pentagoniMesazhi i Jarecit
ad min14:56 | 20/08/2019
Kreu i Pentagonit Mark Esper konfirmoi se të dielën është testuar një raketë me rreze të shkurtër e cila kishte arritur objektivin pas më shumë se 500 kilometrash fluturim. Ai theksoi se testimi është vetëm reagimi i parë ndaj veprimeve të Moskës.
Departamenti Amerikan i Mbrojtjes konfirmoi testimin e një rakete me rreze të shkurtër, e cila ndalohej nga traktati për armët bërthamore që përfundoi pak kohë më parë pas tërheqjes së njëanshme të Uashingtonit.
Testi u krye të dielën e kaluar në ishullin e San Nikolas, pranë Kalifornisë. Pentagoni deklaroi se raketa e testuar doli nga hedhësi i vendosur në bordin e anijes dhe arriti objektivin pas më shumë se 500 kilometrash fluturim.
Raketa nuk ishte bërthamore dhe u lëshua nga një anije amerikane pranë bregu të ishullit, ndërsa të dhënat e mbledhura do të japin informacione për Departamentin Amerikan të Mbrojtjes për të ardhmen e një rakete me rreze mesatare.
Traktati INF ndalonte pikërisht këto lloj raketash, qoftë dhe bërthamore, në gjendje për të udhëtuar në një hapësirë nga 500 deri në 5500 kilometra. Por kreu i pentagonit, Mark Esper, kishte paralajmëruar se sapo të dilnin nga traktati Shtetet e Bashkuara të Amerikës do të zhvillonin raketa tokë-ajër, si një reagim të parë ndaj veprimeve të Moskës./ABC News Albania 24/7
ent ela12:20 | 24/07/2019
Mark Esper është kreu i ri i Pentagonit. Menjëherë pas betimit të tij në Shtëpinë e Bardhë, Donald Tramp u shpreh se Esper ishte personi më i kualifikuar që njihte, për të qenë në postin e ministrit të mbrojtjes.
Pak orë pasi u konfirmua nga senati amerikan, Mark Esper, 55 vjeç, u betua në Shtëpinë e Bardhë si kreu i ri i Pentagonit. Presidenti amerikan Donald Tramo u shpreh se nuk ka asnjeri të kualifikuar sa ai për drejtuar departamentin e mbrojtjess. Ai u shpreh i bindur se Esper do të jetë një ministër mbrojtjeje i jashtëzakonshëm dhe për këtë nuk kishte asnjë dyshim.
Sfida kryesore e minsitrit të ri të mbrojtjes do të jetë menaxhimi i tensioneve me Iranin.
I diplomuar në inxhinieri dhe filozofi, me një master në administrimin publik në Harvard, ish veteran i luftës së Gjirit, ish drejtues dhe lobues në fabrikën e armatimeve të Rejteon, sekretar i ushtrisë që nga viti 2017, Esper ka marrë një mbështetje të madhe nga senati. /ABC News Albania 24/7
ent ela12:51 | 24/05/2019
Një zëdhënës i departamentit amerikan të mbrojtjes ka pranuar se Pentagoni vijon hetimet e tij për ekzistencën e alienëve. Kristofer Sherud pranoi se bëhet fjalë për një inciativë sekrete të qeverisë amerikane.
Pentagoni më në fund ka pranuar se edhe aktualisht po heton për alienët. Lajmi është konfirmuar nga një zëdhënës i departamentit amerikan të mbrojtjes, i cili foli për një iniciativë sekrete të qeverisë të emëruar Aatip. Kjo iniciativë ka drejtuar kërkime dhe hetime për fenomene ajrore jo të identifikuara. Pentagoni deri tani kishte thënë se AATIP ishte mbyllur që në vitin 2012, por zëdhënësi Kristofer Sherud pranoi se departamenti po heton ende për sinjalizimet sipas të cilave pretendohet ekzistenca e anijeve kozmike aliene. Sherud theksoi se Departamenti Amerikan i Mbrojtjes është i shqetësuar për identifikimin e çdo mjeti fluturues, dhe të çdo funksionaliteti të huaj që mund të përbëjë rrezik për vendin. Ai shtoi se do të vazhdojnë hetimet nëpërmjet procedurave normale për sinjalizimet e mjeteve fluturuese jo të identifikuara, nga aviacioni ushtarak amerikan. E gjithë kjo sipas tij bëhet për të garantuar mbrojtjen e territorit amerikan ndaj faktorit surprizë nga ana e kundërshtarëve të vendit. /ABC news Albania 24/7
ad min22:45 | 21/05/2019
Sekretari amerikan i Mbrojtjes, Patrik Shejnahan ka deklaruar se disa masa të marra nga Shtetet e Bashkuara kanë parandaluar sulme potenciale të Iranit ndaj interesave amerikane. Shejnahan u tha gazetarëve në një konferencë të mbajtur në Pentagon se, hapat e Shteteve të Bashkuara kishin qenë të kujdesshëm dhe efikasë për të zmbrapsur sulmet iraniane. “Jemi në një periudhë kur kërcënimi mbetet i lartë dhe është detyra jonë të sigurohemi që iranianët të mos e kalojnë cakun”, ka thënë Shejnahan. Tensionet mes palëve u rritën në ditët e fundit kur presidenti Donald Trump tha se një luftë e mundshme do të shënonte fundin e Republikës Islamike. Ndërsa Teherani zyrtar u përgjigj duke thënë se në vend të gjuhës së kërcënimeve Shtetet e Bashkuara duhet të zgjedhin atë të respektit./ABC News Albania 24/7
ent ela22:09 | 14/05/2019
Administrata amerikane ka përgatitur një plan ushtarak për Iranin, nëse aktivitetet e tij do të kërcënojnë interesat e Shteteve të Bashkuara. Lajmi është bërë i ditur nga “Nju Jork Tajms”, por është hedhur poshtë nga presidenti Donald Trump. Ndërkohë, sekretari i Shtetit, Majk Pompeo ka deklaruar se Uashingtoni nuk dëshiron luftë me Republikën Islamike.
Një plan ushtarak i përditësuar, që parashikon dërgimin e 120 mijë trupave në Lindjen e Mesme për t’i bërë ballë Iranit është përgatitur nga Departamenti i Mbrojtjes në Shtetet e Bashkuara. Lajmin e ka bërë të ditur gazeta “Nju Jork Tajms”, sipas të cilës plani parashikon që trupat të kenë funksion reagimi nëse Republika Islamike sulmon interesat amerikane, ose avancon me procesin bërthamor. Sipas “Nju Jork Tajms”, plani i prezantuar tashmë nga shefi i Pentagonit Patrik Shejnahan është përgatitur me urdhër të zyrtarëve që mbështesin linjën e ashpër ndaj Iranit, të udhëhequr nga këshilltari për sigurinë kombëtare, Xhon Bolton. Sidoqoftë, vijon e përditshmja amerikane, plani nuk bën thirrje për një pushtim tokësor të vendit të Lindjes së Mesme. Por presidenti Donald Trump, të martën ka hedhur poshtë lajmin e gazetës prestigjoze, duke deklaruar se nuk ka asnjë plan të tillë. “Unë mendoj se është një “fejk njuz”, dakord? A do ta bëja unë një gjë të tillë? Sigurisht që po. Por nuk e kemi në plan dhe shpresojmë të mos na duhet ta kemi as në të ardhmen”, ka thënë Trump. Shefi i Shtëpisë së Bardhë ka paralajmëruar se në rast të një skenari të tillë numri i trupave amerikane që do të angazhohen do të jetë shumë më i madh. Ndërkohë, edhe sekretari i Shtetit, Majk Pompeo ka deklaruar se Amerika nuk dëshiron luftë me Iranin, por do të vazhdojë me presionet e saj me qëllim që vendi të heqë dorë nga programi bërthamor. /ABC News Albania 24/7
ad min19:39 | 26/03/2019
Me një lëvizje të papritur, Departamenti amerikan i Mbrojtjes ka ofruar 1 miliard dollarë për projektin e presidentit Trump për murin me Meksikën. Vendimi ka shkaktuar irritimin e demokratëve, pasi sipas tyre Pentagoni ka shpërfillur Kongresin dhe njëkohësisht ka marrë para të destinuara për projekte të tjera.
Departamenti i Mbrojtjes në Shtetet e Bashkuara ka aprovuar transferimin e 1 miliard dollarëve fonde ushtarake për ndërtimin e murit në kufirin me Meksikën. Sipas mediave amerikane, paratë do t’i dorëzohen Departamentit të Sigurisë së Brendshme për të mbështetur ngritjen e 91 kilometrave mur të lartë mbi 5 metra.
Gjithashtu, fondi parashikon investime për përmirësimin e rrugëve dhe ndriçimit në disa seksione të kufirit – ka bërë të ditur Pentagoni. Por lëvrimi i 1 miliard dollarëve për murin mund të çojë në pezullimin e 150 projekteve të tjera të parashikuara brenda territorit amerikan dhe jashtë shtetit. Senatorët demokratë kanë dënuar vendimin për të autorizuar transfertën miliardere pa një aprovim në Kongres.
“Ne kundërshtojmë fuqishëm si thelbin e transfertës ashtu edhe veprimin e Departamentit të Mbrojtjes pa kërkuar më parë konsensusin e Kongresit dhe komisioneve parlamentare për mbrojtjen”, thuhet në një deklaratë për shtyp.
Sipas demokratëve, veprimi i njoftuar nga sekretari në detyrë i Mbrojtjes, Patrik Shejnahan bie ndesh me rregullat e përvetësimit të fondeve. Më 14 Mars, Senati amerikan dhe Kongresi votuan për të bllokuar lëvizjen e presidentit Donald Trump për të shpallur gjendjen e jashtëzakonshme në kufirin me Meksikën, në mënyrë që të siguronte fonde për murin. Një ditë më pas, Trump vendosi veton e parë për të shfuqizuar vendimin e Kongresit./abcnews.al
ent ela14:40 | 06/01/2019
Vendimet e presidentit Trump për tërheqjen e trupave nga zonat e luftës ka shkaktuar një hemoragji oficerësh në nivelet më të larta të Pentagonit. Më i fundit është shefi i stafit të Departamentit të Mbrojtjes, që ka vendosur të ndjekë gjurmët e ish-sekretarit Xhim Metis.
Shefi i stafit të Departamentit amerikan të Mbrojtjes, Kevin Suini ka dhënë dorëheqjen nga posti, një muaj pas largimit të sekretarit Xhejms Metis. Admiral Suini është oficeri i tretë i lartë i Pentagonit që njofton largimin që kur presidenti Donald Trump shpalli vendimin për tërheqjen e trupave nga Siria. Në letrën e dorëheqjes, Suini falenderon kolegët e tij për bashkëpunimin, por nuk e përmend vendimin e presidentit. Ai e mbante këtë detyrë që prej janarit 2017 dhe sipas mediave amerikane, tani ushtaraku i lartë ka shprehur interesin për të punuar në sektorin privat. Sidoqoftë, largimi i tij rrit më tej ndjenjën e pasigurisë që ka përfshirë Shtetet e Bashkuara pas vendimeve të administratës Trump mbi mbrojtjen dhe politikën e jashtme. Pavarësisht se sipas zyrtarëve të Shtëpisë së Bardhë nuk ka ende një datë për nisjen e tërheqjes nga Siria dhe Afganistani, njoftimi i kreut të shtetit ka alarmuar Perëndimin dhe aleatët e Shteteve të Bashkuara në të gjithë botën. Situata ka detyruar sekretarin e Shtetit, Majk Pompeo që të përgatisë për javën e ardhshme një vizitë në vendet e Lindjes së Mesme, për të qetësuar aleatët në rajon. më herët, zëdhënësja e Pentagonit Dejna Uajt dhe i dërguari i posaçëm i Uashingtonit në koalicionin global kundër Shtetit Islamik, Bret Mek Gurk dhanë dorëheqjen në shenjë proteste ndaj deklaratave të Trump se ISIS ishte mposhtur. /abcnews.al
ad min11:57 | 11/12/2018
Administrata amerikane ka vendosur tërheqjen e trupave nga kufiri me Meksikën, pasi karvani me emigrantë i nisur Amerika Qendrore nuk përbën më kërcënim. Lëvizja e Departamentit të Mbrojtjes, rreth 1 muaj pas zgjedhjeve të mesmandatit, përforcon dyshimet se dërgimi i trupave ishte vetëm një lëvizje elektorale e presidentit Trump.
Pentagoni ka nisur të tërheqë një pjesë të trupave që presidenti Donald Trump dërgoi në kufirin me Meksikën, për t’i bërë ballë karvanit të emigrantëve të nisur nga Hondurasi. Sipas mediave amerikane, ushtarët e parë do të largohen nga kufiri duke nisur nga java e ardhshme, ndërkohë që për Krishtlindje do të jenë 2 mijë ushtarë që do të kthehen në shtëpi.
Aktualisht numri i trupave në kufi me Meksikën është 5 mijë e 400 njësi, por numri i emigrantëve ka rënë dhe ndërhyrjet logjistike, mes të cilave ngritja e barrierave metalike, kanë përfunduar. Vendimi i presidentit Trump për të dërguar ushtrinë në kufirin me Meksikën shkaktoi jo pak polemika. Nisur nga fakti se ai përkoi me zgjedhjet e mesmandatit, në të cilat republikanët humbën kontrollin e Kongresit, analistë të mediave amerikane deklaruan se ishte vetëm një taktikë e Trump për të përfituar një rritje të popullaritetit të venitur të tij.
Në fakt, pas zgjedhjeve rasti i karvanit të emigrantëve të nisur nga Amerika Qendrore është prekur në raste sporadike. Aktualisht personat e nisur nga Hondurasi dhe Guatemala ndodhen të stacionuar në qytetin meksikan të Tihuanës, ku autoritetet lokale kanë paralajmëruar disa herë për rrezikun e një krize humanitare. Ndërkohë, administrata e re meksikane është shprehur e gatshme të bashkëpunojë me atë amerikane për kontrollin e fluksit migrator./abcnews.al
ad min21:30 | 10/12/2018
Mbrojtja është i vetmi sektor ku qeveria e Shteteve të Bashkuara ka përjashtuar shkurtimet financiare. Ndryshe nga fushat e tjera, ku sipas administratës amerikane po shtrëngohet rripi, presidenti Trump ka dorëzuar në Kongres kërkesën për 750 miliardë dollarë për të vijuar reformimin e ushtrisë.
Presidenti amerikan Donald Trump ka mbështetur planet për t’i kërkuar Kongresit 750 miliardë dollarë shpenzime për sektorin e mbrojtjes për vitin e ardhshëm. Lajmin e ka bërë të ditur një zyrtar i administratës amerikane për agjencinë “Reuters”, i cili ka theksuar se ndërsa shpenzimet për Pentagonin ngjiten, në sektorët e tjerë të qeverisë po “shtrëngohet rripi”. Trump, i ndodhur përballë deficitit buxhetor më të lartë në 6 vitet e fundit, udhëzoi kabinetin e tij më herët gjatë vitit që të përgatiste planet për shkurtimin e shpenzimeve me 5 për qind, me përjashtim të ushtrisë.
Shifra prej 750 miliardë dollarë është edhe më e lartë se ajo prej 733 miliardë që Pentagoni pret të lëvrohet për vitin fiskal 2020, si dhe shumë më tepër se 700 miliardë, kuotë kjo e cituar nga vetë Trump në tetor. Duke folur në kushte anonimati, zyrtari amerikan tha se sekretari i Mbrojtjes, Xhim Metis kishte diskutuar në ditët e fundit buxhetin e ushtrisë me kreun e shtetit dhe kishte nënvizuar rrezikun që rrjedh nga shkurtimi i shpenzimeve. “Ishte e qartë se gjatë takimit kokë më kokë Trump shprehu synimin për të intensifikuar progresin që administrata e tij ka arritur në reformimin e ushtrisë. Në gusht, shefi i Shtëpisë së Bardhë nënshkroi një draft prej 716 miliardë dollarësh për politikat e mbrojtjes. Sidoqoftë, zyra e tij ka refuzuar të komentojë shifrën e fundit prej 34 miliardë më shumë./abcnews.al
ent ela10:45 | 19/09/2018
Senati amerikan ka miratuar të martën me shumicë votash paketën e shpenzimeve, që i mundëson qeverisë federale të jetë në detyrë deri më 7 dhjetor. Votimi me 93 vota pro dhe 7 kundër ka bërë që të shmanget përsëritja e një bllokade të shërbimeve qeveritare, sikurse ndodhi në fillim të vitit. Paketa e shpenzimeve kap shifrën e 855 miliardë dollarëve dhe përfshin shërbimet për punësimin, shëndetësinë, arsimin dhe mbrojtjen.
Kjo e fundit ka edhe pjesën e luanit prej 675 miliardësh, që do të menaxhohen nga Pentagoni. Për t’u kthyer në ligj paketa duhet të marrë konsensusin e Dhomës së Përfaqësuese, që mund të mblidhet vetëm pas 25 shtatorit dhe më pas të firmoset nga presidenti Donald Trump./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
22:59 | 03/04/2020
22:48 | 03/04/2020
