Presidenti turk Rexhep Tajip Erdogan ka dënuar referendumet në zonat e pushtuara të Ukrainës në një bisedë telefonike me presidentin e Ukrainës, shkruan BBC.
Erdogan thuhet se i përshkroi referendumet si një “burim shqetësimi” që do ta bënte më të vështirë ringjalljen e procesit diplomatik.
Turqia, anëtare e NATO-s, ka lidhje të ngushta me Moskën dhe Kievin, me Presidentin Erdogan që kërkon të ndërmjetësojë një dialog mes të dyjave vendeve që nga fillimi i pushtimit.
Lexo edhe: Çfarë pritet të ndodhë pas referendumeve? Lëvizjet e radhës të Rusisë dhe qëndrimi i Perëndimit
Kanë përfunduar referendumet në katër rajone të Ukrainës, duke i hapur rrugën aneksimit të territoreve. Kremlini ka deklaruar se do të përfundojë aneksimin brenda javës, pasi kërkon të frenojë kundërsulmin e suksesshëm ukrainas.
Por me Kievin, i cili gëzon mbështetjen e Perëndimit, i vendosur për t’u kundërpërgjigjur, si mund të ndodhë e gjithë kjo?
/abcnews.al
