Mesfushori i Interit, Christian Eriksen, është gjithnjë e më pranë largimit nga ziklatrit. Injorimi nga Antonio Conte si dhe minutat e pakta në këtë pjesë të sezonit e kanë detyruar atë që të kërkojë tek drejtuesit largimin nga Milano.
Sipas raportimit të “La Gazzetta dello Sport”, në tavolinë janë disa oferta për danezin. PSG, Manchester United dhe Arsenal janë disa nga klubet kryesore që kërkojnë shërbimet e Eriksen. Mësohet se dëshira e lojtarit është të mos rikthehet në Premier League, por të kalojë në radhët e PSG-së.
Është folur shpesh se mes dy klubeve mund të ketë një shkëmbim të lojtarëve. Bëhet fjalër për mesfushorin, Leandro Paredes, i cili gjithashtu ka kërkuar largimin nga Parisi. Gjithçka mbetet për t’u parë, por me shumë mundësi Eriksen nuk do të jetë një lojtar i Interit pas muajit janar. /abcnews.al
