Korea e Veriut

vlcsnap-error756-1280x721.jpg
ad min19:41 | 13/11/2017

Një ushtar i Koresë së Veriut ka dezertuar dhe është arratisur për në Korenë e Jugut. Por gjatë kalimit në zonën e demilitarizuar, ai është plagosur. Mjekimi i tij është bërë në Korenë e Jugut.

Një ushtar i Koresë së Veriut, i vendosur në zonën e demilitarizuar të ruajtur nën masa të rrepta, bëri një veprim të guximshëm gjatë së hënës. Ai dezertoi duke u larguar për në Korenë e Jugut. Por gjatë tentativës u qëllua dy herë në trup. Lajmi është konfirmuar nga ushtria e Seulit, e cila gjeti ushtarin e plagosur në zonën e sigurisë së përbashkët, 25 minuta pasi kishte ndodhur ngjarja. Tashmë ai është mjekuar në një spital ushtarak për plagët e marra.
“Ushtari kaloi nga postoblloku i Koresë së Veriut drejt Shtëpisë Tonë të Lirisë”, shkruhet në një deklaratë të ushtrisë së Koresë së Jugut. Është e paqartë se cilat janë shkaqet që detyruan ushtarin të arratisej për në Jug. Ushtria e Koresë së Jugut tha se ishte i paarmatosur dhe kishte veshur një uniformë luftarake për një ushtar të rangut të ulët.
Forcat e Seulit, të cilat qëndrojnë përballë atyre të Penianit, bënë me dije se nuk ka pasur konflikt të armatosur pas incidentit. Por shprehen se janë në gjendje alarmi për një provokim të mundshëm nga Koreja e Veriut.
Ndërkohë, rreth 30 mijë koreanoveriorë janë arratisur për në Korenë e Jugut që prej mbarimit të luftës Koreane. Sipas një vlerësimi, rreth 1 mijë persona arratisen çdo vit nga regjimi i ashpër i liderit Kim Jong-Un. Por kalimi në zonën e demilitarizuar, është një gjë e rrallë, pasi është shumë e rrezikshme. Kjo zonë është e mbushur me mina, tela me gjemba dhe mbikëqyret me ushtarë që mund të gjuajnë me mitralozë./abcnews.al

cia.jpg
ad min15:00 | 20/10/2017

Sipas CIA, Korea e Veriut është gati për të sulmuar Shtete e Bashkuara të Amerikës brenda pak muajsh. Njëkohësisht alarmi është dhënë dhe për sulme të mundshme xhihadistësh
Brenda pak muajsh Korea e veriut do të jetë në gjendje të sulmojë Shtetet e Bashkuara të Amerikës me një raketë balistike. Alarmi është dhënë nga drejtori i Cia, Majk Pompeo, i cili paralajmëroi Shtëpinë e bardhë dhe nga sulme të mundshme nga ana e shtetit islamik pas humbjeve të pësuara në Raka, në Siri
Disa ditë më parë ambasadori i Penianit në pallatin e qelqtë, kërcënoi publikisht se një luftë bërthamore mund të shpërthejë në cdo moment. Drejtori i Cia, Pompeo, deklaroi se Shtetet e Bashkuara të Amerikës duhet të kenë një qëndrim të caktuar ndaj Koresë së veriut, duke pasur parasysh se Peniani është gati për të sulmuar vendin. Sipas tij nuk ka shumë rëndësi nëse ndodh për pak ditë apo për pak muaj, por duhet sa më shpejt që Kim Jong Un të bllokohet për të mos pasur mundësi të kryejë një sulm të tillë.
Pompeo pranoi se Sekretari amerikan i shtetit Reks Tillerson po punon shumë për një qasje diplomatike ndaj Koresë së Veriut. Një ide që disa muaj më parë u kritikua nga presidenti amerikan Donald Tramp i cili u shpreh se Tillerson po humbet kohë me diplomacinë
Drejtori i CIA dhe këshilltari amerikan për sigurinë e brendshme i kanë kërkuar Kinës që të ushtrojë më shumë presion mbi Penianin


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono