Mitsotakis
ent ela15:39 | 26/11/2019
Kryeministri grek, Kyriakos Mitsotakis shprehu urimin që të lëvizet shpejt dhe të shpëtohen jetë njerëzish. Ndërkohë, ministri i jashtëm grek Nikos Dendias do të vizitojë Shqipërinë për të parë në vend pasojat e tërmetit.
Kryeministri grek, Kyriakos Mitsotakis ka përcjellë skuadrën e ekipit të shpëtimit që u nis për në Shqipëri.
“Ndodhi një tërmet i madh, është shumë e rëndësishme që të jemi kurdoiherë në gatishmëri dhe të ndihmojmë kudo që të nevojitet. Uroj të lëvizim shpejt dhe të shpëtojmë jetë njerëzish. Jemi shumë krenarë që kemi mundësinë të ndihmojmë vendin fqinj. Rrugë të mbarë dhe energji”, tha Mitsotakis në aeroportin ushtarak të Elefsinës pranë Athinës.
Që nga orët e para të mëngjesit, mediat greke e kanë trajtuar si lajm të parë tërmetin në Shqipëri.
Edhe gjatë ditës kanë vazhduar me mbulimin e gjithë zhvillimeve, duke iu referuar kryesisht agjencive ndërkombëtare të lajmeve.
Ministri i jashtëm grek Nikos Dendias do të vizitojë Shqipërinë për të parë në vend pasojat e tërmetit. “Me urdhër të kryeministrit Greqia do të ofrojë menjëherë ndihmë konkrete ndaj Shqipërisë në përballimin e pasojave të tërmetit që goditi vendin”, njofton Dendias me një mesazh në Tëitter. “Komunikova me ministrin e mbrojtjes së qytetarit, Mihalis Hrysohoidis, ndërsa për të njëjtën arsye do të shkoj urgjentisht në Tiranë, në vazhdim të vizitës time në Shkup”, vazhdon ministri i jashtëm grek. Mëngjesin e të martës, Dendias është nisur për në Shkup ku do të realizojë një vizitë zyrtare.
Ndërkohë, zyra e kryeministrit grek, Kyriakos Mitsotakis ka dalë një njoftim për shtyp lidhur me bisedën telefonike që shefi i qeverisë greke zhvilloi me kryeministrin Rama.
“Kryeministri Kyriakos Mitsotakis ka komunikuar në telefon me homologun e tij shqiptar Edi Rama, për t’i shprehur mbështetjen pas tërmetit të fuqishëm që goditi vendin fqinj.
Në të njëjtën kohë, zoti Mitsotakis urdhëroi që të niset menjëherë për në Shqipëri një skuadër e trajtimit të fatkeqësive natyrore (EMAK), me qëllim që të ndihmojnë në operacionet e shpëtimit. Gjithashtu i theksoi kryeministrit Rama se Greqia është e gatshme të ndihmojë me çdo mënyrë që do t’i kërkohet”, përfundon njoftimi nga zyra e kryeministrit grek. /abcnews.al
ent ela17:37 | 07/11/2019
Kryeministrat e Greqisë dhe të Maqedonisë së Veriut, Kirjakos Micotakis dhe Zoran Zaev, do të takohen të enjten në Selanik, gjatë samitit të Selanikut i cili mbahet më 14 dhe 15 nëntor.
Takimi është konfirmuar zyrtarisht nga kabineti i kryeministrit grek. Kryeministri grek do të takohet edhe me kolegun e tij bullgar Bojko Borisov.
Ky do të jetë takimi i dytë i kryeministrit maqedonas me atë të Greqisë, pasi u takuan për herë të parë në shtator në Nju-Jork, në kuadër të Asamblesë së Përgjithshme të Kombeve të Bashkuara. /abcnews.al
nev ila20:36 | 29/10/2019
U desh të kalojnë rreth 4 orë që të zbardhet takimi i kryeministrit Rama me homologun grek.
Zyra e shtypit në selinë qeveritare bëri me dije se dy kryeministrat diskutuan të gjitha cështjet e përbashkëta.
