Presidenti turk Rexhep Tajip Erdogan diskutoi përpjekjet për të dërguar ndihma humanitare në Gaza dhe “nevojën urgjente” për një armëpushim gjatë një takimi me liderin më të lartë politik të Hamasit Ismail Haniyeh në kryeqytetin Stamboll të shtunën, tha zyra e tij.
Ky ishte takimi i parë midis Erdogan dhe Haniyeh që nga 7 tetori, kur Izraeli filloi pushtimin e tij ushtarak në Gaza pas sulmit të Hamasit. Në fillim të kësaj jave, kreu i Hamasit zhvilloi bisedime me ministrin e Jashtëm turk Hakan Fidan në Doha.
Gjatë takimit, Presidenti Erdogan tha se Turqia vazhdon përpjekjet e saj diplomatike për të tërhequr vëmendjen e komunitetit ndërkombëtar ndaj persekutimit të palestinezëve dhe theksoi në çdo rast nevojën për t’i dhënë fund mizorive dhe nevojën urgjente për një armëpushim të përhershëm. thuhet në një deklaratë të presidencës turke.
Erdogan tha se Turqia i kishte ofruar Gazës më shumë se 45,000 ton ndihma humanitare dhe do ta vazhdojë ta bëjë.
/abcnews.l
