cader

ina-thirrje.jpg
ger ta14:03 | 06/03/2020

Ina Bibaj pas tërmetit të 26 nëntorit të vit të kaluar po përballet me jo vetëm me jetësën e vështirë në një çadër por shëndeti i saj është përkeqësuar nga lagështira. Kjo vajzë 15-vjeçare nga fshati Gallatë i Malësisë të Kurbit ndjek shkollën tek fshati fqinj në Skuraj. Problemet e saj shëndetësore dhe jeta e vështirë kanë shqetësuar dhe drejtorin e shkollës, Zef Markun, pasi nxnënësja ka nisur të mos frekuentojë mësimin.

Na vjen keq për këtë nxënëse jeton në kushte të vështira në çadër pas dëmtimit të banesës. Jetojnë në çadër por flenë në tokë. Ka filluar të vijë rallë në shkollë”, thotë ai.

Marku sqaron se donin të mblidhnin një fond lekësh për vajzë që ajo të kurohej por i ati kërkon zgjidhje për strehimin.

I ati nuk ka të ardhura që ta kurojë. E menduam të mblidhni të ardhura, po i ati nuk donte se thotë kur fle në tokë nuk sbëjnë gjë ilacet për sa kohë fëmijët flenë në tokë. Dua një kontenier na tha ai”, shprehet drejtori.

Ina dhe vëllai i saj për të shkuar në shkollë duhet të ecin rreth 1 orë e gjysmë. Sapo kthehet në shtëpi tregon se nga kushtet e këqia po vuan nga rematizma.

Kockat më dhembin se nga lagështia në çadër patjetër që do të dhembin”, thotë Ina.

Prindërit e Inës veç saj kanë dhe dy fëmijë të tjerë. Prej skamjes njërën prej vajzave e kanë larguar nga shtëpia.

Vajzën e kam dërguar në Lezhë tek vëllai edhe ajo vuan me stomakun”, shprehet ajo.

Ina shpreson problemet e saj do të marrin zgjidhje vetëm nëse ky mesazh bie në veshin e kryeministrit Rama.

Xhaxhi kryeministër unë kam nevojë për ndihmë. Ju lutem më ndihmoni! Dua një konteiner për familjen time, këtu në çadër nuk mund të jetojmë”, bën thirrje Ina. /abcnews.al

 

2833d250-6792-4cff-95b7-4e89f3cd155f-1280x720.jpg
R D16:07 | 07/01/2020

Ulja e temperaturave ka vështirësuar jetesën e familjeve të prekura nga tërmeti që jetojnë në çadra. Gazetari i Abc News, Juxhin Mustafaraj sjell historinë e familjes Doçi në Fushë-Mamurras, ku 5 fëmijë të vegjël qendrojnë ditën në çadër dhe natën në kontenier. Gjyshi i fëmijëve bën apel që shteti të kthejë sytë nga fëmijët e vegjël, dy prej të cilëve janë jetimë.

Në këtë shtëpi mbi 50 vjeçare në Fushë-Mamurras jetonin deri në 26 nëntor 8 anëtarë të familjes Doçi, 5 prej të cilëve fëmijë. Përpara lëkundjeve të tërmetit, vdekja kishte goditur fort jetën e kryefamiljarit Asllan Doçi kur veç përgjegjësisë financiare iu shtua edhe një përgjegjësi më e madhe.

“Më vdiq gruaja, më pas më vdiq djali… i fali zoti dy fëmijë. E morëm nusen të re, pati probleme me nusen dhe djali u vetëflijua. Dy fëmijët e vegjël të moshës 2-3 vjeç mi la jetim. Cfarë ti bëj djalit, atë vendim mori”, shprehet ai.

Me djalin e tij të vetëm, Asllani jeton në këtë çadër ndërkohë që kushtet atmosferike dhe mungesa e energjisë elektrike i ka bërë akoma më të vështira ditët e tyre.

Pesha e rritjes së 5 fëmijëve ka rënë e gjitha mbi Irenën, nusen e re të familjes Doçi e cila është bërë nënë edhe për 2 të vegjlit e ngelur jetimë ndërkohë që vështirësitë thotë se janë të mëdha.

“Ajo që duam është një shtëpi, që të kenë fëmijët një vend ku të rrinë…se janë 5 fëmijë”, shprehet ajo.

Një organizatë rinore ka bërë të mundur që përmes donacioneve të sigurojë një kontenier për fëmijët, ndërkohë që apeli i Irenës është për një zgjidhje përfundimtare për të vegjlit.

Xhupat e fëmijëve të vegjël qëndrojnë të veshur nga mëngjesi në darkë, ndërkohë që shpresa e më të rriturve është që kur rindërtimi të nis ata të kenë një vend në krye të listës. /abcnews.al

bora-1.jpg
ger ta20:23 | 06/01/2020

Familja Pera në lagjen Sanxhak të qytetit të Laçit u zhvendos të jetonte në çadër pas tërmetit të 26 nëntorit. Por erërat e forta të së dielës prishën edhe strehën e re të familjes, duke i detyruar 8 pjesëtarët e saj të zhvendosen.

 

Bora Pera është nënë e tre fëmijë, më i vogli prej të cilëve 7 muajsh. Basti që ka vënë me veten përballë kushteve të rënda atmosferike është i madh.

“Fëmijët i kam rrezikuar, i kam futur brenda nuk kam çfarë të bëj, të paktën brenda them i kam mbuluar kalamajt me shumë batanije dhe po ra catia, të paktën shumë jorganë që t’i mbroj se nuk kam sesi. Edhe te bashkia thonë që për shtëpitë private nuk ka bonus, a mund të rrijë fëmija 7 muajsh në çadër, është tmerr”, shprehet ajo.

Çatinë kanë tentuar ta restaurojnë, pavarësihst se dukshëm dhoma ka marrë goditje të fortë. Rriskun që ka marrë me veten dhe fëmijët e saj, Bora sfidon ta marrë edhe kryeministri Rama i cili ka deklaruar se për banesat private zgjidhja emergjente do të jetë vetëm qëndresa në çadra.

“Këtë thotë edhe kryeministri Edi Rama, ai ka fëmijë vetë, duhet ta llogjikojë vetë, shiko si është me grip, ku ta çoj unë fëminë në çadër? Unë nuk e kuptoj a janë normalë këta njerëz a nuk janë. Të vijë Rama ta provojë të rrijë në çadër”, shprehet ajo.

Kur vendimi për të qëndruar nën rrënoja përballë kushteve të vështira atmosferike është marrë, lutja e vetme është që toka të mos dridhet sërish pasi tragjeditë do të ishin të pashmangshme./abcnews.al

oo.jpg
in a14:17 | 05/01/2020

Me ftohjen e motit jetesa në çadër për familjen Prini në fshatin Mazhe po bëhet e pamundur.

Trinjakët e kësaj familje tregojnë se sa e vështirë është të jetosh në këto kushte teksa ju duhet të ndjekin dhe shkollën. Por të mësuarit në çadër është një sakrificë e jashtëzakonëshme për këta fëmijë që ndjekin klasën e tetë.

“Në çadër është shumë ftohtë”, shprehen ata.

Edhe nëna e tyre tregon se pas tërmetit të 26 nëntorit po kalojnë ditë vërtet të vështira.

“Në çadër jetojmë deri ditën kur ka rënë tërmeti”, tregon nëna  e fëmijëve.

Por në të njëjta kushte, jeton edhe familja e Ramazan Dacit. Pas shkatarrimit të shtëpisë nga Trëmeti, çadra është streha e vetme për të dhe gjashtë pjetarët e familjes së tij.

“Presim nga shteti përgjigje”, thotë ai.

Edhe për këtë zonjë, e cila prej disa ditësh është vendosur në kontiner, gjendja nuk është aspak e lehtë.

“Çadrën na  e ka sjellë turku, jemi dy familje këtu”, tregon ajo.

Tërmeti i 26 nëntori la pas dëme të shumë materiale në fshatin Mazhe të Krujës, pas verifikimeve në terren shumë banesa u shpallën të pabanueshme. Por për banorët rindërtimi i tyre është i pamundur për shkak të kushteve të rënuara ekonomike./abcnews.al

mod.jpg
in a14:51 | 29/12/2019

Një familje në Fushë-Mamurras të Kurbinit do ta kalojë natën e ndërrimit të viteve në fohtin e acartë. Familja Tarja do të vazhdojë të qëndrojë në çadër e cila është streha e vetme e saj, pasi tërmeti u mori gjithçka.

Por, i ftohti nuk është i vetmi problem për familjen me 4 anëtarë në këto netë dhjetori. Kryefamiljari Lulzim Tarja thotë se era e fortë u rrezikon edhe strehën e vetme, ndaj ai kërkon ndihmë.

“Është e rrezikshme, kam vajzën, familjen. Nuk rrihet në çadër”, thotë ai.

Alma 13-vjeçare, i kalon ditët dhe netët strukur në batanije, për shkak të temperaturave të ulëta.

“Shumë fohtë në çadër çdo natë fryn erë, nuk mund të rrihet këtu”, shprehet 13-vjeçarja, Alma Tarja.

Në te njëjtën lagje jeton edhe familja Myftari me 6 anëtarë. Edhe ata qëndrojnë pothuaj gjithë kohës nën batanije për shkak të acarit të këtyre ditëve.  Kryefamiljari Besimi, bën thirrje që shteti t’u sigurojë një strehim afatgjatë…

“Dimri tani sa ka filluar. A rrihet përherë në çadër. Në shtëpi nuk  mund të futemi është e pabanueshme”, shprehet Besim Myftari banor i Fushë-Mamurrasit

Tërmeti 26 nëntorit në fshatin Fushë-Mamurras të Kurbinit dëmtoi disa banesa dhe një pjesë e banorëve po jetojnë në kushte mjaft të vështira duke shpresuar për mbështetje nga shteti./abcnews.al

Screenshot_2-9.png
R D10:39 | 26/12/2019

Arben Allushi, banor i Thumanës qendron në çadër prej 1 muaji me bashkëshorten dhe 3 fëmijët e mitur. Ai thotë se shtëpia është shembur komplet, por bashkia e udhëzon të futet brenda.

“Unë u kam kërkuar më jepni një deklaratë për shtëpinë…unë do e çoj lart e më lart problemin tim. Çadrën nuk e dorëzoj, këtu do vazhdojmë të rrimë”, shprehet ai i revoltuar.

Ngjitur me këtë familje qendron edhe komshija Nadire Kadiu, e cila nuk ka ku të shkojë….

Po kështu gazetarja e Abc News, Esiona Konomi, i pyeti këta banorë, për mënyrën si i kanë siguruar ushqimet.
“Shteti bën dallime, për disa çon ushqime dhe për disa të tjerë jo. Ne na ka sjell kisha dhe ndonjë pako bashkia”, shprehen banorët e Thumanës.

Më pas Arbeni tregon para kamerave banesën e rrënuar. “Shikojeni si është… e ndërtuar me kallama në 1956. Më thonë futu brenda, por nuk futem këtu! E kam blerë këtë shtëpi para 14 vitesh por nuk kam dokument hipotekor dhe ndaj shteti nuk më ka futur në listë për ta rindërtuar”, shprehet ai./abcnews.al

apel.jpg
in a11:29 | 24/12/2019

Një nënë me dy fëmijë të vegjël, që jeton në çadër Borizanë të Krujës, i bën apel shtetit ta ndihmojë për strehim.

30 – vjeçarja nga fshati Borizanë e Krujës jeton në çadër bashkë me dy fëmijët e saj të vegjël që pas tërmetit të 26 nëntorit. Shtëpia e saj është e pabanueshme, por edhe kushtet në çadër për të miturit në këto ditë të acarta janë tepër të vështira. Nëna bën apel për ndihmë.

“Zoti kryeministër reagoni sepse kam dy fëmijë në çadër, ju lutem vendosni dorën në zemër”, shprehet nëna e dy fëmijëve.

Shumë banesa në fshatrat e Krujës kanë pësuar dëmtime të rënda nga tërmeti i nëntorit dhe familjet e tyre e kanë ende të pazgjidhur problemin e strehimit./ abcnews.al

familje-cader.jpg
R D15:03 | 22/12/2019

Koha e keqe që ka përfshirë vendin ka vështirësuar jetesën për banorët e dëmtuar nga termeti që flenë në çadra. E tillë është kjo familje me 4 anëtarë në Murqinë të Krujës. Nëna me dy vajza të mitura bën apel për ndihmë, pasi ka edhe fëmijën sëmurë, për shkak të të ftohtit dhe lagështirës.

Katër anëtarët e familjes Vathi në fshatin Murqinë të Krujës, pas shembjes së shtëpisë nga tërmeti janë strehuar në këtë çadër, ku balta dhe reshjet e shiut e bëjnë jetesën më të vështirë

E zonja e shtëpisë Dila tregon për ABC News se jetesa në çadër është shumë e vështirë pasi njëra nga vajzat është e sëmurë, ndaj i bëjnë apel shtetit për ndihmë.

Tërmeti i 26 nëntorit ka dëmtuar rreth 10 banesa në fshatin Murqinë të Krujës, zonë e cila vuan shpesh edhe pasojat e përmbytjes. Sipas banorëve grupet e verifikimit kanë evidentuar dëmet e shkaktuara nga tërmeti, por deri më tani asnjë ndihmë nuk u është ofruar./abcnews.al

rama-2.png
R D11:32 | 11/12/2019

Kryeministri Edi Rama ishte paraditen e sotme në disa fshatra të dëmtuar nga termeti në Fushë-Mamurras. Mesazhi i tij ishte i qartë se “kush është regjistruar deri më tani do ti ndërtohet shtëpia e re, të tjerët nuk do perfitojnë”. Sipas Ramës, ka shumë që duan të abuzojnë dhe po i shembin vete shtëpitë.

Por Kryeministri si gjithnjë nuk i kurseu batutat me banorët.

Teksa një burrë në moshë i shpjegonte se kanë marrë 1 çadër, por është e pamjaftueshme se janë dy kurorë brenda, Rama i thotë djalit të familjes me humor “mos luaj shumë natën dhe nëse do… dil në fushë”.

Pjesë nga bashkëbisedimi

Rama: Po nuk e keni sistemu çadrën?
Kryefamiljari: Andej çuni këndej nana me babën…se jemi dy familje. I kemi vendos dyshekët për ti ndarë çadren.
Rama: Mure për tu ndarë një çadër…hej Zot!
Kryefamiljari: Luan natën ky (djali)
Djali: Prej hallit…
Rama: Ca halli mo. Hej Zot, po dil në fushë.
Djali: Sa u fejova ra termeti.
Rama: Termet jashtë termet brenda. Nga gëzimi që ke shpëtu luan gjithë natën…

/abcnews.al

cadra-lac-spitali.jpg
nev ila17:33 | 10/12/2019

Spitali i Laçit jep shërbimin e tij në një çadër. Shërbimet problematike, gjithashtu edhe urgjencat spitalore, jepen në çadra. Rastet më urgjente sipas komunikimit me Drejtorin e Spitalit, shkojnë drejt spitalit të Lezhës dhe drejt Tiranës.  

Siç shihet edhe nga pamjet, të gjithë pacientët e qytetit të Laçit, trajtohen në këtë çadër. Çadrat nuk kanë qenë komfort për dhënien e shërbimit të urgjencës megjithatë situata paraqitet e qetë.

Por sa kohë mund të vazhdojë kjo situatë?

Gazetari Juxhin Mustafaraj ka raportuar për abcnews.al se sipas autoriteteve, spitali i Laçit është shpallur si një godinë që duhet shembur, ndërkohë janë duke u instaluar kontenierë, të cilët do të presin urgjencat për pacientët e këtij qyteti.

Për zgjidhje më afatgjata, nuk është bërë me dije ende asgjë. Në këtë moment zgjidhja e vetme është kjo, që shërbimi merret në ambientet e çadrave.

Me sa duket Ministria e Shëndetësisë është ende e paqartë, dhe e pavendosur, se çfarë do të bëhet me spitalin e Laçit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono