten dhe të premten. Veriu i vendit, përfshirë Parisin, do të jetë zona më e prekur nga vala e të nxehtit. Depozita me ujë do të vendosen në mbarë vendin, ndërsa pishinat publike do të qëndrojnë të hapura deri vonë në kuadër të një plani për t’i bërë ballë motit të nxehtë.

Gjithashtu, në rrugë do të ketë skuadra që do të shpërndajnë shishe uji dhe do të kujdesen për personat e cënueshëm, kryesisht ata të moshës së thyer, pasi temperaturat në Paris mund të arrijnë deri në 47 gradë.

Ndërkohë, edhe Gjermania, Zvicra dhe Belgjika mund të përjetojnë një valë të ngjashme në ditët e ardhshme, por Franca mbetet më e rrezikuara.

Situata po krahasohet me atë të gushtit të vitit 2003, kur thuajse 15 mijë persona humbën jetën. Asokohe, në hapësirën e një muaji temperaturat arritën dhe tejkaluan 44 gradë Celsius më 12 gusht.

Shërbimi meteorologjik francez ka paralajmëruar ndërkohë se temperaturat mund të mos bien deri në fundjavën pasardhëse, me të nxehtin që do të jetë i pranishëm edhe në orët e natës, kur temperatura më e ulët pritet të jetë 20 gradë./ABC News Albania 24/7

kosov-1280x715.jpg
ad min16:10 | 10/06/2019

Sot janë bërë 20 vjet qëkur Sekretari i përgjithshëm i NATO, Havijer Solana, kishte lëshuar urdhrin për ndalimin e bombardimit në Kosovë, kurse, Këshilli i Sigurisë i OKB-së, miratoi rezolutën 1244, ku u dërguan 37.200 ushtarë të KFOR-it nga 36 shtete . Hyrja e NATO-s do të shënohet në Kosovë me aktivitete të ndryshme.

Për tri ditë radhazi Kosova do të shënojë 20-vjetorin e hyrjes së trupave të NATO-s në Kosovë.

Manifestimi qendror – 20 vjetorit të hyrjes së trupave të NATO-s në Kosovë  do të mbahet në sheshin Skënderbeu në Prishtinë.

Në këtë ngjarje pjesëmarrjen e ka konfirmuar edhe ish presidenti i Shteteve të Bashkuara të Amerikës Bill Clinton dhe ish sekretarja amerikane Madelinë Albright.

Ftesa i janë dërguar edhe te të gjithë vendimmarrësve të asaj kohe në rajon, ndër ta edhe ish-Kryeministri, Sali Berisha.

Pas ndalimit të bombardimeve më 10 qershor, më 12 qershor të vitit 1999, në Kosovë kanë zbarkuar trupat e para të këmbësorisë së NATO-s, ndërsa ka nisur largimi i forcave serbe.

Me hyrjen e NATO-s, në Kosovë ka nisur edhe vendosja e UNMIIK-ut, i cili administroi vendin për rreth 10 vjet./ABC News Albania 24/7

byro-politike-2-1280x666.jpg
ent ela21:13 | 25/03/2019

Paneli i të ftuarve në emisionin “Byro Politike” kanë folur për zgjedhjet vendore dhe emrat e rikonfirmuar të kryebashkiakë të PS edhe për një mandat tjetër. Të ftuarit në studio Ervin Bushati, Mentor Kikia, Ervis Iliazaj dhe Rezarta Delisula kanë komentuar rikandidimin e Erion Veliajt edhe për një mandat tjetër për të drejtuar bashkinë e Tiranës. Më tej të ftuarit janë shprehur se Veliaj po punon fot pasi në të ardhmen mund të jetë ai drejtuesi i Partisë Socialiste.

Ervis Iliazaj: Unë jam kundër këtij modeli, të një personaliteti të madh politik sepse ky dëmton qytetin. Tiranë përdoret për të synuar qendrën dhe nuk i kushtohet vëmendje lokales. Unë nuk e di se kush mund ta sfidojë Veliajn. Veliaj është personalitet i politikës qendrore dhe jo i politikës lokale. Për mua Veliaj është niveli i politikës qendrore. Po ta shikosh me Kryeministrin më shumë komunikim ka Veliaj sesa Kryeministri.

Rezarta Delisula: Deri diku i bashkohem mendimit dhe insistoj që të gjithë personalitet kanë qenë në polikë. Është mirë që politika lokale të mos ngatërrohet me politikën qendrore. Mendoj që deri më tani personalisht duke njohur njerëzit që punojnë me Veliaj, kanë bërë shumë për Tiranën. Por janë bërë shumë gabime që Veliaj duket t’i ndreqi në këtë mandat të dytë nëse do e marrë. Unë jam e mendimit ashtu sikurse opozita që ka punuar shumë mirë. E ka thënë Monika Kryemadhi që Veliaj ka punuar shumë mirë dhe jam në të njëjtin mendim me të.

Mentor Kikia: Kryeqytetet kanë shërbyer si trampolina për karrierën e politikanëve. Kryebashkiakët kanë bërë hapa për të kandiduar për President apo Kryeministër. Kemi një kryetar bashkie që po synon drejtimin e partisë. Është një karrierë brenda linjës logjike. Do doja të kisha një listë më të gjerë që vijnë në drejtimin e bashkive të tjera.

Ervin Bushati: Pavarësisht se nuk kemi garë se PD është e hutuar që nuk di ça do bëjë me zgjedhjet lokale, ne nuk na pengon fakti që ata nuk janë në garë. Ne patjetër do zgjedhin njeriun më të mirë për Tiranën dhe është shembull për të gjithë. Qytetarët na kanë zgjedhur që të jemi më të mirët e vetes.

 Mentor Kikia: Për Tiranën kemi një fakt që ia vlen të ndalesh tek Këshilli Bashkiak i riu. Anëtarët e Këshillit Bashkiak janë të parëndësishëm në rang kombëtar. Këshilli Bashkiak i Tiranës ka një nivel shumë të lartë përfaqësimi politik. Të duket se ka një nivel  herë-herë edhe më të lartë se Parlamenti. Duke qenë në lëmin e spekulim për kreun e ardhshëm të PS dhe mu duk si një lloj Parlamenti që do i shërbejë në të ardhmen për Erion Veliajt. Aty kishte persona të rëndësishëm dhe për mua kjo është një gjë shumë pozitive. Në nivel administrimi e shikoj pozitive.  

Ervin Bushati: Në radhë të parë përfaqësojmë zona të caktuara elektorale. Më vjen mirë që shikohet mirë. Ka qenë gjithmonë një pikë nisje për shumicën e politikanëve. Gjysma e deputetëve kanë qenë në Këshillat Bashkiakë. Tiranë është një vendimmarrje e rëndësishëme. Sot polikë është çdo gjë. Tiranë sot është në fokus./abcnews.al

mesila-doda-1280x709.jpg
ent ela21:06 | 08/03/2019

Sekretarja e Përgjithshme e PDIU-së Mesila Doda e ftuar mbrëmjen e sotme në emisionin “Provokacija” është shprehu se mazhoranca po luan në dy fusha. Sipas saj qeveria nga njëra anë po bën të fortën ndërsa nga ana tjetër po përgatitet për zgjedhje të parakohshme të përgjithshme.

Mustafa Nano: Çfarë do ndodhi tani?

Mesila Doda: Unë u mundova ta them edhe gjatë intervistës se në momentin që sistemi demokratik ka rënë e vetmja zgjidhje janë zgjedhjet e reja. Janë zgjedhjet e reja me një qeveri socialiste nuk ka arsye dhe askush nuk kërkon pushtet në tavolinë dhe të ketë persona të palidhur me krimin. Persona të cilët japin besim që mund të kalohet dhe mund të riverifikohet sërish mazhoranca. Mund të fitojë PS është në të drejtën e vet, por do ta fitojë pa kriminelë.

Mustafa Nano: Kjo është ajo që ju keni thënë por nga krahu tjetër nuk po shikoj ndonjë gatishmëri për …

Mesila Doda: Mendoj se po lozet në dy fusha. Nga njëri krah mundohen të bëjnë sikur janë të fortë dhe nga krahu tjetër po merren me përgatitjen e zgjedhjeve. Ka zëra që thonë se janë duke u përgatitur edhe vetë për zgjedhje që ti kalojnë brenda 45 ditëve. Nuk duan që të lënë asnjëherë qeverisjen nga Edi Rama është fjala sepse nga dikush tjetër do të ishte krejtësisht e pranueshme. Por në asnjë mënyrë nuk mund të justifikosh dot një sistem i cili është monopartiak. Dhe në mes të Evropës të pranosh një diktaturë, është një gjë e papranueshme. deri më sot opozita është bërë fasadë e këtij sistemi. Tani nuk ka më fasadë, tani ka dalë ky sistem që është ndërtuar./abcnews.al  


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono