Barcelona luan sonte ndaj Dynamo Kiyv në “Camp Nou” ndeshjen e tretë të fazës së grupeve të Champipons League. Gjatë kësaj nisje të sezonit katalanasit kanë vuajtur mungesën e Ter Stegen. Gardiani është garanci mes katërkëndëshit dhe skuadra blaugrana fiton shumë siguri më të në fushë.
Një operacion në shpatull e ka ndalur gjermanin të luajë, por faza e rikuperimit fatmirësisht ka përfunduar dhe Ter Stegen është stërvitur normalisht. Madje nga Spanja zërat e lidhin me debutimin e këtij sezoni gardianin.
Neto gjatë javëve të fundit ka treguar pasiguri të mëdha dhe Koeman pritet të vendosë menjëherë titullar sonte Ter Stegen për të mos rrezikuar. Barça është në vendin e parë me gjashtë pikë pas dy ndeshjesh dhe kreu i gupit është objektivi primar për katalanasit. /abcnews.al