Kreu i qeverisë shqiptare theksoi se pavarësisht vendimit të këshillit të Bashkimit Evropian, Shqipëria do të vazhdojë zbatimin e reformave.
Në të njëjtën kohë është në interesin e vendit tonë po aq sa në atë të Greqisë fqinje që të forcohet bashkëpunimi mes të dyja palëve..
Po sipas zyrës së shtypit të kryemiistrisë, Kriakos Micotakis theksoi se Greqia mbështet perspektivën evropiane të vendeve të Ballkanit Perëndimor, për sa kohë këto vende përmbushën të gjitha kërkesat për anëtarësim.
Në tavolinë dy homologët kanë vendosur edhe cështjen që shqetëson minoritetin grek në Shqipëri, atë të pronave dhe të vetdeklarimit/censusit për të cilat kryeministrit Micotakis ka parë angazhim tek qeveria shqiptare për ti vënë në rrugën e zgjidhjes.
Vec kësaj kryeministri grek nënvizoi se marrëveshja dypalëshë për njohjen e ndërsjelltë të patentave do të kalojë së shpejti për miratim në parlamentin grek.
Zyra e shtypit e kryeministrisë nuk ka dhënë asnjë informacion se cfarë u diskutua për kufijtë detarë ndonëse është një ndër temat më të mprehta për të dy vendet fqinjë. Por ë sigurtë është se kreu i qeverisë greke ka pranuar ftesën e homologut të tij shqiptar për të vizituar Shqipërinë në një të ardhme të afërt./abcnews.al
ent ela09:01 | 29/10/2019
Kryeministri Edi Rama do të zhvillojë sot një vizitë jo zyrtare në Greqi, në të cilën do të ketë edhe një takim me homologun e tij Qiriakos Micotaqis. Që pas ardhjes në pushtet të Konservatorëve në Greqi, ky është takimi i dytë mes dy kryeministrave, pas atij të zhvilluar rreth një muaj më parë në Neë York, ku Rama dhe Micotaqis ishin në kuadër të Asamblesë së Përgjithshme të OKB-së.
Shefi i qeverisë shqiptare do të pritet sot në orën 13:30 në selinë e kryeministrisë greke nga homologu i tij Micotaqis.
Takimi i dy kryeministrave besohet se do të fokusohet në çështjet për të cilat Tirana dhe Athina kanë nisur bisedime prej më shumë se 3 vitesh, por nuk kanë konkluduar ende një marrëveshje. Të tilla janë kufiri detar, të drejtat e minoritetit grek në Shqipëri dhe të emigrantëve tanë në Greqi si dhe mbështetja e fqinjit tonë jugor për Shqipërinë në rrugën e negociatave.
Po sot në Greqi kryeministri shqiptar Edi Rama do të marrë pjesë edhe në një samit të BE me Ligen Arabe, ku është parashikuar të mbaje dhe një fjalim. /abcnews.al
nev ila09:27 | 23/10/2019
Kryeministri i greqisë Kyriakos Mitsotakis është shprehur më në fund për qëndrimin e Greqisë në lidhje me hapjen e negociatave me Shqipërinë dhe Maqedoninë e Veriut. Mitsotakis është shprehur se Greqia do të monitorojë nga afër detyrimet e fqinjve. Ndërsa për Shqipërinë Mitsotakis u shpreh se si parakusht për Shqipërinë, është respektimi i pakicës greke.
“Greqia është në favor të rrugës evropiane të Ballkanit Perëndimor, jo vetëm sepse ajo e shndërron perspektivën në një faktor të stabilitetin në rajon“, tha Mitsotakis gjatë një darke zyrtare.
“Akoma besoj se Marrëveshja e Prespës ishte një marrëveshje negative për vendin tonë, por nuk do ta fyej stemën dhe as nuk do ta ekspozoj vendin në aventura,” tha ai.
“Greqia është në favor të rrugës evropiane të Ballkanit Perëndimor, jo vetëm sepse ajo shndërron perspektivën në një faktor stabiliteti në rajon, por edhe sepse është një levë demokratike për modernizimin e nevojshëm të fqinjëve tanë dhe për zgjidhjen e çështjeve tona bilaterale“, deklaroi ai.
Lidhur me Shqipërinë, ai ngriti çështjen e respektit për pakicën Greke dhe të drejtat e saj, duke thënë:
“Si me të gjithë, me Shqipërinë, ne kërkojmë marrëdhënie të mira fqinjësore. Sidoqoftë, parakushti për përparimin e përbashkët për të ardhur në një pikë për rrugën evropiane të Shqipërisë është respektimi i pakicës Greke dhe të drejtat e saj “, deklaroi kryeministri grek./abcnews.al
ent ela19:30 | 24/09/2019
Kryeministri grek Qirjakos Micotaqis, në takimin e parë me homologun Zoran Zaev në kuadër të punimeve të Asamblesë së Përgjithshme të OKB-së, ka deklaruar se po të kishte qenë më parë në pushtet nuk do ta kishte firmosur marrëveshjen e Prespës. Micotaqis i tha kryeministrit të Maqedonisë së Veriut se, si lider i opozitës kishte bërë gjithçka që marrëveshja në fjalë të mos ratifikohej. “Por pas ratifikimit kjo marrëveshje është pjesë e ligjit ndërkombëtar, ndaj dhe Greqia duhet ta respektojë”, deklaroi Micotaqis. Më tej kryeministri grek i kërkoi Zaev që të vijojë pa u vonuar me implementimin e aspekteve të marrëveshjes, kryesisht me ato që kanë të bëjnë me mbrojtjen e shenjave dalluese. Nga ana e tij, Zaev shprehu dëshirën që edhe Greqia të implementojë pjesën e saj të marrëveshjes dhe të mos pengojë kursin europian të Maqedonisë së Veriut. Ai shtoi se implementimi i marrëveshjes do të ndihmojë në rritjen e investimeve greke në vendin e tij, por Micotaqis u përgjigj duke thënë se mungesa e një marrëveshjeje në të kaluarën nuk i ka penguar investimet helene në Shkup. /ABC news Albania 24/7
ad min12:06 | 24/09/2019
Greqia nuk do të ndryshojë qëndrimin e saj për sa i përket pavarësisë së Kosovës. Është ky premtimi që kryeministri i Greqisë, Mitsotakis, i bëri presidentit serb Vuçiç gjatë takimit në Nju Jork, në kuadër të Asamblesë së Përgjithshme të OKB-së.
Presidenti i Serbisë Aleksandër Vuçiç është takuar në Nju Jork me kryeministrin grek Mitsotakis. Ky i fundit i premtoi kreut të shtetit serb se Greqia nuk do të ndryshojë qëndrim për sa i përket pavarësisë së Kosovës.
Vuçiç dhe Mitsotakis biseduan për marrëdhëniet dypalëshe, situatën në rajon si dhe për rrugën europiane të Europës.
Ndërkohë më parë ambasadori serb në Kombet e Bashkuara, Vladislav Jovanoviç, u shpreh se asambleja e përgjithshme do t’i shërbente Beogradit për të diskutuar rreth çështjes së Kosovës. Pavarësisht se tema kryesore mbetet ajo e ndryshimeve klimaterike.
Ai theksoi se ky vit është shumë i rëndësishëm për Serbinë pikërisht për shkak të çështjes së Kosovës dhe dialogut të bllokuar mes palëve.
Jovanoviç, u shpreh për mediat serbe se mbështetësit e të ashtuquajturës pavarësi të Kosovës, ose vendet perëndimore do ushtrojnë presion ndaj presidentit serb Vuçiç në përpjekje për të zhbllokuar situatën. Për këtë arsye sipas tij, Vuçiç kishte të drejtë kur tha se në Nju Jork e prisnin bisedime të vështira./ABC News Albania 24/7
ent ela23:15 | 23/09/2019
Fjalimin e tij në samitin e OKB-së mbi ndryshimet e klimës, kryeministri grek Qirjakos Micotaqis e ka hapur duke kujtuar tragjedinë e vitit të kaluar në rajonin e Matit, ku si pasojë e zjarreve humbën jetën mbi 100 persona. Duke ia atribuuar fuqinë vrastare të zjarrit kushteve të motit të nxehtë dhe erërave të forta, Micotaqis ka deklaruar se eventet që kanë të bëjnë me motin janë pasojë direkte e ndryshimeve të klimës. “Ky nuk është një problem që mund ta shtyjmë për dekada. Ai duhet zgjidhur këtu dhe menjëherë pasi efektet e tij po prekin edhe jetët e atyre që deri dje nuk ishin shumë të interesuar për subjektin”, ka thënë Micotaqis. Ai ka nënizuar se përsa kohë që nuk zgjidhen, ndryshimet e klimës do të shërbejnë si pengesë për zhvillimin ekonomik dhe mirëqënien e popullit grek, sikurse kanë ndikuar deri tani tek disa sektorë kyç si agrikultura dhe turizmi. Miotaqis ka shtuar më tej se, Athina mbetet e angazhuar për zbatimin e marrëveshjes së Parisit dhe axhendën e OKB-së për vitin 2030, si dhe mbështet vizionin strategjik afatgjatë për një ekonomi europiane që nuk do të ketë barrë klimën deri në vitin 2050. /ABC news Albania 24/7
nev ila13:49 | 30/08/2019
Kryeministri grek Micotaqis është takuar në Berlin me kancelaren gjermane Anxhela Merkel. Dy liderët politik kanë diskutuar për thellimin e bashkëpunimit ekonomik mes dy vendeve, si dhe per cëshjen e emigracionit të paligjshëm në Bashkimin Europian.
“Gjermania dhe Greqia dëshirojnë të bashkëpunojnë më shumë në të ardhmen në fushat e energjisë dhe të klimës”.
Ka qenë kjo deklarata e kancelares gjermane Merkel gjatë vizitës së parë në Berlin të kryeministrit grek Micotaqis.
Gjatë takimit u diskutua për çështje ekonomie dhe europiane po dhe për sa i përket emigracionit.
Kancelarja Merkel lavdëroi marrëdhëniet mes dy vendeve, të cilat sipas saj janë të mira por mund të përmirësohen dhe më shumë.
Merkel mirëpriti reformat ekonomike të prezantuara nga kryeministri grek, të cilat përfshinin privatizimin por dhe lehtësimin për investime të mundshme të kompanive gjermane në Greqi.
Sipas saj plani i reformave do të bëjë më të lehtë plotësimin e detyrimeve që Athina ka në kuadër të programeve të fondeve.
Të dy mbështetën marrëveshjen mes Turqisë dhe Bashkimit europian për sa i përket emigracionit me Merkel që u shpreh e kënaqur që qeveria e re greke u zotua për të përmbushur detyrimet.
Sipas saj vetëm në këtë mënyrë refugjatët mund të rikthehen në vendet e tyre të origjinës dhe mund ti jepet fund emigracionit të paligjshëm.
Në fushën e politikave europiane, Micotaqiss dhe Merkel shkëmbyen këndvështrimet e tyre për sa i përket zgjerimit të Bashkimit Europian. Sidomos për sa i përket hapjes së negociatave për anëtarësim për Serbinë dhe Malin e ZI, si dhe në një të ardhme për Maqedoninë e Veriut dhe Shqipërinë./ABC News Albania 24/7
ad min09:47 | 29/08/2019
Suksesi i parë i Kyriakos Mitsotakisit ishte fitorja në zgjedhje në korrrik dhe marrja e pushtetit me shumicë absolute, që është hera e parë me kët rezultat që pas shpërthimit të krizës së borxheve në vitin 2009. Në javët e para në pushtet kryeministri i ri konservator ka arritur të dëshmojë prezencë. Por a kanë mbetur dyshimet ndaj bankave greke? Mitsotakis pohon se klientët nuk kanë nevojë të tërheqin paratë e tyre nga bankat me 1 shtator. Ndërkohë që Mitsotakis ka ndërprerë pushimet dhe ka shkuar tek zjarret në male për t’u njohur me gjendjen në vendngjarje.
Kryeministri i ri ka premtuar në radhë të parë se do të kontrollojë qarkullimin e kapitalit në banka. Me 2015 qeveria e mëparshme e kryeministrit majtist Alexis Tsipras ka futur kufizime në tërheqjen e parave, për të mbrojtur bankat vendase nga kapitali i jashtëm. Masat janë zbutur ndërkohë dhe në fillim të vitit 2019 ministri i Financave Eucleid Tsakalotos premtoi mundësinë e heqjes së plotë të kontrollit. Tani Tsakalotos mendon se veprimi i Mitsotakisit është i drejtë, por vetëm hapi i fundit që ka të bëjë me planet financiare. Zëdhënsi i Ministrisë së Financave reagoi menjëherë me fjalët se majtistët nuk duhet të luajnë rolin e shpëtimtarit. “Të dyja palët kanë nga pak të drejtë”, thotë për DW, Jorgos Tzogopoulos, publicist dhe docent për marrëdhëniet ndërkombëtare. Ai pranon se qeveria e majtë ka arritur në vitin 2015 të rikthehet në politikën realiste, gjë që ka efekte pozitive edhe sot. Nga ana tjetër, pas fitores së konservatorëve kanë rënë çmimet e bonove të thesarit në nivelin më të ulët, që do të thotë se tregu i beson konservatorëve.
Çështja e borxheve
Vetëm pak pas nisjes për Berlin, kryeministri i ri mbatjti një konsultim urgjent me ministrat e vet. Më së shumti u bisedua për ligjin e investimeve dhe reformat e përgjithshme. Mitsotakis do të angazhohet për lehtësime në borxhe. Gjatë fushatës ai ka premtuar një rritje ekonomike prej 4% në vit, që do ta lehtësonte edhe pozitën e kursimeve të përcaktuara. E vërtetë? “Nuk e besoj se partnerët evropianë do t’i përgjigjen pozitivisht qeverisë greke”, thotë ekonomisti Kostas Stoupas, në bisedë me DW. Mitsotakis dëshiron që me reforma të mundësojë uljen e kursimeve në dy vitet e ardhshme. Ministri i Financave Christos Staikouras deklaroi të mërkurën (28.8.) për gazetën Handelsblatt: „Kjo qeveri i ka pranuar detyrimet që ka marrë vendi ynë. Premtimet do të realizohen”.
Megjithë kursimet e rrepta, Mitsotakis pretendon rritjen e konsumit. Ai ka përgatitur edhe reforma të caktuara në këtë drejtim, që parashikojnë uljen e dukshme të tatimeve për personat që nuk fitojnë shumë. Duket se financimi është i mundur, sepse qeveria e mëparshme ka lënë në arka një rezervë prej 35 miliardë euro.
Paralajmërimet e SYRIZA
Por në një pikë, partia e majtë SYRIZA nuk i kursen kritikat: Mitsotakis prezantohet me dëshirë si një politikan i Law-and-Order (Ligjit dhe rendit). Këtë e kanë dëshmuar policët grekë gjatë një ndërhyrje në qendër të Athinës kundër aotonomëve Exarcheia. Gjatë këtij aksioni u kontrolluan familje të tëra që kanë jetuar atje. „Aksioni kundër fëmijëve me forca të blinduara policore është turp për demokracinë”, thotë një zëdhënës i SYRIZA.
Tsipras tërheq vëmendjen ndaj aksioneve të të djathtëve në vend. Ai pohon madje, se Mitsotakisi është në nivel të njëjtë me ekstremistët e djathtë në Greqi. Këtë e dëshmon edhe fakti se një person si Makis Voridis, themelues i dikurshëm i grupeve nacionaliste, tani është ndër njerëzit e tij. Eksperti Tzogopoulos pohon, se kryeministri i ri angazhohet për më shumë siguri, por kjo nuk do të thotë se ai ndjek një politikë të ekstremizmit të djathtë. Këtë e provon, sipas tij, vizita e ministrit të Bujqësisë Voridis Reue në muzeun hebre, ku ai ka kërkuar falje për deklarimet e tij të mëparshme antisemitiste./DW
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
