ke
ger ta09:45 | 03/03/2020
Në një lidhje direkte nga Brukseli për “Abc-ja e mëgjesit”, gazetarja Erisa Zykaj sqaroi rekomandimin e Komisionit Europian për Shqipërinë, që u dha ditën e djeshme.
Gazetarja thekson se pavarësisht debateve të brendshme, sipas raportit Shqipëria ka bërë progres. Zykaj po ashtu bën me dije se ka qenë në kontakt me shtetet skeptike për Shqipërinë, si Franca, Danimarka. Sipas gazetares, ky progres raport i ndërmjetëm është më bindës se ai i viti 2019 dhe 2018 për këto shtete.
Ndërkaq, siç thekson gazetarja po shkojmë drejt një vendimi pozitiv. Por ndryshe nga Maqedonia e Veriut që do të marrë një datë zyrtare për hapjen e negociatave, për Shqipërinë nuk do të ketë një të tillë.
Pjesë nga intervista:
Erisa Zykaj: Ky rekomandim i KE konsiderohet si bindës sepse ka tre çështje kryesore: Së pari Reformën në Drejtësi. Bëhet fjalë për shkarkimin e 60% të gjyqtarëve dhe prokurorëve në kuadër të procesit të vettingut. Gjithashtu flitet për SPAK dhe BKH. Ne gjithashtu e dimë që në këtë kontekst Gjykata e Lartë dhe Gjykata Kushtetuese është kyç për hapjen e negociatave të anëtarësimit. Dhe formulimi i KE thotë që ngritja e Gjykatës Kushtetuese përbën një bazë në mënyrë që ajo të jetë funksionale dhe të krijojë besimin e duhur për popullsinë .
Në rekomandim thuhe se: “kujdes dënimet e formës së prerë për zyrtarët e lartë janë të kufizuara”. Ky ishte një nga shqetësimet kryesore të shteteve anëtare në vitin 2018, ku thuhej se nuk ka dënime përfundimtare. Me krimin e organizuar gjithashtu ka bërë progres. Për shkurtin e 2020 thuhet se ka patur aksione kundër drogës që janë bërë në bashkëpunim me shtetet anëtare lidhur me luftën kundër drogës. Deri këtu nuk mund të themi që nuk ka patur progres.
Enkel Demi: Sa do të doja unë që jam këtu që të jetoja cdo ditë te ky progresi i BE. Kështu duket sikur ky vend jo vetëm që ka bërë progres se ne që jemi këtu jo vetëm që ka bërë progres por është një mrekulli…
Erisa Zykaj: Unë e thashë pavarësisht debatit të brendshëm. Këto rezultate konsiderohen progres.
Enkel Demi: E rëndësishme është që Shqipëria ka bërë progres dhe ata kanë bërë një raport që e thekson më shumë se herët e tjera progresin e Shqipërisë.
Erisa Zykaj: I përgjigjet shteteve anëtare për shqetësimet që kanë patur. Përqendrohet te azil kërkuesit që ka patur një ulje nga 17% rreth 20% të azilkërkuesve krahasuar me 2017-ën , pra edhe këtu i përgjigjet Francës. Nëse e shohim me kujdes i përgjigjet shqetësimit të Holandës, Francës, Danimarkës dhe shteteve të tjera anëtare që thonin se nuk ka rezultate konkrete.
Enkel Demi: Ata duan që para samitit të Zagrebit të jepet ky rekomandim, të hapen negociatat. Me këtë raport kaq interesant që ka bërë KE, Franca, Holanda dhe skeptikët e tjerë do të qetësohen?
Erisa Zykaj: Unë të thashë që kam qendruar në kontakt me këto shtete dhe ato thonë se ky rekomandim, ky progres raport i ndërmjetëm është më bindës se ai i viti 2019 dhe 2018. Sepse janë këto instanca që janë ngritur në kuadër të Reformës në Drejtësi, në kuadër të luftës kundër korrupsionit dhe krimit të organizuar. Dhe po shkojmë drejt një vendimi pozitiv.
Enkel Demi: Mrekulli, shumë mirë.
Erisa Zykaj: Nuk mund të themi 100% që ai do jetë i tillë, por në 24 mars do mblidhen ministrat e Jashtëm të BE, do të gjykojnë dhe do të japin vendimin e tyre lidhur me këtë rekomandim dhe nëse ai është pozitiv, në 26 dhe 27 mars kur mbahet samiti i liderëve evropianë do të merret vendimi për hapjen e negociatave me Shqipërinë dhe Maqedoninë e Veriut. Dhe aty do t’i përgjigjem pyetjes tënde që nuk është kaq mrekulli. Është një mrekulli në kuptimin që do merret vendimi, dhe kjo është gjë shumë e madhe sepse kemi pritur 6 vjet që ky vendim të merret. Por pas marrjes së vendimit, hapja e negociatave do të zgjasë për Shqipërinë. David Sassoli e ka thënë hapur që mund të marrë 1 vit deri në 1 vit e gjysmë hapja e negociatave.
Enkel Demi: Kjo pjesë nuk i duhet njeriu në Shqipëri, ne do bëjmë festën, do reklamojmë si fitore deri për një vit gjërat ndodhin…
Erisa Zykaj: Unë kam përshtypjen se vetë kryeiministri Edi Rama duhet të tregohet i kujdesshëm se e di shumë mirë që do të ketë një diferencim të qartë mes Shqipërisë dhe Maqedonisë së Veriut. Nëse ka një vendim pozitiv, atëherë Maqedonia e Veriut merr një datë në Konferencën e parë ndërqeveritare që shënon hapjen zyrtare të negociatave. Ndërkohë që për Shqipërinë nuk dihet se kur do jepet data. Ky është diferencimi kryesor që do bëhet dhe nuk do jetë aq festë sa thua ti.
Enkel Demi: Në Maqedoni ndoshta nuk do jetë, por në Shqipëri do jetë festë. Por e rëndësishme është që do jepet një dritë jeshile.
Erisa Zykaj: Po pritet këtë muaj.
Enkel Demi: Në samit ne shkojmë me negociata të hapura, por pa datë.
Erisa Zykaj: Po pa datë.
/abcnews.al
eri Ida18:54 | 17/02/2020
Presidentja e Komisionit Europian, Ursula von der Leyen në një konferencë të përbashkët me kryeministrin Edi Rama menjëherë pas mbylljes së Konferencës së Donatorëve është shprehur se tashmë objektivi i Konferencës së Donatorëve është tejkaluar.
Ajo theksoi se vetëm nga KE, BE dhe institucionet e këtij komiteti ndërkombëtar, shifra e dhuruar për Shqipërinë shkon në 400 milionë euro, ndërkohë që në total Konferenca e Donatorëve, prodhoi 1.15 miliardë euro ndihmë për rindërtimin e Shqipërisë.
“Kjo mund t’i kishte ndodhur gjithkujt prej nesh, dhe ne i detyrohemi mbijetuesve dhe të dashurve që humbën njerëzit e tyre, për t’i ndihmuar. Sot komiteti ndërkombëtar premtoi ta ndihmojë Shqipërinë në rindërtim dhe në rimëkëmbje, Shqipëria nuk është vetëm, ne do ta shoqërojmë gjatë gjithë fazës së rindërtimit. Shqipëria është mik i BE. Jam shumë e lumtur të them që BE, kanë angazhuar 400 milionë euro, por shifra bëhet edhe më e mirë akoma, sot i kaluam të gjitha pritshmëritë, 1.15 miliardë euro për Shqipërinë, që është një shifër fenomenale që do të plotësojë nevojat”, tha Presidetja e KE-së./abcnews.al
Autor E12:21 | 08/02/2020
Në një intervistë për gazetaren e ABC News, Erisa Zykaj , eurodeputeti David Lega shprehet se mirëpret vendimin e kryeministrit Rama për të shtyrë aprovimin e dy projektligjeve për mediat.
Sipas Legas, ky ishte hapi i duhur, pasi këto dy projektligje nuk kanë lidhje me lajmet e rreme. Nëse mbyllen sitet e internetit tê mediave, apo merren masa të tjera si kjo, edhe pse ligjet mund të shbëhen më vonë, kjo do të shkaktonte dëme të pariparueshme pêr lirinë e medias dhe do cënonte besimin te Shqipëria si njê vend demokratik dhe i lirë.
Erisa Zykaj Abc News: Zoti Lega, edhe pse vetëm prej 6 muajsh në Parlamentin Europian, ju jeni shumë aktiv për çështje të ndjeshme lidhur me lirinë e shprehjes dhe të medias.Komisionit Europian i bëri thirrje qeverisë shqiptare për të ndjekur 14 rekomandimet e Këshillit të Europës lidhur me dy draftligjet për median. Ju dhe partia popullore europiane ishit shumë më të ashpër. Ju folët për rrezikimin e hapjes së negociatave të anëtarësimit.
Eshtë e rëndësishme të thuhet se partia popullore europiane mbështet tërësisht këtë qëndrim. Unë dhe Michael Gahler, që është koordinatori i grupit, hartuam komunikatën e shtypit. Në këtë komunikatë thuhet, se nëse këto draft-ligje kthehen në ligje, kjo do të rrezikojë hapjen e negociatave të anëtarësimit për Shqipërinë.
Liria e shtypit është një liri themelore e Bashkimit Europian dhe një pjesë e rëndësishme e kritereve të Kopenhagës. Natyrisht, nëse këto kriteret nuk respektohen, atëherë kjo rrezikon negociatat e anëtarësimit. Jam shumë i lumtur që Rama tha që do presë dhe do marrë në konsideratë më shumë perspektiva.
Ky ishte një hap vërtet i rëndësishëm. Shpresoj që ai të vazhdojë kështu dhe të dëgjojë shtypin e lirë, shoqërinë civile , por edhe partitë opozitare. Kjo pasi nëse ndërrmerr një hap të tillë ,nevojitet mbështetja e një shumice të qëndrueshme brenda vendit dhe ajo e Bashkimit Europian dhe kjo mbështetje nuk ekziston.
Erisa Zykaj Abc News: Ju gjithashtu jeni shprehur në Twitter, se Shqipëria me këto dy projektligje kompromenton presidencën e OSBE-së. C’doni të thoni me këtë ?
Demokracia, liria e shtypit dhe liria e shprehjes janë vlera themelore dhe nëse ato shkelen, kjo cënon kredibilitetin. Nëse ju i thoni mediave çfarë të shkruajë dhe të mos shkruajë, nuk ka më për liri shtypi. Ky nuk është njê mekanizëm kontrolli.
Çdo vend mund të ketë mekanizmt e kontrollit, por këtu nuk bëhet fjalë për të ndalur lajmet e rreme (fakeneës). Lajmet e rreme janë krejtësisht një çështje tjetër nga dy projektligjet për të cilat bëhet fjalë.
Pra, është shumë e rëndêsishme për marrëdhëniet e ardhshme midis Bashkimit Europian dhe Shqipërisë që të shihn me kujdes këto projektligje, por gjithashtu për reputacionin dhe besueshmërinë e vendit si një vend i lirê dhe demokratik. Ju i keni fituar këto liri jo shumë kohë më parë. Ju s’mund t’i lejoni vetes t’i humbni ato.
Erisa Zykaj Abc News: A jeni në favor të vetërregullimit në fushën e medias, siç parashikohet në rekomandimet e Këshillit të Europës ?
“Kjo është ajo që ne duhet të shohim. Duhet të shqyrtojmë çdo pikë. Të kesh mekanizma kontrollit është një çështje, por mandati i mekanizmit kontrollues ëhstë një çêshtje tjetër, pasi lidhet me pushteti që i jepet këtyre mekanizmave. Nëse përdoren ligje që mund të dëmtojë seriozisht lirinë e shtypit, edhe pse ato mund të shbëhen më vonë, kjo do të krijonte një dëm të pariparueshëm për mediat.
Nëse mbyllen sitet e internetit të mediave dhe merren masa të tjera si kjo, kjo mund të dëmtojë seriozisht lirinë e shtypit dhe besueshmërinë e Shqipërisë.
Ndaj, jam vërtet i kënaqur që Rama e shtyu dhe shpresoj që ai të dëgjojë zërat e tjera, pasi unë dua që Shqipëria të jetë pjesë e Bashkimit Europian. Do jetë e rëndësishme për Europën dhe Shqipërinë, por për këtë ju duhet të ndiqni rregullat dhe liritë themelore lidhur me kriteret e Kopenhagës. /abcnews.al
So Nila16:22 | 05/02/2020
Presidenti Ilir Meta këtë të mërkurë ka reaguar pasi Këshilli i Evropës miratoi udhëzimet ndaj qeverive si të mirëmbajnë ekuilibrat e demokracisë.
Përmes një postimi në rrjetin social Facebook, Meta shkruan se ky është një angazhim të cilin duhet që ta mbështesim të gjithë.
“Një angazhim që duhet mbështetur nga të gjithë që të parandalohet degradimi i standardeve demokratike të qeverisjes dhe shtetit të së drejtës”, shkruan Presidenti.
Një angazhim që duhet mbështetur nga të gjithë që të parandalohet degradimi i standardeve demokratike të qeverisjes dhe shtetit të së drejtës.
Gepostet von Ilir Meta am Mittwoch, 5. Februar 2020
Këshilli i Evropës në takimin e kësaj të mërkure ka miratuar një listë që synon të sigurojë se fituesit e zgjedhjeve mbështesin praktikat demokratike. Kjo është një listë e përpiluar nga Komisioni i Venecias, grupi i ekspertëve i Këshillit të Evropës u jep udhëzime qeverive se si të mbajnë ekuilibrat e demokracisë, pavarësisht se çfarë lloj sistemi përdor ai vend./abcnews.al
ger ta17:02 | 03/02/2020
Komisioni Europian i jep sërish dritën jeshile Shqipërisë për çeljen e negociatave me Bashkimin Europian. Zëdhëdhësja Ana Pisionero renditi një sërë reformash që e kanë bindur komisionin që të rekomandojë hapjen e negociatave. Bëhet fjalë për rezultate konkrete në luftën kundër drogës, vetingun dhe marrëveshjen për Reforma Zgjedhore.
“Komisioni Europian ka prezantuar progres-raportin e ndërmjetëm të progresit të bërë nga Shqipëria dhe Maqedonia e Veriut në reforma të kyçe të integrimit të kërkuara nga Këshilli i ministrave lidhur me shtetin ligjor, luftën kundër korrupsionit dhe krimit të organizuar. Komisioni vlerëson se Shqipëria ka bërë progres në procesin e Vettingut në kuadrin e reformës në drejtësi, ka ngritur organizma për luftên kundër korrupsionit, ka prezantuar rezultate konkrete lidhur me luftên kundër drogës, si edhe dênime përfundimtare të disa zyrtarëve dhe gjykatësve. Komisioni Europian beson se këtë rradhë, tê gjitha shtetet anêtare tê Bashkimit Europian do të aprovojnë këtë progres raporti për t’i hapur rrugë dritës jeshile hapjes së negociatave të anëtarësimit me Shqipêrinë dhe Maqedoninê e Veriut”
“Komisioni Europiuan aprovoi sot raportin e shumëpritur të ndërmjetëm të progres-raportit për Shqipërinë dhe Maqedoninê e Veriut. Ky raport bën vlerësimin e progresit të reformave lidhur me shtetin ligjor. Siç shihet në raport, të dyja vendet kanë vazhduar të ofrojnë rezultate të mëtejshme të prekshme dhe të qëndrueshme në fusha kyçe të identifikuara nga Këshilli i ministrave, veçanërisht nê reformën në drejtësi dhe shtetit ligjor. Ndaj, Komisioni Europian konsideron se rekomandimi për hapjen e negociatave të anêtarësimit me Shqipërinë dhe Maqedoninë e Veriut mbetet i vlefshëm. Lidhur me Shqipërinë, ne njohim progresin në reformën në drejtësi si dhe procesin e Vettingut të gjyqtarëve dhe prokurorëve. Ne shohim gjithashtu përmirësimin e gjurmës së provave lidhur me luftên kundër korrupsionit dhe krimit të organizuar, përfshirê kultivimin e kanabisit dhe trafikun e drogave të rënda. Ne njohim gjithahshtu në raport marëveshjen ndërpartiake të arritur në vend për avancimin në reformën zgjedhore, si edhe trajtimin e kërkesave të azilit të pabazuara’, tha Ana Pisonero, zëdhënëse e KE-së.
Lidhur me pyetjen drejtuar nga ABCnews, se cilat janë arsyet që e bëjnë Komisioni Europian të besojnë se të gjitha shtetete anëtare do ta miratojnë këtë progres- raport, zëdhënësja e ekzekutivit europian ka dhënë kêtë përgjigjje:
“ Komisioni Europian prezantoi disa javë më parë metodologjinë e re të zgjerimit. Ne shpresojmë, se ky propozim do të funksionojë për të dyja palët, pasi merr në konsideratë shqetësime të shprehura nga disa shtete anëtare. Ne mendojmë dhe shpresojmë, se ky propozim si dhe me progress-raportet që prezantuam paralelisht sot që tregojnê, se të dyja vendet kanë vazhduar tê bêjnë progres të prekshëm dhe të qëndrueshëm në fusha kyçe të identifikuara nga Këshilli I ministrave, përbëjnë një bazë të mire për një vendim pozitiv nê javêt e ardhshme nga shtetet anêtare, shumë para samitit tê Zagrebit”, tha Pisonero
Progres-raporti do të diskutohet nê Kêshillin e çështjeve të përgjithshme në 24 mars dhe pritet tê aprovohet nga samiti I liderëve europiaë të 26 dhe 27 marsit. /abcnews.al
So Nila17:40 | 24/01/2020
Ambasadori i Bashkimit Evropian, Luigi Soreca ka reaguar pas vizitës së Presidentit të Këshillit Europian, Charles Michel, këtë të premte në Tiranë.
Ambasadori Soreca përmes një npostimi në rrjetin social Tëitter shkruan se Michell ishte e rëndësishme dhe se dha sinjal të fortë që zgjerimi është përparësi për BE.
“Sapo përcolla presidentin e Këshillit Europian Michel në fund të vizitës së tij të rëndësishme sot në Tirane. Sinjal i fortë që zgjerimi është përparësi për BE-në. Shqipëria duhet të vazhdojë të zbatojë reformat në funksion të vendimit të rëndësishëm të pranverës së ardhshme për hapjen e negociatave“, shkruan ambasadori i BE-së.
Ndërkohë Presidenti i KE, Charles Michel në fjalën e tij në konferencën e përbashkët përshtyp me kryeministrin Edi Rama ka theksuar se në javët në vijim në Bruksel do të zhvillohet një debat, i cili do të bazohet në një strategji me tre shtylla, ku do të përfshihen formulimi i modernizimit të zgjerimit, për negociatat e Shqipërisë dhe Maqedonisë së Veriut./abcnews.al
in a14:00 | 10/01/2020
Presidentja e Komisionit Europian, Ursula Von der Leyen konfirmoi se konferenca e donatorëve për Shqipërinë do të zhvillohet në 17 shkurt në Bruksel. Ajo ka përçuar gjithashtu një mesazh të qartë për hapjen e negociatave të anëtarësimit në Bashkimin Europian të Shqipërisë dhe Maqedonisë së Veriut.
Nga Erisa Zykaj
Konferenca e donatorëve për pasojat e tërmetit të 26 nëntorit në Shqipëri do të zhvillohet në 17 shkurt në Bruksel. Këtë e ka konfirmuar presidentja e Komisionit Europian, Ursula Von der Leyen në një konferencë për shtyp me kryeministrin kroat Andrej Plenkoviç në Kroaci.
Ursula Von der Leyen, presidente e KE-së tha se “Jam në gjendje t’ju them, duke qenë se po flasim për angazhdimin tonë krah për krah miqve tanë të Ballkanit Perëndimor, se konferenca e donatorëve për Shqipërinë do të zhvillohet në 17 shkurt. Konferenca e donatorëve zhvillohet pas tërmetit të tmerrshëm në Shqipëri dhe ne duam ta ndihmojmë Shqipërinë në proçesin e rindërtimit”.
Në këtë konferencë do të marrin pjesë shtetet anëtare të Bashkimi Evropian, partnerët e Ballkanit Perëndimor, organizatat ndërkombëtare, institucionet financiare ndërkombëtare, përfshirë Kombet e Bashkuara dhe Bankën Botërore. Presidentja e Komisionit Europian ka përçuar gjithashtu edhe një mesazh të qartë për hapjen e negociatave të anëtarêsimit në Bashkimin Europian me Shqipërinë dhe Maqedoninë e Veriut.
Ursula Von der Leyen më tej u shpreh se “”Samiti i Zagrebit do të jetë një samit potencialisht historik. Ne kemi ende shumë punë për të bërë që ky samit të jetë i tillë. Ne do të bëjmë një propozim per metodologjinë e re së shpejti për të reflektuar, se si mund të përmirësojmë proçesin e antëtarësimit, por jam thellësisht e bindur që kjo nuk duhet të na pengojë për të hapur negociatat e anëtarësimit me Shqipërinë dhe Maqedoninë e Veriut. Ne u kemi kërkuar vendeve të bëjnë shumë. Ata kanë përmbushur kriteret dhe ne tani ne duhet të përgjigjemi për premtimet që kemi bërë”.
Kryeministri kroat, Andrej Plenkoviç ka theksuar se samiti për Ballkanin Perëndimor që do të zhvillohet në Zagreb në muajin maj midis Bashkimit Europian dhe vendeve të Ballkanit Perëndimor pritet të shënojë një histori suksesi për politikën e zgjerimit të Bashkimit Europian. /abcnews.al
ent ela16:06 | 26/11/2019
Komisioni Evropian tha se ka angazhuar ekipe nga vendet e BE-së për të ndihmuar Shqipërinë. Solidaritet për fatkeqësinë natyrore me 16 viktima, kanë shprehur liderët e institucioneve kryesore në Europe.
Bashkimi Evropian ka shprehur ngushëllimin e thellë për njerëzit dhe autoritetet e shtetit ndërkohë që qëndron në solidaritet me Shqipërinë dhe është gati të ofrojë ndihmën e saj. Mekanizmi europian për mbrojtjen e civilëve dhe Qendra Koordinuese për Rastet e Emergjencave të BE (ERÇ) kanë ofruar ndihmë dhe janë në kontakt të vazhdueshëm me autoritetet shqiptare. Në vazhdën e tërmetit shkatërrues që goditi Shqipërinë sot në mëngjes herët duke shkaktuar humbjen e shumë njerëzve dhe plagosjen e shumë të tjerëve, ne shprehim ngushëllimet tona të përzemërta për njerëzit dhe autoritetet e vendit, deklaroi shefja e diplomacisë europiane, Federica Mogherini.
”Bashkimi Europian solidarizohet me Shqipërinë dhe është i gatshëm të ofrojë ndihmë, përfshirë edhe përmes Mekanizmit të Mbrojtjes Civile të Unionit. Qendra jonë e Koordinimit për Reagimin e Emergjencave (ERÇ) ka qenë në kontakt të vazhdueshëm me autoritetet shqiptare të mbrojtjes civile”, deklaroi Mogherini. ”Mbetemi në kontakt me qeverinë shqiptare për të identifikuar mënyrat më të mira për të ndihmuar Shqipërinë në këtë kohë të vështirë që po kalon”, theksoi ajo.
Shumë të shqetësuar për tërmetin shkatërrimtar në Shqipëri, shkruan komisioneri i zgjerimit në largim Johannes Hahn, duke theksuar se BE-ja është pranë Shqipërisë në këtë moment të vështirë.
“I brengosur thellësisht për tërmetin shkatërrues të tokës në Shqipëri, unë po dërgoj ngushëllimet e mia të sinqerta familjeve të viktimave dhe shpresoj për shërim të shpejtë të shumë të plagosurve”, tha Hahn.
Ndërsa Mina Andreeva, kryezëdhënëse e Komisionit Europian deklaroi në konferencwn e mesditës së Komisionit Europian se është aktivizuar edhe sistemi Kopernikus i Unionit.
“Ne jemi tronditur nga tërmeti që ka prekur Shqipërinë këtë natë dhe që ka marrê së pakur jetën e 7 personave. Shefja e diplomacisë europiane, Fderica Mogherini dhe komisioneri Sylianides kanë publikuar një deklaratë, ku shprehen ngushëllimet tona dhe solidariteti ynë me Shqipërinë. Ekipe nga Italia, Greqia dhe Rumania janë mobilizuar dhe ekipe nga Gjermania,Hungaria, Kroacia, Franca, Slloveni, Letonia, Republika Ceke dhe Turqia. Përveç kësaj, ne kemi aktivizuar sistemin Kopernikus për prodhimin e imazheve satelit për zonat e prekura. Komisioneri Stylianides ka folur me presidentin Ilir Meta dhe ne mbetemi në kontakt permanent me autoritetet e mbrojtjes civile».
Ndërkohë, midis vendeve të rajonit që i dolën në ndihmë Shqipërisë, është edhe Serbia. Kryeministri i Shqipërisë, Edi Rama konfirmoi se ka folur me presidentin serb Vuçiç, ndërkohë që Serbia po e dërgon një skuadër mbështetëse në Shqipëri. Kryeministri i Malit të Zi, Markoviç, njoftoi gjithashtu se një skuadër speciale mbështetje për të dëmtuarit po niset drejt Shqipërisë.
Qyteti i Shkupit ka dërguar ekip të pajisur me dron dhe kamera termale për gjetjen e viktimave të mundshme në rrënoja, një dron pa pilot që bën identifikimin 3D të terrenit dhe një ekip tjetër prej 4 zjarrfikësve. “Po bëjmë gjithçka që është e mundur për të ndihmuar në këto kohë tragjike”, tha Shilegov në Facebook. Po ashtu edhe Komuna e Çairit miratoi vendimi të ndajë një shumë parash prej 720 mijë denarë për të ndihmuar. Ndërkaq kryetari i Komunës së Çairit propozoi edhe themelimin e Këshillit për emergjencë nga një përfaqësues të të gjitha partive. Edhe kjo pikë kaloi me 19 vota pro dhe asnjë kundër nga Këshilli i komunës. /abcnews.al
ad min16:43 | 23/10/2019
Kreu i Komisionit të Punëve të Jashtme në Parlamentin Europian David McAllister është shprehur i zhgënjyer me mos hapjen e negociatave për Maqedoninë e Veriut dhe Shqipërinë.
Në një intervistë për “Euractiv’’, anëtari i kristiandemokratëve gjermanë në PE beson se përçarja mes vendeve të BE-së ka cënuar besueshmërinë e këtij organizmi. Ndërkohë, vendimin e KE-së në 17 tetor e quan “gabim historik”.
“Unë jam shumë kritik ndaj efektit përfundimtar të bisedimeve në Samitin e Këshillit Europian dhe mendoj se ky është një gabim historik. Ky nuk është vetëm një sinjal elokuent për Ballkanin Perëndimor në përgjithësi, por edhe për minimin e besueshmërisë së Bashkimit Europian. Sa kushtojnë premtimet tona nëse veprojmë në këtë mënyrë?!”, thekson McAllister./ABC News Albania
nev ila17:15 | 15/09/2019
Njeriu që synon të mbajë postin e komisionerit të ardhshëm europian të Drejtësisë është nën hetim për pastrim parash. Bëhet fjalë për ministrin e Jashtëm belg, Didier Reinders, mbi të cilin prokuroria e Brukselit ka hapur një hetim.
Policia dhe prokuroria belge po hetojnë dyshimet për korrupsion dhe pastrim parash që rëndojnë mbi ministrin e Jashtëm Didier Reinders, që synon të bëhet komisioneri i ardhshëm europian i Drejtësisë.
Reinders i ka mohuar akuzat të cilat, sipas mediave belge, lidhen me ndërtimin e ambasadës belge në Kinshasa të Kongos, me dhënien me qera të zyrave të policisë dhe mënyra të tjera.
Hetimet paraprake u shtohen atyre mbi emërat e tjerë për postet e komisionerëve, të cilët u publikuan më herët gjatë javës nga presidentja e KE-së, Ursula fon der Lejen.
Nga hetimet e kryera rezulton se paratë janë marrë ose pastruar prej tij përmes blerjes së veprave antike dhe pronave të patundshme, si dhe transaksioneve në parajsat fiskale.
Reinders, një frankofon liberal që shërben gjithashtu si zëvendës kryeministër i Belgjikës u tha gazetarëve se nuk ishte në dijeni të hetimit. Ai shtoi se i ka kërkuar avokatit të tij të kontaktojë prokurorët për të mbrojtur të drejtat e tij dhe për të mohuar dyshimet e ngritura në adresë të tij.
Hetimet mbi figurën e zyrtarit të lartë u nxitën nga deklarata e një ish-oficeri të shërbimeve sekrete belge që hetonte krimin ekonomik.
Një zëdhënës i Reinders tha se akuzat janë pjesë e një fushate dashakeqe që synon diskretitimin e figurës së ministrit./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
