asteroidi

Një asteroid apokaliptik mund të godasë Tokën brenda 50 viteve të ardhshme. Bëhet fjalë për shkëmbin hapësinor “Apophis”, i emërtuar i tillë sipas perëndisë egjiptiane të kaosit dhe errësirës, për të cilin NASA është e shqetësuar pasi është në një kurs përplasjeje me tokën.

Shkëmbi hapësinor, i cili është më i gjatë se Kulla Eifel, pritet të bëjë disa kalime të afërta në Tokë, ku më i rrezikshmi prej të cilëve është në vitin 2068.

Me anë të një videoje ilustruese tregohet saktësisht se çfarë do të ndodhë nëse Apophisi godet Tokën. Fatkeqësisht, nuk është një lajm i mirë për njerëzimin.

Në video, shihet se si ky asteroid përplaset me tokën në oqeanin Atlantik, midis jugperëndimit të SHBA dhe veriut të Amerikës së Jugut. Sipas NASA ky shpërthim është i barabartë me 65,000 bomba bërthamore si të Hiroshimas.

Në vetëm disa orë, zjarri gjigant që do të shpërthente nga goditja e asteroidit, do të përhapej deri në Kansas, me një rreze gati 2.500 milje larg nga epiqendra. Asteroidi së pari godet dhe më pas dërgon fragmente nga përplasja përsëri në hapësirë.

Shkencëtarët rusë kanë frikë se Apophis, emri i plotë Apophis 99942, mund të përplaset në Tokë me shpejtësi 15,000 km në orë.

Ata thonë se goditja vdekjeprurëse më e rrezikshmja e këtij shkëmbi do të ndodhë rreth vitit 2068.

“Sidoqoftë, nuk është koha për panik pasi Apophis ka vetëm një shans “një-në-250,000” për t’u përplasur me planetin tonë”, sipas NASA.

“Apofisi ka qenë një nga ata trupat qiellorë që ka kapur interesin e publikut që kur u zbulua në vitin 2004“, tha Steve Chesley i NASA.

Shkëmbi hapësinor 370 metra i gjerë u zbulua në qershor 2017.

Ai u vu re vetëm përmes një teleskopi hapësinor, në Hawai, i cili në atë kohë iu afrua planetit tonë vetëm 548,000 milje larg, që sipas ekspertëve ishte relativisht afër në aspektin hapësinor dhe mund të kishte shkaktuar kaos nëse e godiste Tokën.

Një gjë është e sigurtë që Apophis do të kalojë përsëri afër Tokës, por ajo që është e pasigurtë për shkencëtarët, është shpejtësia dhe se sa afër do të vijë fluturimi i radhës.

Me anë të një tabele janë dhënë disa nga asteroidet që do ti afrohen tokës gjatë viteve në vazhdim ku më i afërti shihet të jetë “2009 JF1”, i cili aktualisht po lëviz në hapësirë me një shpejtësi rreth 59,000 km/h.

Asteroidi pritet të afrohet në Tokë në 6 maj 2022 dhe do të jetë rreth 7.9 milion milje nga qendra e planetit tonë. Edhe pse 2009 JF1 pritet të fluturojë larg Tokës, ESA ( Agjensia Europiane e Hapësirës) pranoi se asteroidi ka ende shanse të përplaset në Tokë./abcnews.al

Edhe nëse ishte “Big Bang”, “Midas” apo vetë Zoti, ne nuk e kemi të nevojshme të zbërthejmë misterin e origjinës së Arit. Por ne dimë se është minerali më me vlerë dhe tashmë është identifikuar ekzistenca e një asteroidi me vlerë 700 kuintilion dollarë, si pasojë e strukturës së tij me metale të çmuara.

Nëse gara hapësinore e minierave ndizet për ndonjë arsye, do të jetë ky asteroid, i quajtur “Psyche 16”, që sipas studiuesve është vendosur midis Marsit dhe Jupiterit, që lëviz metale të rënda, të cilat janë të mjaftueshme sa për të pasuruar çdo person, mbi planetin tonë, me një trilion dollarë.

Ky asteroid ka sasi masive ari, hekuri dhe nikeli duke bërë që NASA të entuziazmohej pasi e zbuloi. Zbulimi është bërë, ndërsa tani është çështja të “pushtohet” e të preket ekzistenca së tij.

Dhe NASA ka në plan ta bëjë këtë, duke filluar nga viti 2022.

A mund ta nxjerrim këtë ar nga hapësira? Kjo është pyetja kuintilion dollarëshe, sigurisht.

Profesor John Zarnecki, president i Shoqërisë Mbretërore Astronomike, vlerëson se do të duhen rreth 25 vjet për të marrë ‘prova’ dhe 50 vjet për të filluar prodhimin komercial.

“Sigurisht, gjithçka varet nga dy gjëra kryesore:

Fizibiliteti ekonomik dhe përparimi ynë i teknologjisë hapësinore. Dhe pastaj, ne nuk jemi vetëm. Ka fuqi të tjera botërore të cilat dëshirojnë të marrin në duart e tyre atë që përmban asteroidi. Kina përfundimisht planifikon të dominojë këtë garë”, tha ai./abcnews.al

NASA ka paralajmëruar se një asteroid do të kalojë pranë planetit tonë këtë të enjte. Shkencëtarët e kanë emërtuar me emrin “2019 BC3” asteroidin. Momenti kur ai do t’i afrohet më shumë Tokës do të jetë rreth orës 19:00.

“2019 BC3” do të udhëtojë me një shpejtësi prej 47.500 kilometrash në orë. Fatmirësisht në pikën më të afërt që do kalojë planetin, shkencëtarët kanë përllogaritur se do jetë rreth 4.8 milionë kilometra larg Tokës. Megjithatë kjo distancë nga NASA kondiserohet si e afërt.

Asteroidi ka një diametër rreth 31-69 metrash. Në një reagim, agjencia hapësinore amerikane theksoi se nuk ka asnjë asteroid apo kometë që është në drejtim të Tokës për t’u përplasur.

“Nuk dimë asnjë asteroid apo kometë në kurs përplasjeje me Tokën, kështu që probabiliteti i një përplasje të madhe është shumë i vogël. Në fakt, me aq sa mund të kuptojmë ne, asnjë objekt i madh nuk do të godasë Tokën në të paktën 100 vitet e ardhshme”, u shprehën ata./abcnews.al

Një asteroid me diametër 3 metra ka shpërthyer në atmosferën e tokës. Ngjarja është regjistruar mbrëmjen e së dielës, në qiellin e Afrikës së Jugut.

Ka hyrë në atmosferë me shpejtësi 17 kilometra në second dhe është shpërbërë në një shpërthim të fuqishëm sipër qiellit të Bostvanës, ashtu siç ishte parashikuar nga shkenctarët. Dimensionet e tij të reduktuara, vlerësuar mes 3 dhe 5 metra të diametrit, nuk kanë krijuar frikë për një përplasje të mundshme me dëmë në persona apo material, sikundër ndodhi në shkurt të 2013 me meteorin në Rusi, i cili duke kaluar sipër qytetit shkaktoi një valë që theu xhamat e dritareve.

Asteroidi “2018LA” ishte verifikuar të shtunën në mëngjes në distancë të orbitës hënore nga teleskopi i një projekti të financuar nga NASA me qëllim për të zbuluar trupat qiellor në orbitën e të cilëve mund të jetë toka. Të dhënat janë dërguar menjëherë në Masaçusets e më pas janë zhvendosur për në laboratorët e NASA-s në Kaliforni.

“Ky ishte një objekt shumë i vogël në krahasim me ato që kemi detyrë t’I zbulojmë dhe sinjalizojmë”, u shpreh një zyrtar I NASA-s. Ndërsa më tej shton se këto lloj episodesh japin mundësinë që të ushtrohen kapacitetet llogaritjes së rrezikut të përplasjes me tokën të trupave qiellorë. /abcnews.al

asteroidi

“Zoti i kaosit dhe errësirës” i afrohet Tokës, shqetësohet NASA

Zbulohet “asteroidi i artë” që mund ti bëjë të gjithë njerëzit miliarderë

Asteroid drejt Tokës, reagon NASA

Asteroidi hyn në atmosferën e tokës dhe “ndriçon” natën në Afrikën e Jugut

E FUNDIT / Shënohet viktima e 12-të nga koronavirusi

Formacioni “Special One”, Mourinho zbulon 11 lojtarët e preferuar të tij

Mbeten mes katër rrugëve në Shkodër, kthehen nga Mali i Zi 40 puntorë shqiptar