kukesi

kukesi-feston-golin.jpg
Veronik Istrefaj11:57 | 06/03/2020

Orges Shehi debutoi me barazim 0-0 kundër Vllaznisë në krye të Kukësit, duke marrë vetëm 1 pikë në shtëpi dhe duke humbur disi kontaktin me Tiranën kryesuese. Në takimin kundër Vllaznisë, Kukësi luajti pa kapitenin Musolli, si dhe pa mesfushorin Eduart Rroca, që kishte plotësuar numrin e kartonëve.

Mungesë tjetër ishte edhe Et’hemi, gjithashtu me kartonë. Ky i fundit dhe Rroca do të rikthehen për sfidën kundër Skënderbeut, por mungon mbrojtësi Teqja, i cili duhet të shlyejë pezullimin për shkak kartonësh.

Musolli dihej si mungesë, ndërsa kundër Vllaznisë, u dëmtua dhe sulmuesi kryesor, Vasil Shkurtaj. Bomberi i verilindorëve pësoi dëmtim në gju dhe në kavilje, ndërsa rikuperimi i tij, kërkon të paktën një muaj./abcnews.al

Tirana-Kukesi-Perballe.jpg
Veronik Istrefaj10:17 | 06/03/2020

Batutat, debatet dhe analizat taktike ishin të shumta në emisionin Pressing mbrëmë, në ABC News. Emra si Starova dhe Canaj analizuan Kategorinë Superiore, me këtë të fundit që bëri një batutë për Tiranën, si dhe tregoi problemin më të madh që ka Kukësi këtë sezon.

KUKËSI – “Kukësi ka një problem psikologjik. Është një nga skuadrat që ka kaluar më shpejt çdo lloj krize. Objektivi i tyre është që çdo gjë duhet marrë me patjetër. Dot ë thosha që, sepse e kam drejtuar edhe Vllazninë, gjithmonë Vllaznia i ka marrë pikë jashtë Kukësit, ndërsa Kukësi ka fituar në Shkodër. Kukësi ka një psikologji të njëjtë, si brenda dhe jashtë fushe. E shoh pozitive për Kukësin ndeshjen në Korçë.

TIRANA – “Presidenti tha pas barazimit me Skënderbeun që trajneri bëri dy ndërrime të gabuara. Presidentët në Shqipëri flasin shpejt. Egbo është një tip njerëzor. Edhe kur ka qenë trajner portierësh e kanë dashur shumë. Egbo është një tip që pyet dhe i mbyll gojën edhe atij që flet kundër. Tirana është një familje që, gjithmonë, merret edhe me komshiun. Tani po merret me vete”, deklaroi Canaj./abcnews.al

 

Agim Canaj në Pressing
shkurtaj-1280x853.jpg
Vladimir Prenga10:58 | 05/03/2020

Kukësi u ndal në barazim pa gola dje në sfidën me Vllazninë. Trajneri Orges Shehi nuk kishte në dispozicion tre titullarë. Dy prej tyre do të jenë të gatshëm për ndeshjen në Korçë me Skënderbeun, kurs kapiteni Besar Musolli mbetet ende në dyshim pas asaj përplasjeje në sfidën me Teutën.

Shehi në këtë përballje do të mund të llogarisë Eduart Rrocën dhe Valon Ethemin, të cilët e kanë shlyer pezullimin prej kartonëve të verdhë. Mungesë e sigurt është Olsi Teqja, i cili u ndëshkua me të verdhë dje dhe për të ishte i katërti. Kështu stafi teknik duhet të mendojë se kush do të luajë krah Obanor.

SHKURTAJ – Shqetësimi më i madh te Kukësi është sulmuesi Vasil Shkurtaj. Autori i 16 golave këtë sezon mori një goditje në ndeshjen me Vllazninë dhe pritet që të kryejë kontrollet mjekësore për të mësuar shkallën reale të dëmtimit të tij.

Pas takimit të djeshëm Shehi ishte i shqetësuar, madje deklaroi se Shkurtaj mund të mungojë disa javë. Nëse ndodh kështu, për Kukësin do të ishte një lajm i keq. Vlonjati është sulmuesi kryesor i verilindorëve dhe një nga më të mirët në Superiore, çka do të ishte një mungesë e madhe.  /abcnews.al

shehi-e-musolli-1280x854.jpg
Veronik Istrefaj19:22 | 04/03/2020

Trajneri i ri i Kukësit, Orges Shehi, debutoi me një barazim 0-0 në krye të verilindorëve. Pas ndeshjes ndaj Vllaznisë, Shehi foli për Supersport, aty ku u shpreh: “Jemi të mërzitur për sa i përket rezultatit, pasi nuk morëm atë që donim. E dinim shkallën e vështirësisë, kishim dhe probleme gjatë këtyre ditëve. Nga dëshira e madhe për të fituar, ishim disi të zhbalancuar. Kishim mundësinë për të fituar, por nuk realizuam, ky është futbolli nuk kemi çfarë të bëjmë.

Rasti i Shkurtaj? Sigurisht që këto episode, po u shënuan, i japin tjetër dinamikë ndeshjes. Por e thashë pak më parë, janë raste që nuk  i shfrytëzuam dhe nuk kemi çfarë të bëjmë. Është e vërtetë, por unë nuk e theksova dhe nuk doja të bëja qaramanin. E dinim të gjithë sa mungesa kishim. Luajtëm edhe me Abazajn të dëmtuar, me një këmbë. Spostuam Mustën në qendër të mesfushës, alternime. Kjo gjë na shkaktoi dhe probleme, pasi kur të mungon zemra e mesfushës, është e vështirë.

Për sa i përket arbitrit Jorgji, nuk është hera e parë që ai gjykon këto vite. Nuk më shkoi në mendje fare. Sa i përket pyetjes së dytë, diferenca me Tiranën, nga 4 shkoi në 6 pikë. Por nuk duhet të dorëzohemi, na rikthehen disa lojtarë të rëndësishëm. Nuk janë pak, por nuk janë shumë. Kemi ndeshje direkte me rivalët, ka dhe 11 javë. Nuk do të heqim dorë nga titulli. Kam frikë dëmtimin e Shkurtajt, i cili mund të mungojë për shumë javë. Sigurisht që kur mbaron kampionati, për të gjithë bëhen vlerësime. Do të bëhet vlerësim dhe për mua, nëse jam i denjë për të vazhduar dhe sezonin tjetër. Sa të jem këtu, do të jap 200%, dua të kthej mentalitetin te skuadra, pas ie shoh shumë të ngarkuar nga ana psikologjike”, përfundoi Shehi./abcnews.al

 

Orges Shehi pas ndeshjes
Tirana-Kukesi.jpg
Veronik Istrefaj18:51 | 04/03/2020

Janë mbyllur sfidat e dy ekipeve të kreut, Tiranës dhe Kukësit. Ekipi bardheblu ka fituar me rezultatin e pastër 0-2 kundër Flamurtarit. Një autogol nga Vrapi në minutën e 34-ët, zhbllokoi sfidën. Ngoo bën gjithçka mirë dhe arrin të pasojë në qendër, aty ku mbrojtësi i Flamurtarit ishte i pafat dhe e devijoi topin në portën e tij.

Edhe Flamurtari, edhe Tirana, kishin rastet e tyre për të gjetur rrjetën, por nuk ia dolën. Cobbinah shënoi dhe golin e dytë për Tiranën, në sekondat e fundit të sfidës. Ismajgeci del mirë nga e majta dhe pason në qendër për Cobbinah, i cili shënon golin e dytë me të majtën.

Ndërsa në takimin tjetër mes Kukësit dhe Vllaznisë në Elbasan Arena, nuk pati gola. Rastin më të pastër të sfidës e pati sulmuesi kryesor i Kukësit, Vasil Shkurtaj, i cili pak metra larg portës, nuk ia doli të shënojë. Orges Shehi debuton me barazim në krye të Kukësit, por distanca me Tiranën po shtohet.

KATEGORIA SUPERIORE – JAVA 25
E mërkurë, më 4 mars, ora 17:00

Kukësi-Vllaznia 0-0

Flamurtari-Tirana 0-2
Vrapi 34’ (aut.), Cobbinah 90+1′

mensah-skenderbeu.jpg
Vladimir Prenga17:49 | 04/03/2020

Katër përballje në një orë, vetëm dy gola të shënuar. Madje njëri prej tyre autogol. Skënderbeu e ka mbyllur në epërsi pjesën e parë, teksa i falet një goli të shënuar me kokë Alfred Mensah. Korçarët po kalojnë nj moment të mirë.

LEXO EDHE: Rast i çmendur për Brown, fut në sherr lojtarët e Teutës (VIDEO)

Në Vlorë Tirana i është gëzuar një autogoli ë Jurgen Vrapit, që i ka dhënë avantazhin ekipit ku është formuar si lojtar. Sërish Ngoo që e çon topin në zonë dhe mesfushori ndëshkon Shpëtim Moçkën. Në dy takimet e tjera, Kukësi-Vllaznia dhe Partizani-Teuta, nuk ka asnjë gol. /abcnews.al

KATEGORIA SUPERIORE – JAVA 25
E mërkurë, më 4 mars, ora 17:00

Skënderbeu-Luftëtari 1-0
Shënues: Mensah 18’
Kukësi-Vllaznia 0-0
Flamurtari-Tirana 0-1
Shënues: Vrapi 34’ (aut.)
Partizani-Teuta 0-0

Kristal-Abazaj-Kukesi-Superiore.jpg
Vladimir Prenga16:25 | 04/03/2020

Sot në orën 17:00, luhen katër sfidat e mbetura të Superiores. Në Vlorë dhe në Elbasan, zbresin në fushë katër skuadra: Flamurtari pret ekipin e Tiranës, kryesuese të kampionatit. Dy trajnerët, Troisi dhe Egbo, kanë zgjedhur formacionet e tyre titullare, që janë si më poshtë:

FLAMURTARI: Moçka, Gocaj, Qarri, Muçollari, Vrapi, Nebihu, Lucas Ramos, Haruni, Hoxhaj, Indio Oliveira, Ribaj. Trajner: Marcelo Troisi.

TIRANA: Lika, Doka, Muça, Osmani, Hoxhallari, Batha, Sidibe, Cobbinah, Muçi, Halili, Ngoo. Trajner: Emanuel Egbo

Kristal Abazaj ia ka dalë të rikuperohet për ndeshjen me Vllazninë dhe është titullar. Shehi ka bërë disa lëvizje të detyruara, me Kotobellin që luan si mbrojtës i majtë. Musta zhvendoset në qendër të mesfushës, ndërkohë që ka një vend edhe për Lulajn nga fillimi.

KUKËSI: Xhika, Maliki, Teqja, Obanor, Kotobelli, Limaj, Lulaj, Musta, Gavazaj, Abazaj, Shkurtaj. Trajner: Orges Shehi

VLLAZNIA: Efremov, Gligorov, Adili, Malota, Marku, Krymi, Gurishta, Hygor, Lika, Sidorenco, S. Junior. Trajner: Mirsad Jonuz

KUKESI.jpg
Veronik Istrefaj23:04 | 03/03/2020

Periudha e tranzicionit te Kukësi, ka nisur. Shpëtim Duro u largua pas barazimit 2-2 kundër Teutës në fundjavë dhe kreun e pankinës blu, e mori Orges Shehi. Nuk është vetëm ky ndryshimi i vetëm në stafin drejtues, pasi klubi i Kukësit, ka zyrtarizuar dy largime pak minuta më parë. Sero Noka dhe Andi Kulli, nuk do të jenë më pjesë e klubit verilindor.

Njoftimi i Kukësit:

“Sero Noka, që ka mbajtur rolin e zv. trajnerit dhe përgatitësi atletik, Andi Kulli, nuk janë më pjesë e Kukësit! Klubi i falënderon për punën e bërë dhe iu uron suksese në karrierën e tyre!”, ishte njoftimi i klubit verilindor.

Sejdini.jpg
Veronik Istrefaj21:23 | 03/03/2020

KUKESI U NXITUA ME DURON, POR GARA PER TITULL ME TIRANEN VAZHDON. KY, OPINIONI I TRAJNERIT FARUK SEJDINI

Skënder Gega u tregua profesionist që refuzoi kushtin për titullin te Kukësi. Kështu thotë trajneri me përvojë, Faruk Sejdini, në intervistën për Abc News, ndërsa flet edhe për garën për titullin kampion

Një tjetër trajner i larguar, por edhe një fenomen tipik. Presidenti i Kukësit, Safet Gjici, shkarkoi Shpëtim Duron, dhe u përpoq të merrte Skënder Gegën, i cili refuzoi kushtin në kontratë për t’u shpallur kampion me patjetër.

A është një kusht i mirë apo i keq, për këtë mund të flasë me kompetencë një njeri i vjetër i këtij profesioni si Faruk Sejdini, i cili nuk ka dyshime në intervistën për Abc News.

“Unë mendoj se futbolli ka ligjet e veta, pavarësisht se nuk është shkencë ekzakte. Kur futen në garë janë shumë ekipe që kanë pretendime për titullin kampion. Deduksioni logjik thotë që të gjithë këto trajnerë që nuk dalin kampionë, të shkarkohen. Pra mendoj që nuk ka asgjë logjike”.

Si do t’i dalë Kukësit ky ndryshim stoli 12 javë para fundit?

“Në përgjithësi nuk para dalin për mirë lëvizjet. Do thoni ju pse Tiranës i doli për mirë ndryshimi i trajnerit? Egbo vinte nga origjina e vet, nga stoli i Tiranës dhe e dinte mirë se për çfarë kishte nevojë Tirana, çfarë i mungonte Tiranës. Më diçka shumë të vogël e futi në garë Tiranën”.

Tirana, sipas të gjitha gjasave, duhet të quhet favorite për titullin?

“Deri në fund gara për titull do të e hapur. Duhet të pranojmë edhe një fakt, edhe vetë Tirana do të ketë ndonjë moment cedimi. Rivalët do afrohen më shumë dhe gara do bëhet më interesante. Gara do jetë mes Tiranës dhe Kukësit, jo se Partizani ka një ekip të keq, por do njëfarë kohe të dalë nga ky ngërç”.

Dy ekipet e fundit, Luftëtari e Flamurtari, praktikisht kanë rënë nga kategoria.

“Gjithmonë kam dashur që ekipet e fundit të mos përcaktohen shpejt, pasi fundi e prish kampionatin. Megjithatë shoh që deri në këto momente nuk kanë toleruar. Mos të harrojmë që janë 3-4 ekipe që janë për “play out”. Kështu që edhe atje do jetë një garë e ashpër.”/abcnews.al

Orges-Shehi-Konference.jpg
Veronik Istrefaj17:17 | 03/03/2020

Trajneri i ri i Kukësit, Orges Shehi, do të drejtojë ndeshjen e parë në krye të verilindorëve në takimin kundër Vllaznisë, që luhet nesër në Elbasan Arena. Para kësaj sfide, Shehi doli në konferencë për shtyp, aty ku preku disa tema.

VLLAZNIA – “Në këtë fazë të kampionatit është tepër e vështirë, aq më tepër që luajmë ndaj Vllaznisë. Është një skuadër shumë e rrezikshme sidomos jashtë fushe. Ka vlerësimin tonë maksimal, do të bëjmë të pamundurën që të marrim fitoren. Koha është e shkurtër për tu përgatitur, por synojmë fitoren”.

KAMPIONATI – “Ky është kampionati, kam besim të plotë tek ekipi, i kam parë dje. Është një situatë e tillë, që mezi presim të reagojmë. Kemi mungesa me peshë, plot tre lojtarë, bashkë me Abazajn, i cili është në pikëpyetje, mund të bëhen katër. Kjo na vë në vështirësi, por nuk qajmë mungesat, por do të futemi për fitore.

RIVALI – “Çfarëdo situatë të vijë kundërshtari, siç kemi ne objektiva kanë edhe ata. Pas rezultateve negative, do të kërkojnë të marrin fitoren, ndaj nesh do të japin maksimumin për të marrë një rezultat pozitiv.

KRAHASIMI – “Kukësi deri në momentet e fundit i ka fituar ndeshjet, po ta shikojmë gjithë ndeshjen nuk e ka dominuar asnjë skuadër. Kjo i ndodh çdo ekipi dhe besoj se kësaj i ka ardhur fundi. Nuk është momenti të krahasohem me ish-trajnerin Duro. Do të fokusohem më shumë te ana psikologjike, për ti treguar skuadrës që ka elementë cilësorë.

TITULLI – “Kukësi është ndërtuar për të fituar. Nuk është detyrim vetëm i imi, por i gjithë skuadrës, për të bërë më të mirën dhe për të mbërritur te titulli”, përfundoi Orges Shehi.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono