Paskal Milo

paskal-milo.jpg
ger ta20:57 | 19/02/2020

Ish-ministri i Jashtëm, Paskla Milo i ka cilësuar si të tepërta zhvillimet e fundit politike mes Kosovës dhe Serbisë, ku duket se është krijuar një hendek në marrëdhëniet mes dy vendeve.

Në një intervistë për gazetaren Linda Karadaku, në emisionin “Ballkan”, Milo duke iu referuar përplasjes së fundit mes Albin Kurtit dhe Edi Ramës, tha se dy kryeministrat duhet të ishin marrë vesh para konferencës për shtyp.

“Unë nuk dua ta përgjithësoj nivelin e marrëdhënieve mes Shqipërisë dhe Kosovës. Vërtet mund të ketë patur në momente të veçanta ndonjë ulje, por përgjithësisht tendeca ka qenë pozitive dhe marrëdhëniet kanë qenë shumë të ngushta. Ne në momente të veçanta.

Por le të flasin aktualisht, ka qenë e panevojshme u duhej kursyer shqiptarëve kjo ndjesi e këtyre ditëve, që midis Kosovës dhe Shqipërisë është krijuar një hendek, madje do ta quaja të tepërt dhe jo të mençur që kryeministrat e të dy vendeve në një konferencë shtypi, duke mos mjaftuar ajo çfarë kishin biseduar brenda zyrave të mund t’i shpallnin mosmarrëveshjet e tyre kaq hapur. Ndikoji negativisht në atmosferën e përgjithshme që duhet të kishte vizita për herë të parë e kryeministrit të qeverisë së re të Kosovës në Tiranë. Unë mendoj se kjo duhet kapërcyer me mirëkuptim, nuk është e thënë që për të gjitha çështjet të bien dakord sepse në fund të fundit pavarësisht se jemi një komb janë dy shtete që veprojnë në rrethana të ndryshme dhe jo gjithnjë mund të puqen interesat e dy shteteve. Nuk duhet të ngatërrohet koncepti i kombit dhe shtetit’, tha Milo. /abcnews.al

abc-1-1280x655.jpg
in a21:37 | 12/02/2020

E ftuar në “Byro Politike” me Juli Xhokaxhi, ish-deputetja e PS Arta Dade ka folur për politikën shqiptare. Dade u shpreh se demokracia është e barasvlefshme me sundimin e ligjit.

“Nuk flas për programet apo dokumentet themelorë të forcave politike, por theksoj se demokracia është e barasvlefshme me sundimin e ligjit. Politika ka qenë e kujdesshme që me pëgjegjësitë që mori të ishte konform”, tha Dade.

Sa këshillohen politikanët e rinj me ju?

Dade: Kur kemi qenë në qeveri kishim këshilltarë me integritet dhe i mernim në konsiderata atë çfarë na konsideronin. Edhe shumë gjëra ka ndryshuar dhe kjo mund të jetë një regres.

Ndërsa politikani i njohur Neritan Ceka sa i pëket politkës në Shqipëri theksoi se ka dy periudha në zhvillimet politike ajo e idealizmit dhe periudha profesionale ku partitë bëhen institucione. Ndërsa theksoi se të dy fazat kanë qenë të deformuara dhe se ka një rënie të kualitetit.

“Duhet ta pranojmë progresin. Jemi në një tren i cili ecën. Lëvizjet e mëdha, iniciativa private ka luajtur rol të jashtëzakonshëm ku pa të shteti nuk do të bëntë asgjë. Sot e duan më pak pupullin dhe populli i don më pak”, tha Ceka.

Paskal Milo: Funksionimi i brendshëm i partive politike në fillim të viteve ‘90 ka qenë i mirë në krahasim me sot. Një nga asryet kryesore pse kemi rënie të demokracisë së brendshme janë ndryshimet Kushtetuese dhe i Kodit Zgjedhor i cili vuri bazën ligjore të autoritarizmit.

Cilat janë vitet që besoni se Shqipëria filloi të ecte mirë?

Milo: Në vitet ‘92 deri në ’94 ishin vitet ku kishte më shumë pasion, kishte një qasje intelektuale dhe një debat të nivelit politik. Ndërsa ‘97 deri në vitin 2001 janë vite shumë të vështira të politikës shqiptare, kishte një thyerje e cila reflektoi në jetën politike. /abcnews.al

milo.jpg
in a18:05 | 20/12/2019

Ish-ministri i Jashtëm, Paskal Milo për “ABC News” shprehet se Mini-Shengeni është një iniciativë gjysmake pa Kosovën. Pikëpyetja më e madhe sipas tij për këtë iniciativë, është ideatori. Ai flet për raporte jo të mira mes qeverisë shqiptare dhe asaj të Kosovës.

“Mungesa e Kosovës dhe dy vendeve të tjera e bën procesin gjysmak. Nisma të tilla duhet të kenë një para përgatitje serioze”, u shpreh Milo.

Kjo iniciativë, sipas Milos ngre ende pikëpyetje, edhe pse janë zhvilluar dy takime deri më tani.

“Për nga mënyra se si organizohet dhe nga nxitimi se si po bëhet më ngjall dyshime. Kush është sponsorizuesi i një nisme të tillë që vetë BE është interesuar që ta mbajë Ballkanin Perëndimor si një rajon në kohezion të plotë në proces” theksoi Milo.

Ka ide që mini-shengeni të jetë presion ndaj BE, gjë që sipas ish-ministrit të Jashtëm nuk i vlejnë Shqipërisë.

“Nuk është politikë e mençur që një vend i vogël si Shqipëria të kërcënojë Bashkimin Evropian”, tha Milo.

Sa i përket raporteve mes qeverisë së Shqipërisë dhe Kosovës, Milo i sheh të përkeqësuara, ndërsa takimet e përbashkëta që janë zhvilluar kur kryeministër ishte Ramush Haradinaj i vlerëson si show.

“Është një show politik dhe nuk kanë pasur objektiva konkretë”, theksoi ai.

Minis-shengeni është refuzuar nga Kosova pasi Serbia refuzon ta njohë dhe nuk mund të ketë bashkëpunim rajonal. Dy takimet e përhershme, në Novi Sad dhe Ohër janë takuar vetëm kryeministri Rama, presidenti  Aleksandër Vuçiç, kryeministrit të Maqedonisë së Veriut Zoran Zaev./abcnews.al

MBULIM-CMIMET-E-AKADEMISE-SE-SHKENCAVE.mpg_snapshot_00.21-1280x720.jpg
ent ela15:00 | 15/11/2019

Juria ndërkombëtare përzgjodhi si fitues të veprës shkencore më cilësore për autorë vendas, historianin Paskal Milo me veprën “Shqipëria  në luftën e dytë botërore (1939-1943).

Autori i huaj fitues i konkursit për 75 -vjetorin e çlirimit të Shqipërisë u shpall Roderick Bailey për veprën “Lufta e fshehtë në Shqipëri, një histori e misioneve sekrete britanike 1940-45”.

Ndërkohë, juria  gjykoi që për veprën shkencore më cilësore për antifashizmin në Shqipëri nga studiuesit e rinj të mos jepte çmim, për shkak se veprat nuk ishin në nivelin e duhur shkencor. /abcnews.al

 

mirela-paskali-1280x676.jpg
nev ila21:17 | 29/10/2019

I ftuar në Mbrëmje Abc me gazetaren Mirela Milori ka qenë kryetari i PSD, historiani dhe ish-Ministri i Jashtëm Paskal Milo. Në bisedën e zhvilluar në studio me gazetaren Mirela Milori, Milo tha se Yuri Kim, e nominuara për ambasadore në Shqipëri, do të ishte një ambasadorë e vazhdimësisë dhe se nuk kishte elemente të reja në deklaratat e saj ditën e sotme përpara komisionit për politikën e jashtme në senatin amerikan. Milo gjithashtu foli edhe për mos hapjen e negociatave të Shqipërisë me BE, ku sipas tij përgjegjësia bie edhe mbi qeverinë shqiptare pasi nuk arriti të menaxhojë si duhet procesin e reformave.

Pjesë nga biseda në studio:

Mirela Milori: Duket se Yuri Kim e njihte mirë situatën në Shqipëri pasi theksoi se do të inkurajojë Shqipërinë në zbatimin e reformave, si e shihni kandidaturën e saj?

Paskal Milo: Nuk është se pashë elemente të reja në ato që tha. Gjithsesi aty u tha se ajo do të punojë që në Shqipëri të arrijë në 2 % shuma e shpenzimeve ushtarake të Shqipërisë ashtu sikurse foli edhe për investimet amerikane, pra për të krijuar një terren të përshtatshëm për këto investime, e cila mendoj se do ishte një risi, në rast se vërtetë do të kishim hapësira më të mëdha, dhe mundësi më të mëdha, që të vijnë investitorë amerikanë të investojnë në ekonominë shqiptare, këtë do të quaja një element të ri dhe të suksesshëm të saj në rast se do e realizonte. Mendoj se Yuri Kim do të jetë një ambasadore e vazhdimësisë dhe jo reformatore por gjithsesi mbetet për tu parë në vazhdim.

Ndërsa në lidhje me mos hapjen e negociatave Milo tha se qeveria mban përgjegjësi për procesin e reformave por edhe problematika e brendshme e BE ishte pengesë.

Mirela Milori: Moshapja e negociatave, si e shihni këtë situatë?

Paskal Milo: Unë e shoh jo aq shume me emocione sa po shihet në Shqipëri, që në fakt ushqehet nga të dy kampet politike. Çdo qeveri, aq më shumë qeveria aktuale shqiptare, ka përgjegjësi për mënyrën se si e menaxhoi procesin e reformave për integrimin. Do të ishte naive në rast se do të ekskludohej përfundimisht përgjegjësia e Shqipërisë por patjetër që kriza e brendshme e BE dhe vizioni që ka Macron, për një reformim të brendshëm të BE, patjetër që ka qenë një pengesë, dhe kjo penalizoi më shumë Maqedoninë e Veriut, për të cilën nuk pati aq ankesë sa pati për Shqipërinë. /abcnews.al

paskal-milo-1-1280x616.jpg
nev ila20:37 | 29/10/2019

I ftuar në Mbrëmje Abc me gazetaren Mirela Milori ka qenë kryetari i PSD, historiani dhe ish-Ministri i Jashtëm Paskal Milo. Në bisedën e zhvilluar në studio me gazetaren Mirela Milori, Milo u shpreh se takimi i kryeministrit Rama me atë grek Mitsotakis, ditën e sotme, është hap i parë që dy kryeministrat të ulen dhe të vazhdojnë të zgjidhin problematikat mes dy  vendeve.

Si fillim janë diskutuar çështjet që janë më pak problematike, theksoi Milo, si hap i parë për të kaluar në çështjet më sensitive siç është ajo e paktit detar. Sipas Milos problemi më i mprehtë, ku dy vendet mund të kenë probleme, është çështja e vetdeklarimit, pasi terreni shqiptar është i komplikuar për shumë shkaqe.

Nga informacionet që kam marrë, dy kryeministrat japin të kuptojnë që takimi ka qenë pozitiv në kuptimin, që të dy janë ulur dhe kanë filluar të bisedojnë mes tyre. Është rënë dakord për të filluar angazhimin me problemet më pak delikate, duke kaluar më pas, mendoj në çështje më delikate për të dy vendet. Problemi më i mprehtë për mua është çështja e vetdeklarimit, ku do të bëhet dhe një census. Mendoj që nuk do jetë problem i lehtë për tu zgjidhur për shkak të komplikacionit në terrenin shqiptar. Ndërsa për çështje më sensitive siç është pakti detar, mbetet për tu parë në vazhdim pasi të përgatitet terreni. Pra mendoj që dy kryeministrat po përgatisin terrenin për zgjidhjen e problemeve mes dy vendeve”, tha Milo. /abcnews.al

paskal-milo.jpg
ad min22:47 | 15/10/2019

Historiani Paskal Milo ishte i ftuar këtë të martë në emisionin “Provokacija” të gazetarit Mustafa Nano. Pasi u pyet nga moderatori, Milo shpjegoi diferencën mes shkrimit dhe rishkrimit të historisë.

Paskal Milo: Ka një diferencë të madhe rikonceptuale që duhet bërë dallimi. Diferenca është kjo. Historia si ngjarje dhe si fenomen ndodh vetëm një herë, në një kohë të caktuar, në një vend të caktuar në një rajon të caktuar. Ky është koncepti i të bërit të historisë, ngjarja ka ndodhur vetëm njëherë.

Mustafa Nano: Ka njerëz që e shohin ndryshe?

Paskal Milo: Kjo është rishkruarje e historisë. Mund ta rishkruash, është e drejtë e historiografisë që ta rishkruajë herë pas herë. Breza historianësh e shikojnë një ngjarje historike të ndodhur në këndvështrime të reja. Në përputhje me kohën, me të rejat dokumentare që mund të dalin. Një ngjaje historike nuk kapet në një këndvështrim të caktuar. Ka këndvështrim politik, këndvështrim ekonomik, ka këndvështrim kulturor, ushtarak etj.

Sipas Milos, edhe historiografia shqiptare e periudhës së komunizmit ka merita të mëdha. Edhe pse ndonjëherë kalohet në ekstrem, Milo tha se deri deri në vitin 1944 nuk kishim veçse disa studime fillestare. Kishim institut të studimeve shqiptare./abcnews.al

paskal-milo-1.jpg
ad min21:18 | 27/05/2019

Sipas ish-ministrit të Jashtëm, Paskal Milo, duhet që palët politike të veprojnë në emër të interesit kombëtar për t’i hapur rrugën zgjidhjes së krizës në vend. I ftuar në emisionin “Byro Politike” nga Juli Xhokaxhi, Milo theksoi se Shqipëria duhet t’i japë mesazhin BE-së se e meriton integrimin në BE. Pikërisht ky duhet të jetë shqetësimi i palëve politike sipas tij.

“Unë them që do jetë faktori i jashtëm që do përcaktojë hapjen e negociatave brenda këtij viti. Ajo që do vendosë për hapjen e negociatave do të jetë se si do shkojnë punët në Shqipëri. Ky do jetë shqetësimi i klasës politike shqiptare, si do krijojë kushtet që Shqipëria të stabilizohet politikisht dhe me qëllim që të japë një mesazh që Shqipëria e meriton hapjen e negociatave. Duhet menduar shumë. Duhet vepruar në emër të interesit kombëtar dhe jo në interes politik të çastit të njërës apo tjetrës palë politike. Deri tani unë shikoj të prevalojë interesi kombëtar për t’i hapur rrugë çeljes së negociatave. Nëse kjo nuk ndodh nuk duhet të shpresojmë që do të paraqitemi në sytë e vendeve evropiane si shtet me qëndrueshmëri politike që meriton hapjen e negociatave. Përgjegjësia e klasës politike është t’i thërrasin mendjes në emër të integrimit evropian të Shqipërisë”, tha Milo.

Edhe ish-ambasadori Agim Nesho tha se Bashkimi Evropian nuk mund të pranojë një vend që është në krizë.

Unë dua të dalloj një moment që ne përpiqemi që problemet tona t’i projektojmë jashtë. Atë që do shprehin të huaj ndaj nesh janë ato që duhen korrigjuar në vend. Ky proces do varet shumë nga çfarë bëjmë ne dhe kush është problematika e Shqipërisë sot. Nuk mund të pranohet, duhet të jemi koshientë, një vend që është në krizë nuk mund të pranohet në BE pa parë të gjitha kriteret e tjera. Nuk e kanë të huajt, e kemi ne”, u shpreh Nesho gjatë emisionit “Byro Politike”./abcnews.al

paskal-milo-1280x722.jpg
ad min21:15 | 21/05/2019

Historiani Paskal Milo i ftuar në “Provokacija” është shpreh se asnjëherë nuk është ndikuar nga politika në studimet mbi historinë. Ai është shprehur se nuk ka pasur qasje pozitive ndaj regjimit, madje ishte larguar nga Tiranë si djali i armikut të popullit, pasi ka qenë i persekutuar.

Mustafa Nano: “Ju përveç prezantimit të fakteve keni në dorë edhe interpretimin. Dhe kur vjen puna tek interpretimi historianët edhe mund të dallohen. Ju përmendët  faktin se një numër o caktuar historianësh shqiptarë marrin një vendim të caktuar nën ndikimin e politikës. Ju gjithashtu keni qenë i përfshirë në politikë, nuk ka pasur një lloj konflikti midis disponimit tuaj akademik dhe atij politik?”

Paskal Milo: “Asnjëherë! Ta them me sinqeritetin më të madh.  Nuk kam bërë koncesionin më të vogël përsa i përket ndikimit të politikës në studimet e mia historike. Në mënyrë absolute! E di pse, qoftë edhe për një arsye që t;i mund ta quash banale, unë në periudhën e komunizmit kam qenë i persekutuar në një farë mase, nuk kam qenë në burg. Por unë jam larguar nga Tirana më motivacioni djali i armikut të popullit. Dhe këtë shumë pak njerëz e dinë sepse unë nuk bëj propagandë për këtë punë. Për 8 vite të tëra nuk më është lejuar të shkruaj. Më është ndaluar të shkruaj. E drejta themelore e një intelektuali. Unë nuk kam pas ndonjë qasje pozitive ndaj regjimit. Pas viteve ’90 se unë pas viteve ’90 u futa në politikë si shumë intelektualë të tjerë isha profesor universiteti u ktheva, se 5 vjet shkova në Fier si dënim dhe kur edha kam ardhur me qasjen super të qendërzuar që të merrem me studime historike pa u influencuar nga politika”./abcnews.al

Paskal-Milo-1280x704.jpg
ad min19:51 | 30/04/2019

Ish-ministri i Jashtëm Paskal Milo në studion e emisionit “Mbrëmje Ide” ka komentuar samitin e mbajtur për Ballkanin Perëndimor një ditë më parë në Berlin. Ai është shprehur se procesi i negociatave mes Kosovës dhe Serbisë tashmë është në duart e dy shteteve më të fuqishme të BE-së, Francës dhe Gjermanisë.

“Dy vendet e madha nënvizuar se një marrëveshje e mundshme e madhe mes Kosovës dhe Serbisë, e cila do të eci në shinat e marrëveshjes së vitit 2013 do të vijë. Ata vendosën vijën e kuqen për ndryshimin e kufijve mes Serbisë dhe Kosovës”, tha Milo.

Me tej ai ka komentuar deklaratën e bërë nga Presidenti i Kosovës Hashim Thaçi, i cili është shprehur se kërkon edhe mbështetjen e SHBA-ve, për procesin e negociatave mes Kosovës dhe Serbisë.

“Thaçi do të bënte gabim nëse do të bënte një lojë të tillë të madhe dhe ai nuk ka fuqi të fusë në lojë për të punuar me aktorët e mëdhenj global. Mesazhet që u dhanë në Bruksel janë një mesazh për Thaçnin dhe për gjithë të tjetër. Qoftë Franca dhe Gjermania nuk do e përjashtonin ndihmesën amerikane në proces. Ata thanë se për procesin, do të jenë ata që do vendosin”.

Duke folur për rolin e Mogherinit, ish-ministri u shpreh se u duk qartë se ajo nuk pati forcë që të çonte më tej procesin e negociatave mes Kosovës dhe Serbisë.

“Ishte një spostim i Mogherinit dhe ishte shumë tepër për të, për të marrë përsipër një proces tepër delikat. Ishte një samiti i lamtumirës i largimit të Mogherinit nga posti që i është dhënë në Komision Evropian”.

Ai ka komentuar edhe qëndrimin e Haradinajt gjatë samitit të Berlinit.

“Qasja e Haradinajt e ka rritur staturën e tij si politikan në Kosovë. Qëndrim i tij i shërbeu Kosovës më tepër se diskutimet në ajër që u bënë për ndryshimin e kufijve. Nga një Korriku, ku dy palët duhet të futen në rrjedhën e famshme të negociatave duke leshur Kosova nga ana e saj taksën por edhe Serbia, se po shoh mesazhe se do shkojë drejt një marrëveshje për njohjen e Kosovës. Kjo do të jetë pista që do kenë edhe dy vendet e madha evropiane për arritjen e marrëveshjes mes Kosovës dhe Serbisë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono