Loading ...
Nuk e ka zakon të dorëzohet.
Antonio Konte është një trajner që lufton deri në fund dhe po ashtu Napoli I tij, që jo rastësisht është kampion I Italisë.
Skuadra simbol e Italisë së Jugut fitoi derbin e kësaj jave në Serinë A duke mundur Milanin 1-0, e duke u ngjitur në vendin e dytë.
Presioni ishte I madh dhe kuqezinjtë e Alegrit janë mjeshtra të mbrojtjes e kundërsulmit, por këtë herë nuk ia dolën.
Kjo, edhe pse napolitanët ishin sërish pa mbrojtësin e Kosovës, Amir Rrahmani, të dëmtuar, dhe pa rebelin Romelu Lukaku që nuk dëgjon të kthehet nga Belgjika.
Dueli në stadiumin “Maradona” u vendos nga goli I shënuar nga Politano në minutën e 79-të.
Pjesa e parë ishte e mërzitshme, ndërsa pas pushimit vendasit bënë më shumë dhe e merituan suksesin.
“Inter, tani mbetet Konte, – shkruan “La Gazeta delo Sport”, – Kivu në +7 ndaj Napolit, që eliminon Milanin! Antonio kërkon kombëtaren!”
“Konte e mban në jetë, – titullon “Il Korriere delo Sport” për ëndrrën titull të Napolit, – mund edhe Milanin! Skudeto, Napoli në -7 nga Lautaro!”
Kampionia e Italisë në fuqi është tani në vendin e dytë me 65 pikë, 7 pikë më pak se Interi që kryeson, ndërsa duhen edhe 7 javë deri në fund.
Milani zbriti në vendin e tretë në renditje me 63 pikë, dhe praktikisht duket jashtë garës për titull.
Napolitanët bënë më shumë sesa kundërshtarët, me shumë më tepër gjuajtje dhe e mbajtën më shumë topin.
